Bæjarráð Fjallabyggðar

179. fundur bæjarráðs frestaði afgreiðslu á þessum máli.

Bæjarráð óskaði eftir við tæknideild að finna skilgreiningu á bílskúr/bílageymslu skv. reglugerð og finna út breytingar á álagningaflokki miðað við breytt afnot af húsnæðinu.

Skv. byggingareglugerð 441/1998, 5. kafli 114 gr. þá eru engin stærðarmörk á bílageymslum eingöngu eru gerðar kröfur um að uppfylla skuli brunavarnir og notagildi. Þar skulu aðeins geymdir bílar og það sem þeim fylgir.

Bæjarráð samþykkir að geymsla í landi Bakka, Ólafsfirði verði skilgreind sem bílskúr að uppfylltum byggingarreglugerðum varðandi þann flokk húsnæðis sem um getur.

Í erindi Róberts Haraldssonar er vakin athygli á því að knattspyrnufélögin KS og Leiftur, nú Knattspyrnufélag Fjallabyggðar, séu að kaupa keppnisbúninga og æfingagalla á alla flokka félagsins og vill hann kanna hvort sveitarfélagið sjái sér fært að vera með auglýsingu á búningunum.
Bæjarráð sér sér ekki fært að gera sérstakan styrktarsamning við KF vegna búningakaupa, en mun hér eftir sem hingað til styrkja íþróttahreyfinguna í Fjallabyggð.

Farið yfir tillögur nefnda að fjárhagsáætlun 2011.
Bæjarráð þakkar nefndum og starfmönnum sveitarfélagsins fyrir mikla vinnu að framkomnum tillögum.
Ákveðið að boða til bæjarráðsfundar n.k. mánudag, til lokaumfjöllunar fyrir fyrri umræðu bæjarstjórnar.

Bæjarstjóri kynnti fund sem hann átti með Kanon arkitektum vegna gerðar húsakannana fyrir Siglufjörð og Ólafsfjörð 19. nóv. s.l.
Nauðsynlegt er talið að ráðast í það verk svo skipulagsyfirvöld geti tekið á markvissan og faglegan hátt á erindum sem þeim berast um endurgerð, breytingar o.fl. í núverandi byggð.
Sótt hefur verið um styrk til gerðar byggða- og húsakönnunar til Húsafriðunarnefndar.

Samþykkt um búfjárhald í Fjallabyggð bíður úrlausnar hjá Sjárvarútvegs- og landbúnaðaráðuneytinu og er svars að vænta á næstu dögum.

Lögð fram til kynningar fyrirspurn sem bæjarstjóri sendi Norðurorku hf. vegna afnota af heitu vatni fyrir aðstöðu Golfklúbbs Ólafsfjarðar í landi Skeggjabrekku.  Norðurorka hefur svarað erindinu og hafnað því.

Fundargerð lögð fram til kynningar.