17. júní 2022

Málsnúmer 2203002

Vakta málsnúmer

Markaðs- og menningarnefnd Fjallabyggðar - 85. fundur - 10.03.2022

Gildistími samkomulags við Menningar- og fræðslunefnd slökkviliðsins í Ólafsfirði um framkvæmd 17. júní hátíðarhalda er liðinn.
Vísað til umsagnar og afgreiðslu bæjarráðs
Markaðs- og menningarnefnd leggur til að auglýst verði eftir aðila/aðilum til að hafa umsjón með skipulagningu og framkvæmd hátíðarhalda á 17. júní. Með umsókn fylgi greinargerð með drög að dagskrá hátíðarinnar og kostnaðaráætlun. Nefndin vísar drögum að auglýsingu til bæjarráðs til umfjöllunar og afgreiðslu.

Bæjarráð Fjallabyggðar - 735. fundur - 24.03.2022

Lögð fram bókun markaðs- og menningarnefndar frá 85. fundi nefndarinnar hvar nefndin leggur til að auglýst verði eftir aðila/aðilum til að hafa umsjón með skipulagningu og framkvæmd hátíðarhalda á 17. júní. Einnig er lögð fram greinargerð með drögum að dagskrá hátíðarinnar og drögum að auglýsingu. Á fundi sínum vísaði nefndin drögum að auglýsingu til bæjarráðs til umfjöllunar og afgreiðslu.
Visað til afgreiðslu starfsmanns
Bæjarráð samþykkir framlögð drög að auglýsingu og felur deildarstjóra fræðslu-, frístunda- og menningarmála að auglýsa eftir áhugasömum aðila/aðilum til að hafa umsjón með skipulagningu og framkvæmd hátíðarhalda á 17. júní.

Markaðs- og menningarnefnd Fjallabyggðar - 86. fundur - 09.05.2022

Auglýsing eftir umsjónaraðila hátíðarhalda á 17. júní hefur ekki borið árangur.
Samþykkt
Markaðs- og menningarnefnd samþykkir að auglýsa að nýju eftir umsjónaraðila hátíðarhalda á 17. júní.

Bæjarráð Fjallabyggðar - 745. fundur - 13.06.2022

Lögð fram til kynningar dagskrá 17. júní hátíðarhalda í Fjallabyggð ásamt kostnaðaráætlun.
Lagt fram til kynningar

Markaðs- og menningarnefnd Fjallabyggðar - 88. fundur - 08.09.2022

Markaðs- og menningarfulltrúi fer yfir framkvæmd hátíðarhalda 17. júní sl.
Lagt fram til kynningar
Greinargerð um framkvæmd 17. júní var lögð fram til kynningar. Ungliðasveitin Smástrákar héldu hátíðina í ár. Markaðs- og menningarnefnd vill þakka Smástrákum fyrir metnaðarfulla dagskrá og hvetur til þess að gert verði samkomulag við Smástráka um umsjón 17. júní hátíðarhalda til næstu 2-3 ára.

Bæjarráð Fjallabyggðar - 767. fundur - 15.11.2022

Fyrir liggur greinargerð um framkvæmd og uppgjör 17. júní 2022 en hátíðin var í höndum ungliðasveitarinnar Smástráka.
Vísað til gerðar fjárhagsáætlunar
Bæjarráð þakkar fyrir góða greinargerð og leggur til að gerður verði samningur við Smástráka um framkvæmd 17. júní hátíðarhalda til næstu þriggja ára í samræmi við tillögurnar sem koma fram í greinargerðinni. Vísað til gerðar fjárhagsáætlunar.