Menningarnefnd Fjallabyggðar - 55. fundur - 5. september 2012

Bjarkey Gunnarsdóttir vék af fundi undir þessum lið og Bergþór Morthens kom í hennar stað.

 

Fyrirtækið Bolli og beddi ehf hefur lagt fram drög að þjónustusamningi vegna almenningsbókasafns í Ólafsfirði þar sem fram kemur m.a. að afgreiðslustöð fyrir bókasafnið í Ólafsfirði flytji úr núverandi húsnæði í húsnæði þar sem BB rekur gistiheimili og kaffihús. Forstöðumaður bóka- og héraðsskjalasafns Fjallabyggðar hefur lagt fram nýjar upplýsingar og útfærsluleiðir fyrir afgreiðslu bókasafnins að beiðni menningarnefndar.

 

Eftirtaldir aðilar setja fram eftirfarandi bókun:

 

Bergþór Morthens, Arndís Erla Jónsdóttir, Ægir Bergsson og Guðmundur Gauti Sveinsson leggja til að gengið verði til samningagerðar við BB og þjónustusamningurinn verði útfærður í samráði við forstöðumann bókasafns. Ennfremur að kannað verði hvort þjónustusamningurinn standist innkaupareglur sveitarfélagsins.

 

Ásdís Pálmadóttir óskar að bókað verði eftirfarandi:

 

Ég harma það að selja eigi húsnæði bókasafnsins í Ólafsfirði og þar með leggja niður safnið í núverandi mynd.

 

Það er ósk nefndarmanna að starfsmaður bókasafnsins í Ólafsfirði haldi 50% stöðu sinni sem bókavörður.

 

 

Diljá Helgadóttir nýráðinn forstöðumaður Menningarhússins Tjarnarborgar hefur sagt upp starfi sínu.

 

Bjarkey Gunnarsdóttir, Arndís Erla Jónsdóttir og Ægir Bergsson leggja til í ljósi aðstæðna að Elín Elísabet Hreggviðsdóttir verði ráðin forstöðumaður Tjarnarborgar tímabundið til 31. ágúst 2013 og vísa málinu til afgreiðslu í bæjarráði.

 

Formaður menningarnefndar bauð núverandi forstöðumanni að ræða ástæður uppsagnar sinnar og leita sameiginlegra lausna með fræðslu- og menningarfulltrúa, skólastjóra tónskólans, íþrótta- og tómstundafulltrúa, bæjarstjóra og formanni nefndarinnar en forstöðumaður ákvað að þiggja það ekki.

 

Guðmundur Gauti Sveinsson og Ásdís Pálmadóttir láta bóka að þau telji að auglýsa eigi starfið strax og ráðið verði til framtíðar.