Fræðslunefnd Fjallabyggðar - 73. fundur - 5. mars 2012

Fræðslu- og menningarfulltrúi hefur fundað með ráðgjafa Securitas vegna tengiliða sveitarfélagsins við fyrirtækið og þjónustusamninga vegna innbrota og bruna í leikskólanum. Samræma á þjónustusamningana í öllum stofnunum og skoða lækkun á kostnaði vegna þeirra. Fræðslunefnd leggur til að tengiliðir leikskólans við Securitas verði endurskoðaðir um leið og tengiliðir annarra stofnanna við fyrirtækið.

Endurskoðun frestað fram á haust.

Fræðslunefnd hafnar hækkun á gjaldskrá Grunnskóla Fjallabyggðar og vísar henni til fjárhagsáætlunargerðar 2013.

Ungmennaráð hefur tekið til starfa í Fjallabyggð. Fræðslunefnd er hvött til að vísa erindum sem varða málefni ungs fólks til ráðsins til umfjöllunar. Fræðslunefnd fagnar nýstofnuðu Ungmennaráði.

Foreldrafundur Grunnskóla Fjallabyggðar var haldinn 14. febrúar sl. með skólastjóra, bæjarstjóra, fræðslu- og menningarfulltrúa og íþrótta- og tómstundafulltrúa. Fræðslunefnd fagnar því hversu margir foreldrar sáu sér fært að mæta og minnir á að annar slíkur fundur er fyrirhugaður í haust.

Til kynningar.

 

Borist hefur bréf frá Mennta- og menningarmálaráðuneyti vegna dagsetninga samræmdra könnunarprófa í 4., 7. og 10. bekk haustið 2012.  

Fræðslunefnd hefur borist undirskriftarlisti frá foreldrum leikskólabarna á Leikhólum þar sem foreldrar mótmæla að íþróttastundir í íþróttahúsinu falli niður. Fræðslunefnd harmar þau mistök sem urðu við gerð fjárhagsáætlunar 2012 sem urðu til þess að íþróttastundirnar féllu niður. Fræðslunefnd lagði til að íþróttatímunum fækkuðu úr einum tíma í viku í eitt skipti í mánuði. Nefndin lagði ekki til að íþróttatímarnir yrðu teknir af. Til stendur að málið verði skoðað með haustinu.