Bæjarráð Fjallabyggðar - 376. fundur - 23. janúar 2015

Málsnúmer 1501007F

Vakta málsnúmer

Bæjarstjórn Fjallabyggðar - 112. fundur - 11.02.2015

Formaður bæjarráðs, Steinunn María Sveinsdóttir gerði grein fyrir fundargerð.
  • .1 1501038 Starfslok bæjarstjóra
    Bæjarráð Fjallabyggðar - 376. fundur - 23. janúar 2015 Lagður fram starfslokasamningur við Sigurð Val Ásbjarnason, með fyrirvara um samþykki bæjarstjórnar.

    Fráfarandi bæjarstjóri sagði starfi sínu lausu af persónulegum ástæðum og óskuðu bæjarfulltrúar meirihlutans eftir því að hann ynni ekki uppsagnarfrestinn.

    Bæjarráð samþykkir framlagðan starfslokasamning.
     Bókun fundar Til máls tók Helga Helgadóttir og lagði fram eftirfarandi bókun:
    "Fyrirliggjandi starfslokasamningur við fráfarandi bæjarstjóra er ekki í samræmi við bókun meirihluta bæjarráðs frá 23. janúar 2015. Eins og samningurinn liggur hér fyrir samræmist hann heldur ekki uppsagnarákvæðum ráðningarsamnings hans eða almennum grundvallarreglum vinnuréttar. En samkvæmt starfslokasamningi þessum sagði fráfarandi bæjarstjóri upp störfum að eigin frumkvæði af persónulegum ástæðum og lét af störfum 1. febrúar samkvæmt samkomulagi. Í slíkum tilfellum, þar sem starfsmaður segir upp og óskar eftir því að vinna ekki uppsagnarfrest, ber vinnuveitanda ekki skylda til þess að greiða honum laun á uppsagnarfresti eins og hér er lagt til. Um háa upphæð er að ræða, heildarkostnað upp á rúmlega 11.6 millj. sem ég tel að nýta mætti í þágu íbúa Fjallabyggðar."

    Afgreiðsla 376. fundar bæjarráðs staðfest á 112. fundi bæjarstjórnar með 6 atkvæðum.
    Helga Helgadóttir greiddi atkvæði á móti.
  • .2 1501039 Ráðning bæjarstjóra
    Bæjarráð Fjallabyggðar - 376. fundur - 23. janúar 2015 Lagður fram ráðningasamningur við Gunnar Inga Birgisson, sem bæjarstjóra, fyrir kjörtímabilið 2015-2018.

    Meirihluti bæjarráðs samþykkir ráðningarsamninginn.
    S. Guðrún Hauksdóttir sat hjá og vísar í bókun sem lögð var fram á 111. fundi bæjarstjórnar.

     Bókun fundar Afgreiðsla 376. fundar bæjarráðs staðfest á 112. fundi bæjarstjórnar með 7 atkvæðum.
  • .3 1501051 Kauptilboð - Kirkjuvegur 4 Ólafsfirði
    Bæjarráð Fjallabyggðar - 376. fundur - 23. janúar 2015 Tekið fyrir kauptilboð frá Heimilisbraut ehf í Kirkjuveg 4 Ólafsfirði.

    Bæjarráð samþykkir að óska eftir nánari upplýsingum um framkvæmdaáætlun og tímasetningar.     Bókun fundar Til máls tóku Sólrún Júlíusdóttir og Steinunn María Sveinsdóttir.
    Afgreiðsla 376. fundar bæjarráðs staðfest á 112. fundi bæjarstjórnar með 7 atkvæðum.