Bæjarráð Fjallabyggðar - 411. fundur - 6. október 2015

Málsnúmer 1510001F

Vakta málsnúmer

Bæjarstjórn Fjallabyggðar - 121. fundur - 15.10.2015

  • .1 1412020 Skipurit
    Bæjarráð Fjallabyggðar - 411. fundur - 6. október 2015 Undir þessum dagskrárlið vék Helga Helgadóttir D-lista af fundi og í hennar stað kom S. Guðrún Hauksdóttir.

    Deildarstjóri stjórnsýslu og fjármála vék einnig af fundi undir þessum dagskrárlið.

    119. fundur bæjarstjórnar Fjallabyggðar, 30. september 2015, tók til umfjöllunar tillögu að skipulagsbreytingum á stjórnsýslu Fjallabyggðar.

    Í tillögu kom fram að í stað þriggja deilda verði deildirnar fjórar:

    a. Stjórnsýslu- og fjármáladeild
    b. Tæknideild
    c. Félagsmáladeild
    d. Fræðslu-, frístunda- og menningardeild

    Ráðinn verði nýr deildarstjóri fræðslu- frístunda- og menningardeildar.

    Bæjarráð felur deildarstjóra stjórnsýslu og fjármála að gera drög að starfslýsingu nýs deildarstjóra.     Bókun fundar Bæjarstjórn samþykkir með 7 samhljóða atkvæðum tillögu að breyttu skipuriti.
  • .2 1509024 Auglýsing umsóknar um byggðakvóta fiskveiðiársins 2015/2016
    Bæjarráð Fjallabyggðar - 411. fundur - 6. október 2015 Lögð fram umsóknarbréf til kynningar fyrir Ólafsfjörð og Siglufjörð. Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .3 1509096 Kirkjugarður Siglufirði, verðkönnun
    Bæjarráð Fjallabyggðar - 411. fundur - 6. október 2015 Óskað er eftir heimild til þess að gera verðkönnun vegna framkvæmda í Kirkjugarðinum á Siglufirði.

    Bæjarráð samþykkir heimild til gerðar verðkönnunar.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .4 1501046 Viðaukar við fjárhagsáætlun 2015 og 2016 - 2018
    Bæjarráð Fjallabyggðar - 411. fundur - 6. október 2015 Lögð fram tillaga að viðauka 5 við fjárhagsáætlun 2015.

    Samkvæmt tillögu er gert ráð fyrir rekstrarbreytingum að upphæð kr. -445.000 og efnahagsbreytingum að upphæð kr. 31.148.000.

    Bæjarráð samþykkir að vísa tillögu til umfjöllunar í bæjarstjórn.     Bókun fundar Bæjarstjórn samþykkir með 7 samhljóða atkvæðum afgreiðslu 411. fundar bæjarráðs.
  • .5 1510001 Yfirtaka Fjallabyggðar á Siglufjarðarflugvelli
    Bæjarráð Fjallabyggðar - 411. fundur - 6. október 2015 Tekið fyrir erindi Isavia um yfirtöku Fjallabyggðar á mannvirkjum Siglufjarðarflugvallar, dagsett 28. september 2015.

    Bæjarráð telur drög Isavia að samkomulagi ófullnægjandi og ekki í samræmi við það sem hefur farið á milli aðila í málinu og felur bæjarstjóra að koma á framfæri athugasemdum.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .6 1309050 Bakvaktir Slökkviliðs Fjallabyggðar
    Bæjarráð Fjallabyggðar - 411. fundur - 6. október 2015 Tekið fyrir erindi Landssambands slökkviliðs- og sjúkraflutningamanna, dagsett 25. september 2015, er varðar vanefndir á kjarasamningsbundnum launum til slökkviliðsmanna.

    Bæjarráð samþykkir að fela bæjarstjóra að taka upp viðræður við LSS.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .7 1510005 Beiðni um aukið fjármagn 2015 og ósk um loftræstingu í skólaeldhús
    Bæjarráð Fjallabyggðar - 411. fundur - 6. október 2015 Tekið fyrir erindi skólastjóra Grunnskóla Fjallabyggðar, dagsett 1. október 2015, þar sem óskað er eftir auknu fjármagni til að ráða stuðningsfulltrúa og starfskraft í lengda viðveru. Einnig er óskað eftir úrbótum í loftræstingu í skólaeldhúsi skólahúsnæðisins í Ólafsfirði.

    Bæjarráð vísar úrbótum í loftræstingu í skólaeldhúsi til umsagnar deildarstjóra tæknideildar og bæjarstjóra.

