Menningarnefnd Fjallabyggðar - 61. fundur - 26. mars 2013

Leikfélögin í Fjallabyggð og forstöðumaður Tjarnarborgar hafa undanfarið unnið í sjálfboðavinnu við að stækka og mála sviðið í Tjarnarborg og þar með er orðið til geymslupláss fyrir borðin þegar þau eru ekki í notkun. Unglingarnir í félagsmiðstöðinni Neon hafa tekið að sér að mála annað búningsherbergið og þar verður settur upp flatskjár, svo hægt verði að spila tölvuleiki. Herbergið verður áfram notað sem búningsherbergi þegar þess þarf. Þá er búið að taka niður ónýta hátalara við sviðið og ofn í efri sal sem farinn var að leka. Menningarnefnd þakkar þeim aðilum sem komu að stækkun sviðsins fyrir sína vinnu.

Guðrún Þórisdóttir listakona hefur lokið við uppsetningu í rými á náttúrugripasafninu. Í kjölfarið er tómur sýningarskápur sem fræðslu- og menningarfulltrúi leggur til að verði seldur. Menningarnefnd samþykkir fyrir sitt leyti að skápurinn verði seldur.

Elín Hreggviðsdóttir hefur sagt upp 50% starfi sínu í ræstingum í Tjarnarborg frá og með 1. júní.
Menningarnefnd þakkar henni fyrir vel unnin störf.
Fræðslu- og menningarfulltrúi mun auglýsa stöðuna fljótlega.

Ægir Bergsson vék af fundi undir þessum lið.

 

Gerðir hafa verið leigusamningar um geymslupláss í Aravíti, við Karlakór Siglufjarðar og Síldarminjasafnið án þess að þeir hafi farið fyrir menningarnefnd til umfjöllunar. Samningurinn við karlakórinn er frá 2012-2016 og er styrkurinn frá Fjallabyggð 63.888 kr. á mánuði eða 766.656 á ári, sem færður hefur verið undir menningarmál.
Menningarnefnd gerði ekki ráð fyrir þessari upphæð 2013 og beinir því til bæjarráðs að fjármagn til menningarmála verði aukið sem þessu nemur.
Jafnframt óskar nefndin eftir því að framvegis fari mál sem þessi fyrir menningarnefnd til umfjöllunar, áður en ákvörðun er tekin í slíkum málum.