Félagsmálanefnd Fjallabyggðar - 80. fundur - 8. maí 2014

Félagsmálanefnd leggur til við bæjaryfirvöld að leiguíbúð nr. 113 í Skálarhlíð, verði skilgreind sérstaklega sem búsetuúrræði fyrir fatlaða. Hér er átt við fatlaða fullorðna einstaklinga sem eru á biðlista eftir búsetu við hæfi í Fjallabyggð og eiga á rétt á sértækri þjónustu í skilningi laga nr. 59/1992 um málefni fatlaða.
Við úthlutun íbúðarinnar verði í megin atriðum farið eftir reglum um úthlutun leiguíbúða á vegum bæjarfélagsins en auk þess verði lagt mat á þjónustuþörf viðkomandi ásamt aldri fyrirliggjandi umsókna um búsetuþjónustu.

Umræður um þjónustukönnun meðal eldra fólks í Fjallabyggð. Niðurstöður könnunarinnar eru jákvæðar og er eldra fólk í bæjarfélaginu almennt ánægt með þjónustu bæjarfélagsins.
Hins vegar eru ýmis mál sem þarf að færa til betri vegar, sérstaklega það sem snýr að aðkomu bæjarfélagsins að félags- og tómstundastarfi eldra fólks, einkum í Ólafsfirði.
Nefndin lýsir ánægju sinni með framkvæmd könnunarinnar og störf þeirra sem að henni stóðu.

Erindi samþykkt.

Erindi samþykkt.

Margrét Guðmundsdóttir vék af fundi undir þessum dagskrárlið. Fyrir liggur styrkbeiðni vegna sjálfstyrkingarnámskeiðs fyrir drengi í 5.-10. bekk grunnskólans.
Félagsmálanefnd samþykkir að veita kr. 60.000 styrk fyrir verkefnið.

Fundargerðir þjónustuhóps málefna fatlaðra frá 5. febrúar og 25. mars 2014 lagðar fram til kynningar.