Bæjarráð Fjallabyggðar - 442. fundur - 26. apríl 2016

Málsnúmer 1604011F

Vakta málsnúmer

Bæjarstjórn Fjallabyggðar - 132. fundur - 11.05.2016

  • .1 1407059 Fræðslustefna Fjallabyggðar
    Bæjarráð Fjallabyggðar - 442. fundur - 26. apríl 2016 Á 441. fundi bæjarráðs, 19. apríl 2016, var tekið fyrir erindi deildarstjóra fræðslu- frístunda- og menningarmála, dagsett 14. apríl 2016, þar sem óskað er eftir fjárveitingu til að halda skólaþing og íbúafundi um fræðslu og frístundamál v/endurskoðunar á stefnum bæjarfélagsins.

    Bæjarráð samþykkti þá að óska eftir tillögu frá deildarstjóra fræðslu- frístunda- og menningarmála að lækkun á áætlunarliðum viðkomandi málaflokka á móti kostnaði vegna íbúafundar og skólaþings.

    Lögð fram tillaga deildarstjóra fræðslu- frístunda- og menningarmála, dagsett 22. apríl 2016, sem unnin var í samráði við skólastjóra Grunnskóla Fjallabyggðar, um að kostnaður við skólaþingið færist á fundarkostnað skólans, (04210-4230)en í áætlun er gert ráð fyrir kr. 290.000 í fundarkostnað.

    Bæjarráð samþykkir tillöguna.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .2 1603048 Rekstur tjaldsvæða 2016
    Bæjarráð Fjallabyggðar - 442. fundur - 26. apríl 2016 Lagður fram samningur um rekstur tjaldsvæða í Ólafsfirði við Bolla og bedda ehf.

    Bæjarráð staðfestir samning.     Bókun fundar Bæjarstjórn samþykkir samhljóða með 7 atkvæðum samning um rekstur tjaldsvæða í Ólafsfirði við Bolla og bedda ehf.
  • .3 1603096 Samstarfssamningur Dalvíkurbyggðar og Fjallabyggðar um málefni fatlaðra 2016
    Bæjarráð Fjallabyggðar - 442. fundur - 26. apríl 2016 Lögð fram tillaga að samstarfssamningi Dalvíkurbyggðar og Fjallabyggðar um málefni fatlaðra 2016.

    Bæjarráð samþykkir samstarfssamning.     Bókun fundar Bæjarstjórn samþykkir samhljóða með 7 atkvæðum, fyrir sitt leyti, samstarfssamning Dalvíkurbyggðar og Fjallabyggðar um málefni fatlaðra 2016.
  • .4 1503001 Samþykktir fyrir byggðasamlagið Rætur bs.
    Bæjarráð Fjallabyggðar - 442. fundur - 26. apríl 2016 Lagðar fram til kynningar samþykktir fyrir byggðasamlagið Rætur bs og þjónustusamningur sveitarfélaga um málefni fatlaðs fólks, sem ritað var undir 19. febrúar 2016. Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .5 1604003 Beiðni um launalaust leyfi
    Bæjarráð Fjallabyggðar - 442. fundur - 26. apríl 2016 Á 441. fundi bæjarráðs, frá 19. apríl 2016,
    frestaði bæjarráð að taka afstöðu til beiðni starfsmanns leikskóla Fjallabyggðar um launalaust ársleyfi, þar til tillaga að launuðum sem og launalausum leyfum starfsmanna lægi fyrir.

    Tekið fyrir erindi frá leyfisbeiðanda, dagsett 25. apríl 2016, þar sem þess er óskað að bæjarráð taki afstöðu til beiðninnar um launalaust leyfi sem fyrst, óháð reglum sem eftir er að setja.

    Bæjarráð samþykkir að óska eftir umsögn deildarstjóra fræðslu- frístunda- og menningarmála og deildarstjóra stjórnsýslu og fjármála.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .6 1604014 Deildarstjórastaða við Grunnskóla Fjallabyggðar
    Bæjarráð Fjallabyggðar - 442. fundur - 26. apríl 2016 Lagt fram bréf skólastjóra Grunnskóla Fjallabyggðar, dagsett 31. mars 2016, þar sem rökstudd er tillaga um 80% stöðu deildarstjóra við Grunnskóla Fjallabyggðar skólaárið 2016-2017.

    Bæjarráð hafnar beiðninni.     Bókun fundar Bæjarstjórn samþykkir samhljóða með 7 atkvæðum að hafna beiðni um 80% stöðu deildarstjóra við Grunnskóla Fjallabyggðar skólaárið 2016-2017.
  • .7 1604061 Aðalfundur Landskerfis bókasafna hf 2016
    Bæjarráð Fjallabyggðar - 442. fundur - 26. apríl 2016 Boðað er til aðalfundar Landskerfis bókasafna hf. 2016, 10. maí í Reykjavík.
    Lagt fram til kynningar     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .8 1604065 Aðalfundur Símenntunarmiðstöðvar Eyjafjarðar 2016
    Bæjarráð Fjallabyggðar - 442. fundur - 26. apríl 2016 Boðað er til aðalfundar SÍMEY, 28. apríl 2015 á Akureyri.
    Lagt fram til kynningar.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .9 1604054 Argreiðsla Lánasjóðs sveitarfélaga ohf. vegna ársins 2015
    Bæjarráð Fjallabyggðar - 442. fundur - 26. apríl 2016 Lögð fram tilkynning frá Lánasjóði sveitarfélaga ohf, dagsett 14. apríl 2016, um arðgreiðslu til Fjallabyggðar, sem samþykkt var á aðalfundi sjóðsins 8. apríl 2016.

