Markaðs- og menningarnefnd Fjallabyggðar - 25. fundur - 14. apríl 2016
Málsnúmer 1604001F
Vakta málsnúmer
-
Markaðs- og menningarnefnd Fjallabyggðar - 25. fundur - 14. apríl 2016
Á fundinn mætti Guðrún Ingimundardóttir frá ÞjóðList ehf. og kynnti verkefnið.
Á þessu ári fer í gang samstarfsverkefni Íslands og Noregs um skráningu menningarerfða í héraði, styrkt af Norsk-íslenska menningarsjóðnum. Á Íslandi verður verkefnið unnið í Fjallabyggð af ÞjóðList ehf. og Síldarminjasafninu.
Markmiðið með verkefninu er að:
-Leita heppilegra leiða til að vinna með samfélögum við að skrá menningarerfðir sínar og skilgreina verkferla sem önnur samfélög geta síðan stuðst við.
- Skrá menningarerfðir með því að nota eyðublað sem norsku samstarfsaðilarnir hafa þróað, til að rannsaka hvernig og hvort formið hentar.
- Rannsaka með hvaða hætti er heppilegast að hafa skráninguna aðgengilega.
- Afla upplýsinga sem hjálpa til við að þróa landslista yfir menningarerfðir.
Nefndin þakkar Guðrúnu fyrir greinargóða kynningu og óskar henni velfarnaðar í þessari vinnu. Nefndin óskar jafnframt eftir að markaðs- og menningarfulltrúi Fjallabyggðar fái að fylgjast með framvindu verkefnisins.
Bókun fundar
Afgreiðsla 25. fundar markaðs- og menningarnefndar staðfest á 132. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 25. fundur - 14. apríl 2016
Á fundi markaðs- og menningarnefndar þann 14. mars var samþykkt að auglýsa eftir aðilum/félagasamtökum í Fjallabyggð til að taka að sér framkvæmd 17. júní hátíðarhaldanna í bænum. Ein umsókn barst frá Starfsmannafélagi slökkviliðsins í Ólafsfirði.
Nefndin samþykkir að fela starfsmannafélaginu umsjón með hátíðarhöldunum og felur deildarstjóra fræðslu-, frístunda- og menningarmála að leggja fram samning við starfsmannafélagið á næsta fundi nefndarinnar.
Bókun fundar
Afgreiðsla 25. fundar markaðs- og menningarnefndar staðfest á 132. fundi bæjarstjórnar með 7 atkvæðum.
