Skipulags- og umhverfisnefnd Fjallabyggðar - 152

Málsnúmer 1304002F

Vakta málsnúmer

Bæjarstjórn Fjallabyggðar - 88. fundur - 10.04.2013

Bæjarstjóri, Sigurður Valur Ásbjarnarson gerði grein fyrir fundargerð.
  • .1 1211064 Uppfærsla á deiliskipulögum Fjallabyggðar
    Skipulags- og umhverfisnefnd Fjallabyggðar - 152. fundur - 4. apríl 2013
    Deiliskipulagstillögur fyrir Eyrarflöt á Siglufirði, frístundabyggð við Saurbæjarás á Siglufirði, svæði fyrir hesthús, hestaíþróttir og frístundabúskap á Siglufirði, snjóflóðavarnir ofan byggðar á Siglufirði, frístundasvæði vestan Óss í Ólafsfirði, snjóflóðavarnir við Hornbrekku Ólafsfirði og Flæðar Ólafsfirði voru í auglýsingu skv. 41. gr. skipulagslaga nr. 123/2010, frá 20. febrúar til og með 3. apríl 2013.
     
    Ein athugasemd vegna frístundabyggðar við Saurbæjarás barst frá Örlygi Kristfinnssyni og Guðnýju Róbertsdóttur. Athugasemdin er hér með lögð fram til kynningar og afgreiðslu á deiliskipulagi fyrir frístundabyggð við Saurbæjarás frestað.
     
    Nefndin samþykkir að eftirfarandi deiliskipulög verði send til staðfestingar hjá Skipulagsstofnun:
    1. Eyrarflöt á Siglufirði.
    2. Svæði fyrir hesthús, hestaíþróttir og frístundabúskap á Siglufirði.
    3. Snjóflóðavarnir ofan byggðar á Siglufirði.
    4. Frístundasvæði vestan Óss í Ólafsfirði.
    5. Snjóflóðavarnir við Hornbrekku Ólafsfirði.
    6. Flæðar Ólafsfirði.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .2 1304004 Fræðsluskilti um skíðastökkpall
    Skipulags- og umhverfisnefnd Fjallabyggðar - 152. fundur - 4. apríl 2013
    Rótarýklúbbur Ólafsfjarðar sækir um leyfi til að setja upp fræðsluskilti um skíðastökkpallinn á sléttunni neðan við pallinn skv. meðfylgjandi afstöðumynd.
     
    Erindi samþykkt.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .3 1210087 Lóðir við Gránugötu 5b og 13b
    Skipulags- og umhverfisnefnd Fjallabyggðar - 152. fundur - 4. apríl 2013
    Þar sem samkomulag hefur ekki náðst við báða lóðarhafa vegna ágreinings um lóðarmörk á lóðum Gránugötu 5b og Gránugötu 13b hefur nefndin í samráði við lögfræðing Fjallabyggðar samþykkt eftirfarandi bókun.
     
    Með lóðarleigusamningi, dagsettum 30. janúar 2001, var Skipaafgreiðslunni ehf leigð lóðin Gránugata 5b. Lóðarleigusamningur þessi var móttekinn til þinglýsingar og innfærður 7. febrúar 2001 án athugasemda. Á lóðinni er nú rekinn veitingastaðurinn Harbour House Café og hefur lóðarhafi byggt pall sem nýttur er af gestum staðarins.
    Í ljós hefur komið að lóðin skarast á við lóðina nr. 13b við Gránugötu þannig að hún nær 4 metra inn á lóðina. Lóðin nr. 13b við Gránugötu sem er 839,8 m2 var upphaflega leigð samkvæmt samningi dagsettum 22. október 1980. Samningi þessum var þinglýst 31. október 1980. Fjallabyggð telur þar sem samkomulag hefur ekki náðst, að leysa eigi málið á þeim grundvelli að eigandi lóðarinnar nr. 13b við Gránugötu haldi rétti sínum samkvæmt upprunalegum lóðarsamningi. Sú niðurstaða byggist á meginreglu þinglýsingarlaga um að réttarvernd skjals ráðist af afhendingu þess til þinglýsingar. Þar að auki verði ákvæði í þeim lóðarleigusamningi, um að gera megi lítilsháttar breytingu á lóðarstærð við endanlega mælingu, ekki beitt eins og hér stendur á.
     Bókun fundar <DIV><DIV>Ólafur H. Marteinsson vék af fundi undir þessum dagskrárlið.<BR>Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 8 atkvæðum.</DIV></DIV>
  • .4 1303067 Viðbygging, Vetrarbraut 14
    Skipulags- og umhverfisnefnd Fjallabyggðar - 152. fundur - 4. apríl 2013
    Ólafur Sigurðsson f.h. SR-vélaverkstæði hf óskar eftir leyfi fyrir 6 m2 viðbyggingu við húsnæði þeirra að Vetrarbraut 14 skv. meðfylgjandi teikningu.
     
