Bæjarráð Fjallabyggðar - 382. fundur - 3. mars 2015

Málsnúmer 1502010F

Vakta málsnúmer

Bæjarstjórn Fjallabyggðar - 113. fundur - 11.03.2015

Formaður bæjarráðs, Steinunn María Sveinsdóttir gerði grein fyrir fundargerð.
  • .1 1502122 Erindi vegna leikskóladvalar á Leikskálum
    Bæjarráð Fjallabyggðar - 382. fundur - 3. mars 2015 Undir þessum lið viku af fundi Steinunn María Sveinsdóttir og S. Guðrún Hauksdóttir. Kristjana R. Sveinsdóttir tók sæti Steinunnar.

    Á fundi 381. fundi bæjarráðs, 24. febrúar 2015 var tekið til umfjöllunar erindi frá foreldrum vegna umsóknar um leikskóladvöl á Leikskálum og svör við því.

    Bæjarráð samþykkti að óska eftir því að leikskólastjóri og deildarstjóri fjölskyldudeildar kæmu með tillögu að lausn vegna erindis og legðu fyrir næsta fund bæjarráðs.

    Á fund bæjarráðs kom leikskólastjóri, Olga Gísladóttir.
    Deildarstjóri fjölskyldudeildar, Hjörtur Hjartarson boðaði forföll.

    Á fundinum kom leikskólastjóri fram með tillögu að lausn málsins.
    Bæjarráð samþykkir tillögu leikskólastjóra.

    Taka þarf innritunarreglur leikskólans til endurskoðunar og felur bæjarráð deildarstjóra fjölskyldudeildar og fræðslu- og frístundanefnd það verkefni.     Bókun fundar Undir þessum lið viku af fundi Steinunn María Sveinsdóttir og S. Guðrún Hauksdóttir.
    Afgreiðsla 382. fundar bæjarráðs staðfest á 113. fundi bæjarstjórnar með 5 atkvæðum.
  • .2 1502095 Framkvæmdaleyfi fyrir stoðvirkjaframkvæmdum í Hafnarfjalli - 3.áfangi
    Bæjarráð Fjallabyggðar - 382. fundur - 3. mars 2015 Á 178. fundi skipulags- og umhverfisnefndar 25. febrúar 2015 var lagður fram uppdráttur að stoðvirkjum 3.áfanga í Hafnarfjalli.

    Nefndin gerði ekki athugasemdir við uppdráttinn og samþykkir fyrir sitt leyti að framkvæmdaleyfi verði veitt.

    Bæjarráð samþykkir veitingu framkvæmdaleyfis og samþykkir einnig fyrir sitt leyti að útboð fari fram.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .3 1502138 Snjósöfnun við Saurbæjarás og gangnamunna í Héðinsfirði
    Bæjarráð Fjallabyggðar - 382. fundur - 3. mars 2015 Lagt fram til kynningar bréf sent Vegagerðinni dagsett 24. febrúar 2015 er varðar snjósöfnun við Saurbæjarás og gangnamuna í Héðinsfirði.
    Er þess farið á leit við Vegagerðina að þjóðvegurinn, í gegnum Saurbæjarásin á Siglufirði, verði skoðaður og fundin lausn með það fyrir augum að draga úr snjósöfnun. Einnig er óskað eftir að settar verði upp snjósöfnunargrindur við gangnamuna í Héðinsfirði.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .4 1502001 Fasteignagjöld 2015
    Bæjarráð Fjallabyggðar - 382. fundur - 3. mars 2015 Undir þessum dagskrárlið viku af fundi Steinunn María Sveinsdóttir og Sólrún Júlíusdóttir. Kristjana R. Sveinsdóttir tók sæti Steinunnar.

    Á 381. fundi bæjarráðs, 24. febrúar 2015, var lagt fram bréf útibússtjóra Arion banka í Fjallabyggð, dagsett 20. febrúar 2015, þar sem athugasemd er gerð við verðkönnun vegna kröfuinnheimtu fasteignagjalda.

    Bæjarráð samþykkti að fela deildarstjóra stjórnsýslu og fjármála að leggja fyrir næsta bæjarráðsfund tillögu að svari við athugasemdum við verðkönnun.

