Bæjarráð Fjallabyggðar - 347. fundur - 15. júlí 2014

Málsnúmer 1407004F

Vakta málsnúmer

Bæjarstjórn Fjallabyggðar - 105. fundur - 18.08.2014

Formaður bæjarráðs, Steinunn María Sveinsdóttir gerði grein fyrir fundargerð.

  • .1 1407032 Málefni Heilbrigðisstofnunarinnar Fjallabyggð
    Bæjarráð Fjallabyggðar - 347. fundur - 15. júlí 2014
    Formaður bauð Konráð K. Baldursson og Rúnar Guðlaugsson velkomna til fundar við bæjarráð til að ræða tillögur um sameiningu heilbrigðisstofnana á Norðurlandi eystra.  Í nýju frumvapi til fjárlaga fyrir árið 2014 kemur fram að ætlunin sé að sameina heilbrigðisstofnanir í þrem heilbrigðisumdæmum.
    Gert er ráð fyrir að Heilbrigðisstofnun Norðurlands verði til í kjölfar sameiningar heilbrigðisstofnana á Blönduósi, Sauðárkróki og Fjallabyggð auk Heilbrigðisstofnunar Þingeyinga og heilsugæslustöðvanna á Dalvík og Akureyri.

    Sameiningin á að taka gildi þann 1. október næstkomandi og mun þá nýr forstjóri taka við hinum sameinuðu stofnunum. Þetta kemur fram á vef Velferðarráðuneytis. Þar er því haldið fram að með sameiningum færist ákvarðanataka í auknum mæli frá ráðuneyti til heimamanna. Markmiðið er m.a. að nýta fjármuni betur.

    Bæjarráð telur rétt að óska eftir fundi með byggðarráði Dalvíkurbyggðar þar sem þetta mál verður m.a. á dagskrá.

     

     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .2 1407024 Styrkbeiðni vegna endurnýjunar á tengigangi Hóls
    Bæjarráð Fjallabyggðar - 347. fundur - 15. júlí 2014
    Á síðasta fundi bæjarráðs var ákveðið að boða formann UÍF á fund bæjarráðs.
    Formaður bauð Guðnýju Helgadóttur velkomna til fundar við bæjarráð. Farið var yfir ósk stjórnar UÍF um aðkomu Fjallabyggðar að endurbótum að Hóli eftir bruna.
    Um er að ræða lagfæringar á aðalhúsi og tengigangi. Lögð er áhersla á að vinna verkið sem eina heild með loforði um styrk frá Fjallabyggð á næstu fjórum fjárhagsárum að upphæð 8 m.kr.
    Bæjarráð tekur vel í aðkomu að endurbyggingu á tengigangi við Hól. Bæjarráð óskar eftir raunkostnaði fyrir næsta fund sem og fjárþörf verkefnisins miðað við greitt tryggingarféð og framkomnar upplýsingar um viðbótarkostnað.
     
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .3 1407016 Lenging vinnuskóla
    Bæjarráð Fjallabyggðar - 347. fundur - 15. júlí 2014
    Lagðar fram upplýsingar og útreikningur að tillögu til bæjarráðs um lengingu vinnuskóla Fjallabyggðar á árinu 2014.

    Eftir fund íþrótta- og tómstundafulltrúa með bæjarverkstjóra er ljóst að mörg verk á eftir að vinna í sveitarfélaginu og hafa unglingar

    í vinnuskólanum vart komist yfir annað en að slátt.

    Leggja þeir til að lengja vinnuskólann sem nemur 2 vikum á hvern árgang.

    Það er einnig ljóst að einhverjir þiggja ekki vinnu áfram vegna sumarfría o.s.frv.

    Árg. 2000 verði til 18. júlí  (átti að vera til 4.júlí).

    Árg. 1999 verði til 31.júlí  (átti að vera til 11.júlí).

    Árg. 1998 og eldri verði til 15.ágúst (átti að vera til 8. ágúst).

    Gert er ráð fyrir að kostnaður vegna vinnuskólans verði í samræmi við áætlun.

    Bæjarráð samþykkir framkomna breytingu á vinnutíma vinnuskólans.

     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .4 1407034 Beiðni um umsögn vegna umsóknar um rekstrarleyfi
    Bæjarráð Fjallabyggðar - 347. fundur - 15. júlí 2014
    Til sýslumannsins á Siglufirði hefur leitað Jakob Örn Kárason, kt. 200960-2809, f.h. Aðalbakarans ehf. kt. 520803-3350 og óskað eftir útgáfu rekstrarleyfis á grundvelli 11. gr. laga nr. 85/2007, um veitingastaði, gististaði og skemmtanahald til handa Aðalbakaríi, vegna reksturs bakarísins sb. meðfylgjandi afrit af umsókninni.

