Fræðslu- og frístundanefnd Fjallabyggðar - 29
Málsnúmer 1605010F
Vakta málsnúmer
-
Fræðslu- og frístundanefnd Fjallabyggðar - 29. fundur - 6. júní 2016
Lögð fram skýrsla um úttekt á hugsanlegri sameiningu Tónskóla Fjallabyggðar og Tónlistarskóla Dalvíkurbyggðar unnin af Kristni J. Reimarssyni, deildarstjóra fræðslu-, frístunda- og menningarmála í Fjallabyggð og Hlyni Sigursveinssyni, sviðsstjóra fræðslu- og menningarsviðs í Dalvíkurbyggð.
Fræðslu- og frístundanefnd lýsir yfir ánægju sinni með þá vinnu sem liggur að baki skýrslunni og styður að áfram verði unnið að sameiningu skólanna.
Bókun fundar
Bæjarráð hefur samþykkt að fela bæjarstjóra að ræða við sveitarstjóra Dalvíkurbyggðar um samstarf.
Afgreiðsla 29. fundar fræðslu- og frístundanefndar staðfest á 134. fundi bæjarstjórnar með 7 atkvæðum.
-
Fræðslu- og frístundanefnd Fjallabyggðar - 29. fundur - 6. júní 2016
Samband ísl. sveitarfélaga hefur sent sveitarfélögum ábendingu um að skólanefndir kanni hvernig kostnaðarþátttöku foreldra vegna ritfanga og annara gagna vegna skólagöngu barna er háttað.
Fræðslu- og frístundanefnd felur deildarstjóra fræðslu-, frístunda- og menningarmála í samvinnu við skólastjórnendur að leggja slíkar upplýsingar fyrir á næsta fundi nefndarinnar.
Bókun fundar
Afgreiðsla 29. fundar fræðslu- og frístundanefndar staðfest á 134. fundi bæjarstjórnar með 7 atkvæðum.
-
Fræðslu- og frístundanefnd Fjallabyggðar - 29. fundur - 6. júní 2016
Ályktun frá ársþingi UÍF er svohljóðandi: "Ársþing UÍF hvetur Fjallabyggð til að verða heilsueflandi samfélag í samstarfi við embætti Landlæknis. Heilsueflandi samfélag miðar að því að þróa samfélagslegan ramma utan um markvissa og heildræna heilsueflingu allra aldurhópa. Í þeim tilgangi eru lagðir til grundvallar fjórir áhrifaþættir heilbrigðis sem unnið er með, þ.e. næring, hreyfing, geðrækt og lífsgæði. Fjallabyggð bætist þá í hóp þeirra sveitarfélaga sem skuldbinda sig til þess að efla lýðheilsu og lífsgæði íbúa sinna á markvissan hátt."
Fræðslu- og frístundanefnd fagnar framkominn ályktun en felur deildarstjóra fræðslu-, frístunda- og menningarmála að taka saman upplýsingar um hvað það felur í sér að vera heilsueflandi samfélag ásamt kostnaðarmati og leggja fyrir nefndina.
Bókun fundar
Afgreiðsla 29. fundar fræðslu- og frístundanefndar staðfest á 134. fundi bæjarstjórnar með 7 atkvæðum.
-
Fræðslu- og frístundanefnd Fjallabyggðar - 29. fundur - 6. júní 2016
Lagt fram rekstraryfirlit fyrir tímabilið janúar - apríl 2016. Fræðslu- og uppeldismál: Rauntölur, 240.017.045 kr. Áætlun, 243.472.914 kr. Mismunur; 3.455.869 kr. Æskulýðs- og íþróttamál: Rauntölur, 80.264.938 kr. Áætlun 80.799.806 kr. Mismunur; 534.868 kr.
Bókun fundar
Afgreiðsla 29. fundar fræðslu- og frístundanefndar staðfest á 134. fundi bæjarstjórnar með 7 atkvæðum.