    Bæjarráð samþykkir ráðningu á stuðningsfulltrúa og starfskraft í lengda viðveru til áramóta.
    Bæjarráð felur skólastjóra að mæta auknum launaútgjöldum með hagræðingu í rekstri og leggja fram tillögu fyrir bæjarráð.     Bókun fundar Til máls tóku S. Guðrún Hauksdóttir og Steinunn María Sveinsdóttir.
    Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .8 1508040 Norðurtún 23 - Flóð frá varnargörðum við Bola
    Bæjarráð Fjallabyggðar - 411. fundur - 6. október 2015 Tilboð í endurgerð grjótdrens norðan við Stóra Bola voru opnuð föstudaginn 2. október 2015.

    Eftirfarandi tilboð bárust:
    Bás ehf. kr. 1.432.000
    Smári ehf. kr. 2.170.000
    Kostnaðaráætlun var kr. 1.980.000

    Bæjarráð samþykkir tillögu deildarstjóra tæknideildar að samið verði við Bás ehf.     Bókun fundar Undir þessum dagskrárlið vék Ríkharður Hólm Sigurðsson af fundi.
    Bæjarstjórn samþykkir með 6 samhljóða atkvæðum að samið verði við lægstbjóðanda, Bás ehf., í endurgerð grjótdrens norðan við Stóra Bola, Siglufirði.
  • .9 1509073 Svæðisáætlun um meðhöndlun úrgangs á Norðurlandi 2015 - 2026
    Bæjarráð Fjallabyggðar - 411. fundur - 6. október 2015 Lögð fram til kynningar sameiginleg svæðisáætlun um meðhöndlun úrgangs á Norðurlandi fyrir tímabilið 2015-2026, sem leggja þarf fyrir sveitarstjórnir til samþykktar.
    Tillagan ásamt umhverfisskýrslu var auglýst til kynningar í Lögbirtingablaðinu og í Fréttablaðinu þann 22. maí sl. og gefinn frestur til 3. júlí til að koma athugasemdum á framfæri.
    Verkefnisstjórn hefur nú farið yfir þær ábendingar sem bárust og gert tilsvarandi breytingar á áætluninni eftir því sem þörf var talin á.
    Eina efnislega breytingin sem gerð hefur verið, frá þeirri tillögu sem send var til sveitarstjórna í sumarbyrjun, felst í umfjöllun um brennslustöðvar fyrir dýraleifar.

    Hlutaðeigandi sveitarstjórnir þurfa að staðfesta svæðisáætlunina í samræmi við 6. gr. laga nr. 55/2003 um meðhöndlun úrgangs með síðari breytingum. Þegar allar sveitarstjórnir á svæðinu hafa samþykkt áætlunina verður gengið frá endanlegri útgáfu þar sem dagsetningar samþykkta einstakra sveitarstjórna koma m.a. fram.

    Svæðisáætlunin inniheldur m.a. allítarlegt yfirlit yfir stöðu úrgangsmála í hverju sveitarfélagi um sig og á starfssvæðum einstakra sorpsamlaga. Þar eru einnig settar fram megináherslur sveitarfélaga á Norðurlandi í úrgangsmálum fram til ársins 2026.     Bókun fundar Bæjarstjórn samþykkir samhljóða með 7 atkvæðum, svæðisáætlun um meðhöndlun úrgangs á Norðurlandi 2015 til 2026.
  • .10 1509103 16. mál til umsagnar - Tillaga til þingsályktunar um styrkingu leikskóla og fæðingarorlofs
    Bæjarráð Fjallabyggðar - 411. fundur - 6. október 2015 Allsherjar- og menntamálanefnd Alþingis sendir til umsagnar tillögu til þingsályktunar um styrkingu leikskóla og fæðingarorlofs, 16. mál.

    Lagt fram til kynningar.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .11 1509099 Aflið - styrkbeiðni
    Bæjarráð Fjallabyggðar - 411. fundur - 6. október 2015 Lögð fram styrkbeiðni, dagsett 24. september 2015, vegna reksturs Aflsins, samtaka gegn kynferðis- og heimilisofbeldi á Norðurlandi.

    Bæjarráð samþykkir að vísa styrkbeiðni til gerðar fjárhagsáætlunar 2016.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .12 1509100 Ályktun stjórnar Heimilis og skóla um endurnýjun gervigrasvalla vegna eiturefna í dekkjakurli
    Bæjarráð Fjallabyggðar - 411. fundur - 6. október 2015 Lögð fram til kynningar ályktun stjórnar Heimilis og skóla þar sem farið er fram á það við sveitarfélög landsins, að gervigrasvellir sem þaktir eru gúmmíkurli úr dekkjum verði endurnýjaðir í ljósi upplýsinga um að dekkjakurl á fótboltavöllum innihaldi krabbameinsvaldandi efni.