    Bæjarráð samþykkir tillögu að svari við athugasemdum.     Bókun fundar Undir þessum lið vék af fundi Steinunn María Sveinsdóttir.
    Afgreiðsla 382. fundar bæjarráðs staðfest á 113. fundi bæjarstjórnar með 6 atkvæðum.
  • .5 1310025 Ósk um úthlutun lóðar fyrir sjálfsafgreiðslustöð
    Bæjarráð Fjallabyggðar - 382. fundur - 3. mars 2015 Á 178. fundi skipulags- og umhverfisnefndar frá 25. febrúar 2015 voru lagðar fram tillögur að staðsetningu lóða í Ólafsfirði og Siglufirði, fyrir sjálfsafgreiðslustöð Skeljungs hf.

    Nefndin lagði til að úthlutuð yrði lóð sunnan Námuvegar og vestan við Múlaveg í Ólafsfirði. Á Siglufirði leggur nefndin til að úthlutuð verði lóð nr. 3 samkvæmt tillögu tæknideildar sem er við innkeyrslu í bæinn að norðanverðu.

    Bæjarráð samþykkir að fela formanni bæjarráðs, bæjarstjóra og deildarstjóra tæknideildar að eiga fund með fulltrúum Skeljungs á grundvelli tillagna skipulags- og umhverfisnefndar um lóðir undir sjálfsafgreiðslustöðvar á Siglufirði og í Ólafsfirði fyrir Skeljung.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .6 1502072 Umsókn um lóðir
    Bæjarráð Fjallabyggðar - 382. fundur - 3. mars 2015 Á 178. fundi skipulags- og umhverfisnefndar Fjallabyggðar þann 25. febrúar sl., var tekið fyrir erindi Selvíkur ehf. sem sótti um þrjár lóðir, Suðurgötu 14, Lindargötu 11 og Lindargötu 11b Siglufirði.
    Nefndin samþykkti fyrir sitt leyti úthlutun á lóðum.

    Bæjarráð samþykkir að úthluta Selvík ofangreindum lóðum.     Bókun fundar Bæjarstjórn samþykkir með 7 atkvæðum að úthluta Selvík lóðum samkvæmt umsókn.
  • .7 1502081 Ósk um framlag í formi hvatningar og styrks
    Bæjarráð Fjallabyggðar - 382. fundur - 3. mars 2015 Á 381. fundi bæjarráðs frá 24. febrúar 2015 var tekið fyrir erindi frá Nýsköpunarkeppni grunnskólanemenda, þar sem óskað var eftir framlagi í formi hvatningar og styrks.

    Bæjarráð samþykkti að senda skólastjóra Grunnskóla Fjallabyggðar erindið til umsagnar.

    Í umsögn skólastjóra Grunnskóla Fjallabyggðar, sem lögð var fyrir bæjarráð, kemur fram að Nýsköpunarkennsla hefur ekki verið formleg í Grunnskóla Fjallabyggðar til þessa. Með tilkomu aðalnámskrár 2011 þar sem sköpun er einn af grunnþáttum menntunar er enn brýnna að finna nýsköpun stað í skólastarfi Grunnskóla Fjallabyggðar og finna leiðir til að þróa hana.

    Skólastjóri hvetur bæjarráð til að leggja verkefninu lið og mun beita sér fyrir því að nýsköpun verði með einhverju móti liður í skólastarfi 2015-2016 með það fyrir augum að taka þátt í keppninni. Til dæmis gæti verið um að ræða valgrein á unglingastigi.

    Bæjarráð samþykkir styrk að upphæð 50 þúsund til Nýsköpunarkeppni grunnskólanemenda.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .8 1410044 Samstarf með Dalvíkurbyggð - tónskóli
    Bæjarráð Fjallabyggðar - 382. fundur - 3. mars 2015 Lagður fram framlengdur samstarfssamningur Dalvíkurbyggðar og Fjallabyggðar um tónlistarskóla.

    Bæjarráð samþykkir samstarfssamning.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .9 1502040 Bílastæðakostir við gamla gagnfræðaskólann Siglufirði
    Bæjarráð Fjallabyggðar - 382. fundur - 3. mars 2015 Á 178. fundi skipulags- og umhverfisnefndar, 25. febrúar 2015 voru lagðar fram tillögur tæknideildar að bílastæðum við gamla gagnfræðaskólann á Siglufirði við Hlíðarveg 20.

