Bæjarráð Fjallabyggðar

Á 385. fundi bæjarráðs, 24. mars 2015, var lagt fram erindi frá Sigurhæð ses, dagsett 17. mars 2015, þar sem óskað er eftir viðræðum við bæjarráð í tengslum við hugmyndir um að koma Náttúrugripasafninu fyrir í Strandgötu 4 Ólafsfirði og sölu á Aðalgötu 15 Ólafsfirði.

Bæjarráð samþykkti þá að boða fulltrúa stjórnar Sigurhæðar ses á sinn fund.

337. fundur bæjarráðs 16. apríl 2014, samþykkti drög að samþykktum fyrir sjálfseignarstofnunina Sigurhæðir ses. sem og tillögu að þjónustusamningi við Sigurhæðir ses. um rekstur Náttúrugripasafnsins í Ólafsfirði.
Bæjarstjórn staðfesti afgreiðslu bæjarráðs 20. maí 2014.

Á fund bæjarráð mættu fulltrúar Sigurhæðar, Þorsteinn Ásgeirsson og Alda María Traustadóttir.

Bæjarráð samþykkir fyrir sitt leyti að húsið við Aðalgötu 15 verði sett á sölu.

Lögð fram skýrsla bæjarstjóra um stöðu Róta bs. og lögð fram til kynningar bókun fulltrúa Fjallabyggðar og Dalvíkurbyggðar í stjórn Róta sem lögð verður fram á næsta stjórnarfundi Róta bs.

Í erindi slökkviliðsstjóra Fjallabyggðar, móttekið 25. mars 2015, er kannað hvort heimild fáist til taka að sér verkefni, samkvæmt beiðni Vegagerðarinnar, við þvott á jarðgöngum.

Bæjarráð samþykkir að heimila verkefnið enda sé alls öryggis gætt á meðan, varðandi tankbíl með vatnsbirgðir.

Á 385. fundi bæjarráðs, 24. mars 2015, var lagt fram yfirlit frá slökkviliðsstjóra Fjallabyggðar um eldvarnareftirlit í bæjarfélaginu.

Bæjarráð óskaði þá eftir uppfærðum lista yfir skoðunarskylda staði vegna eldvarnareftirlits.

Uppfært yfirlit lagt fram.

Lagt fram bréf frá Knattspyrnufélagi Fjallabyggðar móttekið 19. mars 2015, um atriði er tengjast bæjarfélaginu og KF á einn eða annan hátt.
Sex atriði eru talin upp og óskar félagið ýmist eftir svörum frá sveitarfélaginu eða að ákveðin vinna verði sett í gang til að klára ýmis mál.

Bæjarráð samþykkir að fela íþrótta- og tómstundafulltrúa og deildarstjóra stjórnsýslu og fjármála að taka saman upplýsingar um beina og óbeina styrki sem veittir voru til félagsins á árinu 2014 og samþykkta styrki fyrir árið 2015.

Lagt fram fundarboð miðvikudaginn 8. apríl á Akureyri um mikilvægi þess að byggt sé upp millilandaflug frá Norður- og Austurlandi.
Að fundinum standa Markaðsstofa Norðurlands, Atvinnuþróunarfélag Eyjafjarðar, Atvinnuþróunarfélag Þingeyinga, Samtök Sveitarfélaga á Norðurlandi Vestra, Eyþing, Austurbrú og Fjórðungssamband Vestfirðinga.

Á fundinn eru boðaðir þingmenn Norðvesturkjördæmis og Norðausturkjördæmis, en auk þeirra fjármálaráðherra, iðnaðar- og viðskiptaráðherra og innanríkisráðherra.

Óskað er eftir þátttöku sveitarstjóra og oddvita sveitarstjórna eða annarra sem að málinu koma.

Bæjarráð samþykkir að fela bæjarstjóra og fulltrúum bæjarráðs að sækja fundinn.
Markaðs- og menningarfulltrúi mun mæta.

Á 371. fundi bæjarráðs, 9. desember 2014 var samþykkt að fresta afgreiðslu umsóknar vegna Þjóðlagaseturs sr. Bjarna Þorsteinssonar og vegna Þjóðlagahátíðar.

Bæjarráð samþykkir að afgreiða styrkveitingu til Þjóðlagahátíðar að upphæð 1.000.000 og 800.000 til Þjóðlagaseturs eins og gert var ráð fyrir við gerð fjárhagsáætlunar 2015.

Bæjarráð vonast til að niðurstaða fáist í viðræðum við ráðuneyti, fyrir gerð næstu fjárhagsáætlunar, varðandi aðkomu þess að rekstri Þjóðlagaseturs sr. Bjarna Þorsteinssonar.

Á 180. fundi skipulags- og umhverfisnefndar, 25. mars 2015, var tekin fyrir umsókn Selvíkur ehf um byggingarleyfi fyrir baðhúsi, útigeymslu og heitum potti og breytingu á innra skipulagi í miðrými hótelbyggingar. Samhliða breytingunum var óskað eftir stækkun lóðar til suðurs samkvæmt framlögðu lóðarblaði.

Skipulags- og umhverfisnefnd samþykkti breytingarnar og stækkun lóðar fyrir sitt leyti og vísaði til bæjarráðs og bæjarstjórnar.

Bæjarráð samþykkir breytingar og stækkun lóðar.

Fundargerð lögð fram til kynningar.