Bæjarráð Fjallabyggðar

Formaður bauð velkomna á fund bæjarráðs:
Ásgeir Loga Ásgeirsson, fulltrúa Norlandia ehf,
Sigurjón Þórðarson, framkvæmdastjóra Heilbr.eftirlits Norðurlands vestra,
Val Þór Hilmarsson, umhverfisfulltrúa Fjallabyggðar
og Steinar Svavarsson, fulltrúa í Heilbrigðisnefnd Norðurlands vestra.

Farið var yfir stöðu Norlandia ehf varðandi lyktarmengun frá fyrirtækinu og þær aðgerðir sem farið hefur verið í og fyrirhugaðar eru, til að minnka lykt.  Fram kom hjá fulltrúa Norlandia að nýr óson hreinsibúnaður verði kominn í notkun á næstu dögum.
Starfsleyfi fyrirtækisins er til umfjöllunar hjá Heilbrigðisnefnd Norðurlands vestra.

Árið 2011 hófst rannsóknar- og nýsköpunarverkefnið "Eyðibýli á Íslandi" á vegum áhugamannafélags, en að því standa arkitektar, sagnfræðingar, jarðfræðingar og fleiri. Verkefnið er unnið í samráði við Húsafriðunarnefnd, Þjóðminjasafn Íslands, Fornleifavernd ríkisins, háskóla og söfn.

Nú er komið að Norðurlandi eystra og Vesturlandi. Óskað er eftir eitt hundrað þúsund króna styrk í verkefnið.

Bæjarráð getur ekki orðið við erindinu.

Þórir Kr. Þórisson sækir um rekstrarleyfi fyrir 580 slf. kt. 540612-1290 á grundvelli 11. gr.  laga nr. 85/2007 um veitingastaði, gististaði og skemmtanahald að Hávegi 5 og Hlíðarvegi 1 á Siglufirði.

Sótt er um rekstrarleyfi gististaða skv. II flokki 5.gr. laganna, en nánar tiltekið er um gistingu í íbúðum án veitinga.

Bæjarráð samþykkir fyrir sitt leyti jákvæða umsögn.

Bjarkey Olsen Gunnarsdóttir sækir um rekstrarleyfi fyrir hönd Iðngarða á grundvelli 11. gr. laga nr. 85/2007 um veitingastaði, gististaði og skemmtanahald  fyrir Gistihús Jóa að Strandgötu 2, Ólafsfirði.

Sótt er um rekstrarleyfi gististaða skv. III flokki 5.gr. laganna, en nánar tiltekið er um gistingu með veitingum, þó ekki áfengisveitingum.

Bæjarráð samþykkir fyrir sitt leyti jákvæða umsögn.
Bjarkey Gunnarsdóttir vék af fundi undir þessum dagskrárlið.

Með 15. gr. laga nr. 162/2006 var ákveðið að greiða sveitarfélögum kostnað við störf undirkjörstjórna og kjörstjórna, fyrir kjörgögn, áhöld, húsnæði og eins og rakið er í e-lið 123. gr. laga um kosningar til Alþingis. Greitt verður fyrir hvern kjósanda á kjörskrá og fyrir hvern kjörstað.

Lagður fram ársreikningur fyrir Finninn ehf árið 2011.

Bæjarráð felur bæjarstjóra að undirrita framkominn reikning.

Lagður fram ársreikningur fyrir Tjarnarborg sf árið 2011.

Bæjarráð felur bæjarstjóra að undirrita framkominn reikning.

Lagt fram rekstraryfirlit fyrir tímabilið janúar til maí 2012 fyrir A- og B-hluta sveitarfélagsins svo og málaflokkayfirlit.

Lagt fram minnisblað um samanburð á áætluðum heildarkostnaði við verkefnið og rauntölur.

Fram kemur að verkið fer 40 milljónir fram úr upphaflegri áætlun, sem er aðallega tilkomin vegna mikilla endurbóta á eldra húsnæði.

Lögð fram tillaga að viðauka við fjárhagsáætlun 2012 vegna framkvæmda við Grunnskóla Fjallabyggðar, samtals að upphæð kr. 47 milljónir.

Um er að ræða búnað, innréttingar og endurbætur eldri byggingar við Tjarnarstíg í Ólafsfirði og hönnun stækkunar byggingar við Norðurgötu á Siglufirði sem fyrirhuguð eru á árinu 2013.

Á móti auknum útgjöldum er gert ráð fyrir að kr. 10 milljónir sé teknar af auknu grunnskólaframlagi á árinu frá Jöfnunarsjóði.
Einnig er gert ráð fyrir að kr. 37 milljónir sé tekið af eigin fé og/eða með lántöku.

Auknum framkvæmdum á árinu 2012 verður mætt með niðurskurði 2013.

Bæjarráð samþykkir viðaukatillöguna.
Egill Rögnvaldsson óskar að bókað sé að hann samþykki tillöguna í trausti þess að það bitni ekki á öðrum þeim verkum sem svo sannarlega þarf að fara í á næstu tveimur árum.

Fjárlaganefnd hyggst breyta áherslum sínum við fjárlagagerðina í takt við þá þætti sem fram koma í bréfi Fjárlaganefndar frá 18. júní 2012.

Lagt fram til kynningar.

Lagðar fram til kynningar fundargerðir stjórnar Eyþings nr. 230 og 231.

Á 53. fundi Menningarnefndar, 20. júní s.l. var farið yfir umsóknir vegna starfa í Menningarhúsinu Tjarnarborg.

Um 50% ræstingastarf sóttu:
Aldís Vala Gísladóttir
Elín Elísabet Hreggviðsdóttir og
Guðlaugur Magnús Ingason.

Menningarnefnd lagði til að Elín Elísabet Hreggviðsdóttir yrði ráðin í 50% ræstingarstarf.

Um 50% starf forstöðumanns sóttu:
Hafdís Ósk Kristjánsdóttir
Diljá Helgadóttir
Guðlaugur Magnús Ingason og
Kristinn J. Reimarsson.

Kristinn J. Reimarsson dró umsókn sína til baka.

Menningarnefnd lagði til að Diljá Helgadóttir yrði ráðin í 50% starf forstöðumanns Menningarhússins Tjarnarborgar.
Ásdís Pálmadóttir sat hjá.

Bæjarráð samþykkir tillögu menningarnefndar.