Bæjarráð Fjallabyggðar

Lagt fram til kynningar aðalfundarboð Landskerfa bókasafna hf, ásamt ársreikningi og samþykktum félagsins. 
Aðalfundur verður haldinn í Reykjavík 24. maí n.k. 

Ársfundur Sjúkrahússins á Akureyri var haldinn 15. maí sl.

Ekki höfðu fulltrúar sveitarfélagsins tök á að sækja fundinn að þessu sinni.

Lagðar fram tillögur um verklag og kostnaðaráætlun varðandi rannsókn á Ólafsfjarðarvatni.

Kostnaðaráætlun er kr. 2.436.900.

Bæjarráð samþykkir að vísa erindi til umfjöllunar við gerð fjárhagsáætlunar fyrir árið 2014.

Lagðar fram endurskoðaðar siðareglur fyrir bæjarfulltrúa.
Að beiðni Innanríkisráðuneytisins er núverandi siðareglum sveitarfélagsins skipt upp í tvo hluta - þ.e. eina samþykkt fyrir kjörna fulltrúa og aðra fyrir stjórnendur.
Bæjarráð samþykkir reglurnar fyrir sitt leyti og vísar til afgreiðslu í bæjarstjórn.

Samningur um skóla- og frístundaakstur rennur út 31. ágúst 2013.  Heimilt er að framlengja samning án útboðs eitt ár í senn, að hámarki tvisvar.
Bæjarráð samþykkir að bjóða út aksturinn og felur fræðslu- og menningarfulltrúa og íþrótta- og tómstundafulltrúa að yfirfara núverandi samning og þær þarfir sem þarf að uppfylla í samráði við ábendingar frá fagnefndum. 

a. Hlutaveikindi

Í tengslum við grein 12.2.10 í samningum stéttarfélaga við Samband ísl. sveitarfélaga eða sambærilega grein í samningum aðildarfélaga KÍ er eftirfarandi tillaga að verklagsreglum um hlutaveikindi lögð fram, til að skerpa á túlkun greinarinnar.

"Forstöðumenn og yfirmenn stofnana sveitarfélagsins skulu hafa samráð við skrifstofu- og fjármálastjóra þegar til skoðunar er að veita starfsmönnum heimild til að vinna skert starf að læknisráði vegna veikinda eða slysa (hlutaveikindi)".

Grein 12.2.10 Ef starfsmaður að læknisráði og með leyfi forstöðumanns vinnur skert starf vegna slyss eða veikinda, skal miða greiðslu veikindalauna fyrir dagvinnu við það starfshlutfall sem vantar á að hann sinni fullu starfi.

Bæjarráð samþykkir tillögu með 3 atkvæðum.

b. Trúnaðarlæknisþjónusta
Skrifstofu- og fjármálastjóri gerði grein fyrir möguleikum á þjónustu trúnaðarlæknis fyrir sveitarfélagið.
Af þeim tveimur kostum sem kynntir voru, annars vegar frá Vinnuvernd og hins vegar frá Heilsuvernd, samþykkir bæjarráð að ganga til samninga við Heilsuvernd.
Kannað verði einnig með þá liði í þjónustuframboði Heilsuverndar er snúa að ráðgjöf varðandi veikindi og fjarvistir starfsmanna, heilsuvernd og endurhæfingu.

Í tengslum við útboð á sorphirðu fyrir sveitarfélagið sem samþykkt var á 290 fundi bæjarráðs, er óskað eftir því að bæjarráð taki afstöðu til tunnufyrirkomulags í útboði og rekstur sorpmóttökustöðva.

Bæjarráð samþykkir að fresta afgreiðslu þessa liðar.

Eftirfarandi breytingar voru lagðar fram að hálfu T-lista.
Aðalmaður í stjórn Þjóðlagaseturs sr. Bjarna Þorsteinssonar verður Inga Eiríksdóttir í stað Bjarkeyjar Gunnarsdóttur.

Varafulltrúi sveitarfélagsins á aðalfund Sambands íslenskra sveitarfélaga verður Sigurður Hlöðvesson og kemur í stað Bjakeyjar Gunnarsdóttur.
Aðalmaður á Aðalfund Eyþings verður Sigurður Hlöðvesson í stað Bjarkeyjar Gunnarsdóttur.

Eftirfarandi breyting var lögð fram af hálfu B-lista.

Ruth Gylfadóttir verður varamaður í undirkjörstjórn í Ólafsfirði í stað Eydísar Óskar Víðisdóttur.

Fráfarandi nefndarfólki þökkuð góð störf og nýtt fólk boðið velkomið til starfa.

89. fundur bæjarstjórnar Fjallabyggðar samþykkti að fela bæjarráði fullnaðarafgeiðslu málsins.
Bæjarráð samþykkir með tveimur atkvæðum framlagðan undirritaðan kaupsamning.
Sólrún Júlíusdóttir sat hjá.

Lagt fram erindi formanns Vildarvina Siglufjarðar og formanns Siglfirðingafélagsins þar sem sveitarfélagið er kvatt til þess að standa vel að 100 ára kaupstaðarafmæli Siglufjarðarkaupstaðar 20. maí 2018 og að skipuð verði afmælisnefnd til að vinna að undirbúningi.

Bæjarráð samþykkir að vísa erindinu til umfjöllunar menningarnefndar.

Lagt fram til kynningar.

Mánaðarlegt yfirlit lagt fram til kynningar fyrir janúar til apríl 2013. Niðurstaðan fyrir heildina er 264,8 m.kr. sem er um 100% af áætlun.
Þó eru deildir sem eru yfir áætlun tímabilsins samtals um 9 milljónir á móti öðrum deildum sem eru undir áætun samtals um sömu upphæð.

Lagður fram undirritaður samningur við Securitas um vöktun á brunavarnarkerfi í Tjarnarborg, dagsettur 17. apríl 2013.
Bæjarráð staðfestir samning með fyrirvara um að tímalengd falli að innkaupareglum sveitarfélagsins.

Fundargerð frá 23. apríl 2013 lögð fram til kynningar.

Bæjarstjóra falið að ræða við forstöðumann Hornbrekku um framkomnar ábendingar og boða nefnd um öldrunarmál til fundar.

Fundargerðir 238. fundar til og með 241. lagðar fram til kynningar.