Bæjarráð Fjallabyggðar

Lögð fram drög að samkomulagi milli Norðurorku og Fjallabyggðar um afláttarkjör á heitu vatni til sundlaugar í Ólafsfirði.

Einnig kynnt áhrif samkomulags á útgjöld vegna kaupa á heitu vatni af Norðurorku.

Bæjarráð samþykkir samkomulagið og felur deildarstjóra stjórnsýslu- og fjármála að undirrita.

Lagt fram kaupsamningur um kaup á Lindargötu 2 Siglufirði af Fasteignasjóði Jöfnunarsjóðs sveitarfélaga, undirritaður í desember 2016 með fyrirvara um samþykki bæjarráðs.

Kaupverð er 22,5 m.kr. og greiðist með skuldabréfi til 25 ára.

Bæjarráð samþykkir kaupsamning, afsal og skuldabréf og vísar til viðauka við fjárhagsáætlun 2016.

Á 477. fundi bæjarráðs, 29. nóvember 2017, var samþykkt að bjóða aftur út ræstingu vegna Leikhóla í Ólafsfirði.

Á 481. fundi bæjarráðs 22. desember 2016, var afgreiðslu frestað.

Tilboð í ræstingu Leikhóla voru opnuð 19. desember kl. 11:00 í Ráðhúsi Fjallabyggðar.
Eftirfarandi tilboð bárust:
Tómas Waagfjörð 9.045.813,-
Minný ehf 9.831.786,-

Bæjarráð samþykkir að semja við lægstbjóðanda og að miðað sé við að ræsting hefjist 16. janúar 2016.

Jafnframt samþykkir bæjarráð að bjóða aftur út ræstingu fyrir Leikskála á Siglufirði, með vísun í innkaupareglur bæjarfélagsins.

Lagt fram til kynningar yfirlit yfir staðgreiðslu útsvars á tímabilinu 1. janúar til 31. desember 2016.
Innborganir nema 1.014,8 m.kr. sem er 94% af tímabilsáætlun, sem gerði ráð fyrir 1.074,7 m.kr..

Einnig var lagt fram yfirlit fyrir sama tímabil með samanburð við níu önnur sveitarfélög.

Lagt fram rekstraryfirlit fyrir nóvember 2016.
Rekstrarniðurstaða Fjallabyggðar fyrir janúar til nóvember, 2016, er 8 milljónum lakari en tímabilsáætlun gerir ráð fyrir.
Tekjur umfram gjöld eru 115,6 millj. í stað 123,6 millj.
Tekjur eru 41,4 millj. hærri en áætlun, gjöld 78,0 millj. hærri og fjármagnsliðir 28,6 millj. lægri.

Stærstu frávik tengjast lægra útsvari, lægri hafnartekjum og hærra viðhaldi á fráveitu- og vatnsveitukerfum.

Á grundvelli laga nr. 162 frá 2006 um fjármál stjórnmálasamtaka og frambjóðenda og um upplýsingaskyldur þeirra, samþykkir bæjarráð að framlag vegna 2016, verði óbreytt kr. 360.000, og því verði úthlutað í samræmi við ákvæði 5. gr. laganna, eftir kjörfylgi í Fjallabyggð í kosningum 2014.
Framlög færist á fárhagsáætlunarlið 21810 og komi til greiðslu í janúar 2017.

Í erindi eiganda húseignar að Tjarnargötu 8 Siglufirði, dagsett 31. desember 2016. er óskað eftir viðræðum við bæjaryfirvöld vegna skipulags á landfyllingu norðan Hafnarbryggju.
Skipulagslýsing var í auglýsingu frá 22. til 31.desember og barst athugasemd frá Herhúsfélaginu.

Bæjarráð samþykkir að óska eftir umsögn deildarstjóra tæknideildar um málið.

Lagt fram til kynningar bréf stjórnar Félags kennara og stjórnenda í tónlistarskólum til bæjarfulltrúa, dagsett 31. desember 2016.
Þar er lýst yfir þungum áhyggjum af gangi mála við gerð kjarasamnings, en tónlistarkennarar í Félagi kennara og stjórnenda í tónlistarskólum (FT) hafa verið samningslausir í 14 mánuði.

Á 480. fundi bæjarráðs, 20. desember 2016, í tengslum við erindi Haraldar Marteinssonar, dagsettu 17. nóvember 2016, var samþykkt að bjóða bréfritara að taka við brúnni í því ástandi sem hún er endurgjaldslaust, að öðrum kosti yrði brúin fjarlægð.

Í bréfi til bæjarráðs, dagsett 29. desember 2016, afþakkar Haraldur boð bæjarráðs um að þiggja brúna að gjöf.

Bæjarráð vísar í fyrri bókun og samþykkir að láta fjarlægja brúna.

Á 472. fundi bæjarráðs, 1. nóvember 2016, var samþykkt að senda umsókn til Menntamálastofnunar um gerð ytra mats á starfi leikskólum Fjallabyggðar.

Í svari Menntamálastofnunar, dagsett 2. janúar 2017, kemur fram að ákveðið hefur verið að gera ytra mat á starfsemi leikskóla Fjallabyggðar, haustið 2017.

Lagðar fram til kynningar fundargerðir stjórnar Hornbrekku frá 8. nóvember 2016 og 21. desember 2016.

Lögð fram til kynningar fundargerð Eyþings frá 289. fundi, 16. desember 2016.

Lögð fram til kynningar fundargerð 845. fundar stjórnar Sambands íslenskra sveitarfélaga, frá 16. desember 2016.

Lögð fram til kynningar fundargerð stjórnar Róta vegna fundar 19. desember 2016.