Skipulags- og umhverfisnefnd Fjallabyggðar

Lögð fram að nýju breyting á aðalskipulagi á Kleifum í Ólafsfirði sem auglýst var frá 20. desember til 15. febrúar 2019 í samræmi við 31.gr. skipulagslaga nr. 123/2010. Umsagnir bárust frá Minjastofnun, Umhverfisstofnun, Vegagerðinni, Veðurstofunni og atvinnuvega- og nýsköpunarráðuneyti. Eftir auglýsingu var tekin út setning um hitaveitu Norðurorku vegna umsagnar frá fyrirtækinu.

Lögð fram að nýju deiliskipulagstillaga frístundabyggðar á Ytri-Gunnólfsá II sem auglýst var frá 20. desember til 15. febrúar 2019 í samræmi við 41.gr. skipulagslaga nr. 123/2010. Umsagnir bárust frá Norðurorku, Minjastofnun, Umhverfisstofnun, Vegagerðinni, Veðurstofunni og atvinnuvega- og nýsköpunarráðuneyti. Eftir auglýsingu voru gerðar eftirfarandi breytingar: Í kaflanum um fornminjar er nr. á skráðum minjum breytt í samræmi við deiliskráningu á skipulagssvæðinu og útlínur þeirra og punktar vegna heimilda um minjar sýndar á uppdrætti. Í kaflanum um veitur er tenging við hitaveitu Norðurorku felld út.

Lögð fram umsókn dagsett 21. mars 2019 þar sem Magnús Magnússon f.h. björgunarsveitarinnar Stráka óskar eftir leyfi til að reisa klifurturn ofan við Hlíðarrípil á Siglufirði í samræmi við meðfylgjandi teikningar.

Lagt fram erindi dagsett 3. mars 2019 þar sem Helgi Jóhannsson, nefndarmaður skipulags- og umhverfisnefndar, leggur til að farið verði í viðræður við Vegagerðina um það verkefni að færa grindarhlið á Ólafsfirði, neðan Hornbrekku, til suðurs að afleggjara við Hlíð.

Lagt fram erindi dagsett 28. mars 2019 þar sem Óðinn Gunnarsson óskar eftir leyfi til að byggja svalir á suðurhlið Fossvegar 16 samkvæmt meðfylgjandi teikningu. Einnig lagt fram samþykki nágranna á Fossvegi 14.

Lagt fram erindi dagsett 25. mars 2019 þar sem Albert Gunnlaugsson f.h. Tunnunnar prentþjónustu ehf. óskar eftir endurnýjun á lóðarleigusamning fyrir lóðina Eyrargötu 19. Einnig lögð fram drög að nýjum lóðarleigusamning og lóðarblaði.

Lögð fram umsókn dagsett 18. mars 2019 þar sem Ómar Hauksson f.h. hönd eigenda Hólavegar 39 óskar eftir endurnýjun lóðarleigusamnings. Einnig lögð fram drög að nýjum lóðarleigusamning og lóðarblað fyrir Hólaveg 39.

Lagt fram erindi Helga Jóhannssonar, nefndarmanns skipulags- og umhverfisnefndar, dagsett 31. mars 2019 þar sem sveitarfélagið er hvatt til viðræðna við Vegagerðina vegna áningastaðar vestan brúar yfir ósinn í Ólafsfirði, eins og til stóð í kjölfar opnunar Héðinfjarðarganga.

Lögð fram umsókn Þorvalds Hreinssonar dagsett 31. mars 2019 þar sem sótt er um leyfi fyrir 8 hestum á Brimvelli 3 í Ólafsfirði.

Lagður fram til kynningar úrskurður Úrskurðarnefndar umhverfis- og auðlindamála vegna kæru ákvörðunar skipulags- og umhverfisnefndar Fjallabyggðar frá 14. maí 2018 um að samþykkja með skilyrði umsókn um endurnýjun byggingarleyfis vegna Suðurgötu 49.
Úrskurðarnefnd hafnar kröfu kæranda.

Lögð fram til kynningar lýsing fyrir gerð landsskipulagsstefnu um loftslag, landslag og lýðheilsu. Kynningartími er til 8. apríl 2019 en ábendingum er hægt að koma á framfæri bréflega til Skipulagsstofnunar, Borgartúni 7b, 105 Reykjavík, með tölvupósti á landsskipulag@skipulag.is eða í athugasemdagátt á landsskipulag.is.