Bæjarráð Fjallabyggðar

Lagt fram erindi frá Íslenska gámafélaginu um framlengingu samnings um akstur og urðun sorps.
Afgreiðslu frestað.

Lagt fram erindi frá Íslenska gámafélaginu um framlengingu samnings um rekstur gámasvæða.

Afgreiðslu frestað.

Menningarnefnd hefur fjallað um þá hugmynd að endurvekja sýningar í Tjarnarborg í samstarfi við Sam-bíóin.

Hægt er að nota góðan skjávarpa til að sýna DVD myndir í salnum. Það er mat menningarfulltrúa að óháð slíkum sýningum sé nauðsynlegt að koma upp slíkum búnaði til að halda vinnufundi, ráðstefnur, málþing og fyrirlestra í salarkynnum Tjarnarborgar. Áætlaður kostnaður með hljóðkerfi er um 3 m.kr., án vinnu.

Bæjarráð samþykkir að vísa erindinu til umfjöllunar við gerð fjárhagsáætlunar 2012.

Lagðar fram endurskoðaðar tölur deildarstjóra tæknideildar vegna framkvæmda við gerð stoðveggja.
Tæknideild leggur til við bæjarráð fram komnar tillögur til að vega og meta þátttöku bæjarfélagsins í slíkum kostnaði sé hann fyrir hendi.

Bæjarráð leggur til við bæjarstjórn að framkomnar viðmiðurnarreglur verði samþykktar og að gengið sé út frá 20% þáttöku bæjarfélagsins í stoðveggjasmíði enda liggi fyrir samþykki tæknideildar á aðkomu bæjarfélagsins á framkvæmdinni hverju sinni.

Lagt fram yfirlit yfir styrkumsóknir og styrkupphæðir samtals að upphæð kr. 1.420.843.-
Bæjarráð leggur til við bæjarstjórn að umræddir styrkir verði samþykktir.

Bæjarráð samþykkir útreikninga á viðmiðunartölum sem fram koma í innkaupareglum Fjallabyggðar.
Gengið er út frá forsendum sem samþykktar voru á síðasta fundi bæjarráðs.

Upphæðir í 4. grein vegna samningsfjárhæða verða:
Vegna framkvæmda 17 m.kr.
Vegna þjónustu 9 m.kr.
Vegna vörukaupa 5 m.kr.

Upphæð í 9. grein vegna heimilda til undirmanna verður 500 þ.kr.

Upphæðir í 18. grein vegna verðfyrirspurna verða:
Vegna framkvæmda 300 þ.kr.
Vegna þjónustu 300 þ.kr.
Vegna vörukaupa 100 þ.kr.

Bæjarráð leggur jafnframt áherslu á að almenna reglan sé sú að viðhafa útboð og verðkannanir.

Um afgreiðslu þessa liðar vísast til bókunar í trúnaðarbók.

Um afgreiðslu þessa liðar vísast til bókunar í trúnaðarbók.

Rekstraryfirlit lagt fram til kynningar.

Lagt fram til kynningar erindi frá umboðsmanni barna þar sem skorað er á sveitarfélög að endurskoða tillögur um niðurskurð og hagræðingu í skólakerfinu.

Lagt fram bréf frá bæjarráði Akureyrar frá 24. mars 2011. Í bréfinu kemur fram ósk um viðræður um endurskoðun samkomulagsins á grundvelli breyttra forsenda.

Bæjarstjóri greindi bæjarráði frá því að fundur bæjar- og sveitarstjóra á Eyjafjarðarsvæðinu verði haldinn hið fyrsta til að ljúka samningi um skiptingu kostnaðar við endurbyggingu á húsnæði fyrir Menntaskólann á Tröllaskaga.

Lagðar fram til kynningar upplýsingar frá Landslögum - lögmönnum bæjarfélagsins um stöðu mála.

Lögð fram til kynningar fundargerð frá 15. mars 2011.
Í fundargerðinni kemur m.a. fram ósk um viðræður við bæjaryfirvöld um breytingar og endurbætur á húsnæði Hornbrekku.

Bæjarráð telur eðlilegt að fá fulltrúa stjórnar og forstöðumann á næsta fund bæjarráðs.

Bæjarráð samþykkir að halda fund með Dalvíkurbyggð til að ræða sameiginlega hagsmuni sveitarfélaganna.