Bæjarráð Fjallabyggðar

Á síðasta fundi bæjarstjórnar var ákveðið að vísa tillögu og óskum um breytingar á skipan byggingarnefndar Grunnskóla Fjallabyggðar til fullnaðarafgreiðslu bæjarráðs.

Samfylkingin á Siglufirði óskar eftir fulltrúa í umrædda nefnd og að aðalmaður verði Jakob Kárason og varamaður hans verði Jón Tryggvi Jökulsson.

Tillagan borin upp og felld með tveimur atkvæðum gegn einu.

Bókun frá meirihluta: Þar sem nýlega var skipað í umrædda nefnd, og skipunin var samþykkt samhljóða í bæjarstjórn, telur meirihlutinn ekki ástæðu til breytinga. Þess má geta að Jakob Kárason er varamaður í nefndinni.

Deildarstjóri tæknideildar hefur látið fara fram verðkönnun á 1. áfanga framkvæmda jarðvinnu við kirkjugarð við Ráeyrarveg í Siglufirði, í samræmi við útboðs og verklýsingu, meðfylgjandi uppdrætti og tilboðsskrá frá Kanon arkitektum ehf.
Lægsta tilboðið kr. 5.886.000.- átti Árni Helgason ehf.

Bæjarráð samþykkir að verkið fari fram og að gert verði ráð fyrir viðbótarfjárveitingu til verksins í fjárhagsáætlun 2012, að upphæð 4,4 m.kr.

Samþykkt samhljóða.

Byggingarnefnd grunnskóla Fjallabyggðar hefur farið yfir og komið fram með ábendingar er varðar lagfæringar á erindisbréfi nefndarinnar.

Um er að ræða lagfæringar á 2.gr. sjá fyrsta og annan tölulið, er tekur á viðfangsefnum starfshópsins.

Einnig 5. gr. er tekur á tímasetningum framkvæmda.

Bæjarráð samþykkir fram komnar breytingar, en hvetur nefndina til að miða við framkomnar teikningar og þar með byggingaráform bæjarstjórnar Fjallabyggðar.

Lagt fram minnisblað frá Sambandi íslenskra sveitarfélaga um forsendur fjárhagsáætlunar fyrir árið 2012.

Niðurstaða bæjarráðs er að taka tillit til framkominna ábendinga.

Lagt fram minnisblað íþrótta- og tómstundafulltrúa og skólastjóra Tónskóla Fjallabyggðar um tónskóla og félagsmiðstöð í Tjarnarborg.

Rætt um styrkbeiðni frá Hestamannafélaginu Gnýfara er tengist gatnagerðar- og byggingarleyfisgjöldum og kaldavatnsinntaki af nýrri reiðskemmu að upphæð 2,9 milljónir.
Bæjarráð tekur rétt að vísa framkominni ósk til gerðar fjárhagsáætlunar 2012.

Skrifstofu-og fjármálastjóri lagði fram upplýsingar og samantekt um launamál bæjarfélagsins fyrir tímabilið janúar - október.

Lagt fram til kynningar.

Lagt fram til kynningar fundarboð á ársfund sem haldinn verður 16. nóvember í Háskólanum í Reykjavík.

Bjarkey Olsen Gunnarsdóttir vék af fundi undir þessum dagskrárlið.

Lagt fram bréf undirritað af Bjarkey Olsen Gunnarsdóttur og Klöru Mist Pálsdóttur.
Í bréfinu koma fram hugleiðingar þeirra um bókakaffi og upplýsingamiðstöð í Ólafsfirði.

Bæjarráð tekur vel í slíkar hugmyndir og verði ákveðið að gera breytingar á rekstri bókasafnsins í Ólafsfirði þá verði m.a. kannað hvaða aðilar gætu tekið að sér slíkt verkefni í samstarfi við bæjarfélagið.
Bæjarráð óskar álits forstöðumanns bókasafnsins til þessara hugmynda.

Skrifstofu- og fjármálastjóri lagði fram samantekt upplýsinga er tengjast sölu íbúða Fjallabyggðar þ.e. fyrir Laugaveg 37, Ægisgötu 32, Hvanneyrarbraut 58 og Hafnargötu 24.

Lagðar fram bestu þakkir fyrir stuðning Fjallabyggðar við afmælishátíð sr. Bjarna Þorsteinssonar frá undirbúningsnefnd.