Markaðs- og menningarnefnd Fjallabyggðar

Rætt var um ýmsar tillögur og ákvað nefndin að vera klár með áherslu og tillögur á næsta fundi sínum.

Markaðs- og menningarnefnd lýsir yfir ánægju sinni með hversu fjölbreytt og auðugt menningarlíf hefur verið í Fjallabyggð það sem af er ári. Stórar og smáar hátíðir, viðburðir og sýningar hafa verið fjölmargar. Nefndin færir öllum þeim sem að þessu hafa staðið, sínar bestu þakkir.

Það er mat Markaðs- og menningarnefndar að Trilludagar hafi gengið mjög vel þetta árið og þakkar nefndin öllum þeim fjölmörgum aðilum sem gerðu daginn svo góðan. Áætlað er að um 600 manns hafi farið á sjó og rennt fyrir fiski. Áætlað er að 2-3 þúsund skammtar af fiski hafi verið grillaðir ásamt um 900 pylsum.

Markaðs- og menningarnefnd samþykkir drög að auglýsingu fyrir sitt leyti og leggur til að tekið verði á móti umsóknum til 22. september.