Hafnarstjórn Fjallabyggðar - 59. fundur - 4. júlí 2014

Lögð fram umsókn um starf hafnarvarðar við hafnir Fjallabyggðar. Ein umsókn barst og er hún frá Kjartani Smára Ólafssyni.

Kjartan hefur langa reynslu við störf hafnarvarðar enda hefur hann leyst af í 13 ár á Siglufirði.

Hafnarstjóri lagði til að hann yrði ráðinn.

Hafnarstjórn staðfestir tillögu og ákvörðun hafnarstjóra samhljóða.

Lagt fram rekstraryfirlit fyrir janúar til apríl 2014.

Tekjur eru lægri um 3.5 m.kr. Launaliðir eru undir áætlun um 0.2 m.kr. Annar rekstrarkostnaður eru lægri um 3.8 m.kr. og fjármagnsliðir eru lægri um 0.1 m.kr.

Lagt fram til kynningar.

Lögð fram skýrsla frá VSÓ ráðgjöf er varðar endurbætur á fráveitu á Siglufirði. Sambærileg skýrsla er í vinnslu fyrir Ólafsfjörð.

Nú er verið að vinna við lögn meðfram Snorragötu að dælubrunni við Gránugötu.

Hafnarstjórn leggur áherslu á að vinna við lagnir á hafnarsvæðinu komi til framkvæmda hið fyrsta. Verið er að setja upp dælubúnað til að dæla rækju á milli húsa á hafnarsvæðinu. 

Lagt fram til kynningar.

Hafnarstjórn leggur áherslu að umhverfi hafna sé til fyrirmyndar.

Til umræðu komu neðantaldar eignir sem kalla á viðhald og eða endurbyggingu.

 

1. Til umræðu kom Hafnarbyggja á Siglufirði

2. Tenging á milli Óskarsbryggju að Hafnarbryggju.

3. Bryggju frá Fiskmarkaði að togarabryggju.

4. Bryggum í suðurhöfninni - vestur og suðurþil.

5. Flotbryggju á Ólafsfirði

6. Norðurbryggju Ólafsfirði.

Hafnarstjórn telur rétt og eðlilegt að málið sé til skoðunar og frekari umræðu á næsta fundi hafnarstjórnar.

Nauðsynlegt er að forgangsraða verkefnum fyrir áætlunargerð næsta árs.

 

 

 

Hafnarstjóri gat þess að hann hefði átt fund með siglingasviði Vegagerðarinna þann 26.06.2014 í Reykjavík. Þar var lögð áhersla á að koma fjárveitingu Hafnarbryggju inn í samgönguáætlun. Bréf mun berast fljótlega frá stofnunni þar sem fram mun koma kostnaður við framkvæmdirnar og farið yfir stöðu málsins.

Hafnarstjórn leggur áherslu á að næsti fundur verði fljótlega eða þegar umrætt bréf hefur borist.