    Sótt er um nýtt rekstrarleyfi veitingastaðar skv. III. flokki 4 gr. laganna, en nánar er tiltekið að um er að ræða stað með áfengisveitingar.
    Með vísan til 10. gr. laga nr. 85/2007, er þess hér með farið á leit að sveitarstjórn veiti skriflega umsögn um umsóknina og staðfesti að afgreiðslutími og staðsetning staðar sé innan þeirra marka sem reglur og skipulag sveitarfélagsins segja til um.
    Bæjarráð gerir ekki athugasemd við framlagða umsókn.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .5 1407036 Staða framkvæmdaáætlunar ársins hjá Fjallabyggð
    Bæjarráð Fjallabyggðar - 347. fundur - 15. júlí 2014
    Lagðar fram til yfirferðar og kynningar fjárhagslegar stöður framkvæmda 14.07.2014.
    Búið er að framkvæma fyrir um 150 m.kr, og eftir er að framkvæma fyrir um 170 m.kr.
    Til framkvæmda við Grunnskóla Fjallabyggðar er búið að fjárfesta fyrir tæpar 105 m.kr.
    Framkvæmdir við ráðhús bæjarfélagsins fer fram úr áætlun og verður tekið fyrir í viðauka 5.
     
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .6 1401087 Viðaukar við fjárhagsáætlun 2014 og 2015 - 2017
    Bæjarráð Fjallabyggðar - 347. fundur - 15. júlí 2014
    Lagðar fram til umræðu tillögur á viðauka 5, sem verður til afgreiðslu á næsta fundi bæjarstjórnar.
    Til viðbótar við fyrri áherslur er fjárveiting vegna ráðhússins 3.4 m.kr. og til gámaplans við Námuveg á Ólafsfirði 1.4 m.kr.´
    Lögð fram bókun frá Sólrúnu Júlíusdóttur.
    Ég tek undir tillögu að viðauka 5 í ljósi þess að fulltrúar meirihluta í bæjarráði hafa lýst því yfir að einungis sé um frestun að ræða á endurbótum á Ólafsvegi 4 fram á næsta ár eða að fundin verði önnur sambærileg lausn.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .7 1407033 Ráðning bæjarstjóra
    Bæjarráð Fjallabyggðar - 347. fundur - 15. júlí 2014
    Ráðningasamningur bæjarstjóra er lagður fram til kynningar.
    Samningurinn er í fullu samræmi við fyrri samning en akstur hefur verið minnkaður, húsnæðishlunnindi eru felld út úr samningnum frá 2010 í samræmi við tillögu frá bæjarstjóra framkomna í ágúst 2013 og kostnaður við endurmenntun er ekki lengur í samningi bæjarstjóra.
    Minnihluti bæjarráðs óskar eftir því að bæjarstjóri sitji fundi með minnihluta þegar á þarf að halda og er vísað í 3.gr. samningsins.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .8 1406026 Kosning fulltrúa á landsþing Sambands íslenkra sveitarfélaga 2014 - 2018
    Bæjarráð Fjallabyggðar - 347. fundur - 15. júlí 2014
    Kjörbréf hafa verið afgreidd og fóru þau frá Fjallabyggð 1. júlí s.l. fyrir bæjarfulltrúa og bæjarstjóra.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .9 1407023 Vegagerðin - Samgöngu- og hafnamál í Fjallabyggð
    Bæjarráð Fjallabyggðar - 347. fundur - 15. júlí 2014
    Minnisblað bæjarstjóra lagt fram til kynningar.
    Bæjarráð telur nauðsynlegt að fá niðurstöðu í umrædd mál hið fyrsta.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.
  • .10 1407031 Launayfirlit tímabils 2014
    Bæjarráð Fjallabyggðar - 347. fundur - 15. júlí 2014
    Lagt fram mánaðarlegt launayfirlit fyrir janúar til júní. Niðurstaðan fyrir heildina er 427,9 m.kr. sem er um 99,9% af áætlun tímabilsins sem var 428,4 m.kr. Þó eru deildir sem eru yfir áætlun tímabilsins samtals um 19,1 m.kr. á móti öðrum deildum sem eru undir áætlun, samtals um 19,6 m.kr. Nettóstaðan er því um 0,5 m.kr.
    Vísa þarf kjarasamningsbreytingum til viðauka við fjárhagsáætlun 2014.
     Bókun fundar Afgreiðsla 347. fundar bæjarráðs staðfest á 105. fundi bæjarstjórnar með 7 atkvæðum.