    Nefndin samþykkir fyrir sitt leyti tillögu tæknideildar, um 16 bílastæði sem rúmast innan lóðar. Einnig leggur nefndin til að reitur A sem rúmar 6 bílastæði, muni tilheyra Hlíðarvegi 20. Nefndin bendir á mögulega fjölgun bílastæða á reit B og C samkvæmt framlögðum uppdrætti.

    Bæjarráð samþykkir tillögu um 16 bílastæði sem rúmast innan lóðar og að reitur A sem rúmar 6 bílastæði, muni tilheyra Hlíðarvegi 20.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .10 1503001 Rætur bs. - Staða byggðasamlagsins
    Bæjarráð Fjallabyggðar - 382. fundur - 3. mars 2015 Rætur bs. hefur boðað til upplýsinga- og umræðufundar 4. mars á Sauðárkróki um fjárhagsstöðu málefna fatlaðra.

    Formaður bæjarráðs kynnti hugmyndir sem ræddar hafa verið á síðustu stjórnarfundum Róta bs.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .11 1409045 Endurnýjun rekstrarsamnings Síldarminjasafns Íslands og Fjallabyggðar
    Bæjarráð Fjallabyggðar - 382. fundur - 3. mars 2015 Steinunn María Sveinsdóttir vék af fundi undir þessum dagskrárlið.

    Lagður fram til kynningar undirritaður rekstrarsamningur Fjallabyggðar og Síldarminjasafns Íslands ses. fyrir árin 2015 og 2016.

    Fjallabyggð leggur árlega fram fasta fjárveitingu í þeim tilgangi að tryggja rekstur sjálfseignarstofnunarinnar og er fyrst og fremst fólginn í því að annast og reka Síldarminjasafn Íslands eins og lýst er í skipulagsskrá stofnunarinnar. Þar má nefna söfnun, varðveislu og rannsóknir á menningarsögulegum minjum og að auðvelda almenningi aðgang og kynni af þeim.

    Allir íbúar með lögheimili í Fjallabyggð fá frían aðgang að safninu og sýningum þess.     Bókun fundar Undir þessum lið vék af fundi Steinunn María Sveinsdóttir.
    Afgreiðsla 382. fundar bæjarráðs staðfest á 113. fundi bæjarstjórnar með 6 atkvæðum.
  • .12 1409032 Samfélagsþjónusta
    Bæjarráð Fjallabyggðar - 382. fundur - 3. mars 2015 Lagt fram til kynningar bréf bæjarstjóra til Fangelsismálastofnunar í tengslum við ósk stofnunarinnar um að Fjallabyggð verði einn af þeim aðilum sem veiti samfélagsþjónum tímabundið ólaunað starf.

    Fram kemur að Fjallabyggð er reiðubúið að taka þátt í þessu verkefni.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .13 1010092 Vatnshitaréttindi jarðanna Garðs og Skeggjabrekku
    Bæjarráð Fjallabyggðar - 382. fundur - 3. mars 2015 Tekið til umfjöllunar erindi frá lögmanni bæjarfélagsins dagsett 23. febrúar 2015 um afstöðu Fjallabyggðar til málssóknar í ljósi viðbragða Norðurorku hf.

    Í ljósi ábendinga frá lögmanni samþykkir bæjarráð að fela bæjarstjóra og formanni bæjarráðs að eiga viðræður við Norðurorku um lausn málsins.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .14 1502135 Beiðni um umsögn vegna umsóknar um rekstrarleyfi
    Bæjarráð Fjallabyggðar - 382. fundur - 3. mars 2015 Lögð fram beiðni frá Sýslumanninum á Norðurlandi eystra dagsett 23. febrúar 2015 er varðar umsögn um nýtt rekstrarleyfi til sölu gistinga á íbúð í Brekkugötu 23, Ólafsfirði.

    Bæjarráð gerir ekki athugasemd við þau atriði sem tilheyra umsögn er varðar afgreiðslutíma og staðsetningu.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .15 1502030 Framkvæmdaáætlun fráveitu 2015-2018
    Bæjarráð Fjallabyggðar - 382. fundur - 3. mars 2015 Varðandi bókun S. Guðrúnar Hauksdóttur á bæjarráðsfundi 24/2 2015, vill bæjarstjóri koma eftirfarandi á framfæri.

    A. Upphæð hönnunarsamnings við VSÓ sem samþykktur var í bæjarráði 24/2 sem eru um 6 mkr. er langt innan fjárhagsáætlunar.

