Nefndarkjör á 67. fundi bæjarstjórnar

Til máls tók bæjarstjóri, Sigurður Valur Ásbjarnarson og bar upp tillögu viðtakandi meirihluta og kynnti málefnasamning því til staðfestingar. Tillagan er svohljóðandi:
"Fyrir hönd viðtakandi meirihluta og í samræmi við málefnasamning sem undirritaður er af Ingvari Erlingssyni, Þorbirni Sigurðssyni, Bjarkey Gunnarsdóttur og Helgu Helgadóttur, dags. 19.september 2011, er lögð fram tillaga í fimm liðum um endurnýjað umboð og kjör starfsmanna bæjarstjórnar.

1. Kjör forseta bæjarstjórnar skv. 9. gr. samþykktar um stjórn og fundarsköp Fjallabyggðar.
Tillaga er um að Ingvar Erlingsson verði forseti bæjarstjórnar.

2. Kjör 1. varaforseta bæjarstjórnar skv. 9. gr. samþykktar um stjórn og fundarsköp Fjallabyggðar.
Tillaga er um að Þorbjörn Sigurðsson verði 1. varaforseti bæjarstjórnar.

3. Kjör 2. varaforseta bæjarstjórnar skv. 9. gr. samþykktar um stjórn og fundarsköp Fjallabyggðar.
Tillaga er um að Egill Rögnvaldsson verði 2. varaforseti bæjarstjórnar.

4. Kosning tveggja skrifara og tveggja til vara skv. 12. gr. samþykktar um stjórn og fundarsköp Fjallabyggðar.
Tillaga er um S. Guðrúnu Hauksdóttur og Guðmund Gauta Sveinsson sem skrifara og Sólrúnu Júlíusdóttur og Bjarkey Gunnarsdóttur til vara.

5. Kosning í bæjarráð skv. 30. gr. samþykktar um stjórn og fundarsköp Fjallabyggðar.
Tillaga er um að aðalmenn í bæjarráði séu Ólafur Helgi Marteinsson sem formaður, Bjarkey Gunnarsdóttir og Egill Rögnvaldsson.
Til vara Þorbjörn Sigurðsson, Sigurður Hlöðversson og Sólrún Júlíusdóttir."

1. liður tillögu borinn upp og samþykktur með 9 atkvæðum.
2. liður tillögu borinn upp og samþykktur með 9 atkvæðum.
3. liður tillögu borinn upp og samþykktur með 9 atkvæðum.
4. liður tillögu borinn upp og samþykktur með 9 atkvæðum.
5. liður tillögu borinn upp og samþykktur með 9 atkvæðum.