    Erindi samþykkt.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .5 1303021 Bréf frá Gnýfara vegna hárrar grunnvatnsstöðu vestan Óss
    Skipulags- og umhverfisnefnd Fjallabyggðar - 152. fundur - 4. apríl 2013
    Lagt fram bréf frá stjórn hestamannafélagsins Gnýfara er varðar háa grunnvatnsstöðu vestan Óss í Ólafsfirði. Er rakið í bréfinu að mikið yfirborðsvatn sé á svæðinu sem komi sérstaklega fram eftir hlýindi. Óskar stjórnin eftir því að útræsin tvö við Kleifaveginn verði grafin út eða uppsöfnuðu vatni í þeim dælt í burtu.
     
    Tæknideild leggur til að grafið verði niður og opnuð leið fyrir vatnið í ræsin sem liggja undir gamla flugvöllinn í austur. Einnig að þess verði gætt að útræsin tvö við Kleifaveginn verði grafin út á hverju vori.
     
    Erindi samþykkt.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .6 1303020 Umsókn um leyfi fyrir rekstri búfjár í gegnum Ólafsfjörð
    Skipulags- og umhverfisnefnd Fjallabyggðar - 152. fundur - 4. apríl 2013
    Jón Árni Konráðsson óskar eftir leyfi fyrir rekstri búfjár, vegna árlegrar smölunar að hausti, í gegnum Ólafsfjörð skv. meðfylgjandi teikningu.
     
    Jón vék af fundi undir þessum lið.
     
    Erindi samþykkt.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .7 1303038 Umsókn um leyfi til niðurrifs á mjölhúsi
    Skipulags- og umhverfisnefnd Fjallabyggðar - 152. fundur - 4. apríl 2013
    Þór Konráðsson f.h. Skútaberg ehf óskar eftir leyfi f.h. Síldarvinnslunar hf til að rífa mjölhúsið á Siglufirði (fnr. 213-1073), einnig nefnt Ákavíti. Áætlað er að ljúka niðurrifi á húsinu í júní á þessu ári.
     
    Ósk um leyfi til niðurrifs er frestað á þeim forsendum að í vinnslu er deiliskipulag fyrir Þormóðseyri sem nær m.a. yfir umrædda lóð. Deildarstjóra tæknideildar er falið að fara yfir málið með skipulagsráðgjafa vegna vinnu við deiliskipulag Þormóðseyrar.
     Bókun fundar <DIV>Til máls tóku Egill Rögnvaldsson, Ólafur H. Marteinsson.</DIV><DIV>Egill Rögnvaldsson óskaði að bókað yrði að hann væri alfarið á móti niðurrifi á þessu húsi.</DIV><DIV>Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.</DIV>
  • .8 1303040 Umsókn um leyfi til breytinga á Suðurgötu 24
    Skipulags- og umhverfisnefnd Fjallabyggðar - 152. fundur - 4. apríl 2013
    Þorsteinn Jóhannesson sækir um leyfi f.h. E. Sigurðsson ehf til þess að klæða húseignina Suðurgata 24 að utan. Gert er ráð fyrir að efri hæðin verði klædd með bárujárni en neðri hæðin með timbri. Staðfesting verkfræðings á nægjanlegu haldi fyrir legtur í útveggjum hússins liggur fyrir. Einnig er sótt um leyfi til þess að gera bílastæði sunnan við húsið skv. meðfylgjandi afstöðumynd.
     
    Nefndin frestar erindinu og óskar eftir nánari lýsingu á timburklæðningarefni.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .9 1110001 Svæðisskipulag Eyjafjarðar 2012-2024
    Skipulags- og umhverfisnefnd Fjallabyggðar - 152. fundur - 4. apríl 2013
    Lögð fram til kynningar fundargerð 31. fundar samvinnunefndar um Svæðisskipulag Eyjafjarðar.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.
  • .10 1303047 Tilkynning um sölu á eignarhlut í jörðinni Reyðará í Siglufirði
    Skipulags- og umhverfisnefnd Fjallabyggðar - 152. fundur - 4. apríl 2013
    Lögð fram til kynningar sala á eignarhlut í jörðinni Reyðará í Siglufirði.
     Bókun fundar Afgreiðsla 152. fundar skipulags- og umhverfisnefndar staðfest á 88. fundi bæjarstjórnar með 9 atkvæðum.