    B. Þau verk, sem verða framkvæmd í sumar í endurgerð gatna og holræsa eru:

    1. Álalækjarræsi + endurnýjun götu (Siglufirði)

    a. Endurnýjun götu
    30,0 mkr. (65-31-8590)
    b. Endurnýjun gangstétt 7,0 mkr. (65-31-8590)
    c. Vatnsveita 4,0 mkr. (65-31-8590)
    Samtals 41,0 mkr.

    2. Yfirfallslögn frá tjörn til norðurs (Ólafsfirði)

    a. Endurnýjun götu
    10,0 mkr. (65-31-8590)
    b. Endurnýjun gangstétt 5,0 mkr. (65-31-8590)
    c. Ný drenlögn 30,0 mkr. (65-31-8590)
    Samtals 45,0 mkr.

    Heildarfjármögnun til gatnagerðar, gangstétta, holræsa og vatnslagna er 105 mkr., þá má benda á að fjármagn til ófyrirséðra framkvæmda er 12,5 mkr.
    Þá má reikna með að tilboð í verkið verði eitthvað lægri en kostnaðaráætlun.
    Það er því ljóst að ofangreindar framkvæmdir rúmast vel innan fjárhagsáætlunar fyrir árið 2015.
    Ef til vill þarf að færa framkvæmdakostnað á milli einstakra liða þ.e. meira magn til holræsa og minna til gangstétta.     Bókun fundar Til máls tóku S. Guðrún Hauksdóttir og Gunnar I. Birgisson.
    Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .16 1502133 Fundargerðir stjórnar Hornbrekku - 2015
    Bæjarráð Fjallabyggðar - 382. fundur - 3. mars 2015 Lagðar fram til kynningar fundargerðir frá 13. janúar 2015 og 10. febrúar 2015. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .17 1501083 Fundargerðir Samtaka sjávarútvegssveitarfélaga - 2015
    Bæjarráð Fjallabyggðar - 382. fundur - 3. mars 2015 Lögð fram til kynningar fundargerð 17. fundar frá 11. febrúar 2015. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .18 1501008 Fundargerðir stjórnar Sambands íslenskra sveitarfélaga - 2015
    Bæjarráð Fjallabyggðar - 382. fundur - 3. mars 2015 Lögð fram til kynningar fundargerð 825. fundar. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .19 1502136 Upplýsingar um vinnumat og samkomulag sambandsins og FG
    Bæjarráð Fjallabyggðar - 382. fundur - 3. mars 2015 Lagt fram til kynningar samkomulag Sambands íslenskra sveitarfélaga og Kennarasambands Íslands f.h. Félags grunnskólakennara um breytingar á kjarasamningi aðila.
    Aðilar urðu sammála um að ákvæði um viðbótarkennslu samhliða eigin kennslu, verði óbreytt eins og það var fyrir undirritun kjarasamnings aðila í maí 2014.
    Gildistími og forsenduákvæði breyttust.
    Fyrsta málsgrein 8. greinar, í samkomulagi aðila frá 20. maí 2014, um starf samstarfsnefndar fellur niður og einnig forsenduákvæði sem undirritað var samhliða sama dag.
    Gildistími kjarasamningsins styttist til 31. maí 2016, sbr. 2. mgr.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .20 1502124 Frumvarp til laga um orlof húsmæðra (afnám laganna),339.mál
    Bæjarráð Fjallabyggðar - 382. fundur - 3. mars 2015 Lagt fram til kynningar. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .21 1502146 Tillaga til þingsályktunar um seinkun klukkunnar og bjartari morgna, 338.mál
    Bæjarráð Fjallabyggðar - 382. fundur - 3. mars 2015 Lagt fram til kynningar. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .22 1502121 Kynning innkaupakorta á vegum Arions banka
    Bæjarráð Fjallabyggðar - 382. fundur - 3. mars 2015 Lagt fram til kynningar.
    Bæjarráð leggur til að kannað verði í tengslum við uppfærslu á bókhaldskerfi bæjarfélagins síðar á árinu, hvort hagkvæmt sé að taka upp innkaupakort.     Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.
  • .23 1502125 Rannsóknir og ráðgjöf í ferðaþjónustu - kynningarbréf
    Bæjarráð Fjallabyggðar - 382. fundur - 3. mars 2015 Lagt fram til kynningar. Bókun fundar Afgreiðsla 382. fundar bæjarráðs staðfest á 113. fundi bæjarstjórnar með 7 atkvæðum.