    Bæjarráð óskar eftir umsögn deildarstjóra tæknideildar.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .13 1505032 Fyrirspurn um möguleg kaup og framtíðaráform íþróttamiðstöðvarinnar að Hóli í Siglufirði.
    Bæjarráð Fjallabyggðar - 411. fundur - 6. október 2015 Lagt fram til kynningar svarbréf Ungmenna- og íþróttasambands Fjallabyggðar, til Logos lögmannsþjónustu, dagsett 21. september 2015, við fyrirspurn um möguleg kaup á íþróttamiðstöðinni Hóli í Siglufirði.
    Þar kemur m.a. fram að fundur stjórnar UÍF með formönnum aðildarfélaga UÍF sem haldinn þann 9. september sl. komst að þeirri niðurstöðu að ekki væri vilji að svo stöddu til að gera breytingar á starfsemi Hóls.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .14 1509097 Ósk um viðbótarframlag vegna reksturs golfvallarins í Ólafsfirði
    Bæjarráð Fjallabyggðar - 411. fundur - 6. október 2015 Lögð fram beiðni frá Golfklúbbi Ólafsfjarðar, dagsett 24. september 2015, um viðbótarframlag vegna reksturs golfvallarins í Ólafsfirði, 2015.

    Bæjarráð samþykkir framlag að upphæð 550 þúsund og vísar til viðauka við fjárhagsáætlun 2015.     Bókun fundar Bæjarstjórn samþykkir samhljóða með 7 atkvæðum, ósk um viðbótarframlag vegna reksturs golfvallarins í Ólafsfirði.
  • .15 1509098 Tjarnarborg v/konukvölds
    Bæjarráð Fjallabyggðar - 411. fundur - 6. október 2015 Lögð fram beiðni frá skipuleggjanda konukvölds í Tjarnarborg 3. október s.l. til styrktar Krabbameinsfélaginu, um styrk á móti leigu.

    Bæjarráð samþykkir styrk að upphæð 20.000 sem komi til lækkunar reiknings frá Tjarnarborg.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .16 1408008 Útboð á vátryggingum Fjallabyggðar
    Bæjarráð Fjallabyggðar - 411. fundur - 6. október 2015 Tekin til umræðu útboð á vátryggingum.

    Bæjarráð leggur áherslu á að hraða útboði sem mögulegt er og leggur til að teknar verði upp viðræður við Consello, varðandi umsjón og undirbúning útboðs.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .17 1510007 Aðalfundur Skalla 23. september 2015
    Bæjarráð Fjallabyggðar - 411. fundur - 6. október 2015 Á aðalfundi Skalla - félags smábátaeigenda á Norðurlandi vestra, sem haldinn var 23. september s.l. var lýst yfir ánægju og þakklæti með stuðning bæjarstjórnar Fjallabyggðar og byggðaráðs Skagafjarðar við strandveiðar. Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .18 1510009 Reglugerð um mat á umhverfisáhrifum
    Bæjarráð Fjallabyggðar - 411. fundur - 6. október 2015 Skipulagsstofnun vekur athygli á nýrri reglugerð um mat á umhverfisáhrifum.

    Auk almennrar endurskoðunar á eldri reglugerð, hefur nýja reglugerðin að geyma ákvæði um framkvæmdir í flokki C, en ákvæði lagabreytingar um flokk C tóku gildi í júní síðastliðnum. Í reglugerðinni eru þau nýmæli að sveitarstjórn tekur ákvörðun um hvort framkvæmd, sem háð er framkvæmdaleyfi sveitarstjórnar eða byggingarleyfi byggingarfulltrúa samkvæmt skipulagslögum eða lögum um mannvirki og tilgreind er í flokki C í 1. viðauka, skuli háð mati á umhverfisáhrifum. Undantekningar frá þessu eru framkvæmdir í flokki C sem eru áformaðar á öryggis- og varnarsvæðum eða utan netlaga. Þær skal tilkynna til Skipulagsstofnunar. Sveitarstjórn skráir ákvörðun sína um matsskyldu framkvæmdar ásamt tilteknum upplýsingum í þar til gerða gagnagátt.

    Lagt fram til kynningar.     Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.
  • .19 1509019 Sjávarútvegsfundur 21. september 2015
    Bæjarráð Fjallabyggðar - 411. fundur - 6. október 2015 Lögð fram til kynningar fundargerð Samtaka sjávarútvegssveitarfélaga frá 21. september 2015. Bókun fundar Afgreiðsla 411. fundar bæjarráðs staðfest á 121. fundi bæjarstjórnar með 7 atkvæðum.