Bæjarráð Fjallabyggðar

Lagt fram tölvubréf frá Sambandi ísl. sveitarfélaga frá 18.12.2013 um hækkun hámarksútsvars um 0.04%.

Einnig lögð fram breytingartillaga við frumvarp til laga um tekjuaðgerðir frumvarps til fjárlaga fyrir árið 2014.

Málið hefur áður fengið afgreiðslu bæjarráðs, sjá fundargerð frá 17.12.2013.

Bæjarráð samþykkti óbreytt útsvar á árinu 2014.

Lagt fram bréf frá stjórn Greiðrar leiðar ehf. frá 13.12.2013, en í bréfinu kemur fram að stjórnin hefur ákveðið að nýta sér heimild til að hækka hlutafé félagsins um 40 m.kr. með áskrift nýrra hluthafa.  
Ætlunin er að selja það hlutafé sem ekki fæst áskrift fyrir til nýrra hluthafa, falli núverandi hluthafar frá sínum forkaupsrétti.

Hlutur Fjallabyggðar er 0.07% eða um 26 þúsund krónur.
Þar sem Útgerðarfélag Akureyrar er tilbúið til að kaupa umrætt hlutafé fellur Fjallabyggð frá forkaupsrétti sínum.

Lagt fram bréf frá Lögmannsstofunni Advel f.h. þinglýsts eiganda fasteignarinnar að Eyrargötu 3 á Siglufirði. Um er að ræða kröfu um viðurkenningu á bótskyldu vegna deiliskipulagstillögunnar  "Grunnskólareitur á Þormóðseyri Siglufirði".

Bæjarráð felur lögmanni bæjarfélagsins að svara umræddu bréfi.

Björgunarsveitin Strákar á Siglufirði óska eftir niðurfellingu á stöðuleyfi á tveimur gámum.

Bæjarráð samþykkir framkomna ósk. 

Bæjarráð felur tæknideild bæjarfélagsins að kanna hvort hægt er að nýta affallsvatn sundlaugarinnar í Ólafsfirði til upphitunar í öðrum mannvirkjum bæjarfélagsins á staðnum. Samþykkt samhljóða.

Skíðafélag Ólafsfjarðar sækir um styrk til að lagfæra töluvert viðhald á snjótroðara og vísa í samning að þessu tilefni. Um er að ræða kostnað sem nemur um 765 þúsund krónum.

Bæjarráð telur rétt að endurnýja samninginn og fara yfir málið með stjórn skíðafélagsins er varðar aðkomu bæjarfélagsins að umræddri viðgerð.

Bæjarráð felur deildarstjóra fjölskyldudeildar að halda utanum málið með íþrótta- og tómstundafulltrúa.
Bæjarráð telur rétt að kanna með aðkomu tryggingarfélagsins er varðar viðgerðarkostnað.

Lagður fram undirritaður samningur á milli Fjallabyggðar og Dalvíkurbyggðar, er varðar samstarf um tónlistarskóla.

Lagðar fram tillögur að breytingum á starfslýsingum deildarstjóra Fjallabyggðar.

Bæjarráð leggur til við bæjarstjórn að umræddar starfslýsingar verði samþykktar eftir lagfæringar og ábendingar sem fram komu á fundinum.

Stjórn Ferðatrölla leggur fram ósk um samstarf við Dalvíkurbyggð og Fjallabyggð um að koma að uppsetningu á heimasíðu og síðan í framhaldinu að daglegum rekstri og viðhaldi á efni á umræddri síðu.

Bæjarráð vísar málinu til markaðs- og menningarnefndar.

Lagðar fram til kynningar fundargerðir 10. fundar frá 11. nóvember 2013 og 11. fundar frá 9. desember 2013.

Lagðar fram til kynningar fundargerðir 810. fundar frá 22. nóvember 2013 og 811. fundar frá 13. desember 2013.