    Hlutur Fjallabyggðar sem kemur til útborgunar þegar fjármagnstekjuskattur hefur verið dreginn frá er kr. 10.016.496.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .10 1604042 Beiðni um umsögn vegna endurnýjunar á rekstrarleyfi - Íþróttamiðstöðin á Hóli
    Bæjarráð Fjallabyggðar - 442. fundur - 26. apríl 2016 Lögð fram beiðni frá Sýslumanninum á Norðurlandi eystra dagsett 6. apríl 2016, er varðar umsögn um endurnýjun rekstrarleyfis fyrir Ungmenna- og íþróttasamband Fjallabyggðar kt. 670169-1899, til sölu gistingar í Íþróttamiðstöðinni á Hóli, Siglufirði.

    Bæjarráð gerir ekki athugasemd við umsóknina.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .11 1604057 Hreyfivika UMFI - 2016
    Bæjarráð Fjallabyggðar - 442. fundur - 26. apríl 2016 Lagt fram til kynningar hvatningarbréf frá Ungmennafélagi Íslands, um þátttöku í hreyfiviku UMFÍ 23. - 29. maí nk. Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .12 1604059 Skáknámskeið fyrir ungmenni
    Bæjarráð Fjallabyggðar - 442. fundur - 26. apríl 2016 Lagt fram erindi Birkis Karls Sigurðssonar, dagsett 15. apríl 2016, þar sem boðið er upp á að halda skáknámskeið.

    Bæjarráð sér sér ekki fært að verða við beiðninni.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .13 1604027 Upplýsingar um rekstur vegna dvalar- og eða hjúkrunarheimila
    Bæjarráð Fjallabyggðar - 442. fundur - 26. apríl 2016 Á 440. fundi bæjarráðs, 12. apríl 2016, fól bæjarráð bæjarstjóra og deildarstjóra félagsmáladeildar að leggja fyrir bæjarráð umsögn vegna fyrirspurnar frá Sambandi íslenskra sveitarfélaga um framlög til dvalar- og eða hjúkrunarheimila.

    Samningaviðræður milli samtaka fyrirtækja í velferðarþjónustu og Sambands íslenskra sveitarfélaga annars vegar og Sjúkratrygginga Íslands hins vegar um ákvörðun daggjalda á hjúkrunarheimilum hafa staðið yfir frá því snemma árs 2015.

    Þar sem niðurstaða samningaviðræðna liggur ekki fyrir, er afgreiðslu frestað.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .14 1604064 Utankjörfundaratkvæðagreiðsla vegna forsetakosninga 2016
    Bæjarráð Fjallabyggðar - 442. fundur - 26. apríl 2016 18. apríl, var undirrituð viljayfirlýsing um utankjörfundaratkvæðagreiðslu milli Sambands íslenskra sveitarfélaga og Sýslumannafélags Íslands vegna forsetakosninga 2016.

    Aðilar voru ásáttir um að gera tilraun með aukið aðgengi að utankjörfundaratkvæðagreiðslu við forsetakosningar 2016 með vísan til ákvæða í 58. gr. laga um kosningar til Alþingis, þar sem segir m.a. í a-lið greinarinnar, að sýslumenn geti ráðið sérstaka trúnaðarmenn til þess að annast störf kjörstjóra við utankjörfundaratkvæðagreiðslu.

    Tilraunin byggir á því að þau sveitarfélög, sem áhuga hafa á að taka þátt í tilrauninni og vilja auka þjónustu við íbúa, geti óskað eftir því að sýslumaður í viðkomandi umdæmi skipi ákveðinn starfsmann eða starfsmenn viðkomandi sveitarfélags sem kjörstjóra.

    Sveitarfélögin bera sjálf kostnað af starfsmanni og húsnæði, en sýslumenn sjá um kostnað við aðra þætti sem snúa að framkvæmd utankjörfundaratkvæðagreiðslunnar og útvega kjörgögn.

    Bæjarráð telur eðlilegt að utankjörfundaratkvæðagreiðsla verði með sama hætti og verið hefur, þ.e. hjá sýslumanni.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .15 1604067 Fundur um úrgangsmál 2. maí 2016
    Bæjarráð Fjallabyggðar - 442. fundur - 26. apríl 2016 Eyþing og SSNV boða til fundar um næstu skref í samstarfi sveitarfélaga um úrgangsmál.

    Fundurinn verður haldinn á Akureyri, 2. maí 2016

    Bæjarráð samþykkir að fela bæjarstjóra og deildarstjóra tæknideildar að sækja fundinn.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .16 1604068 Upplýsingar um kjördeildarkerfi Þjóðskrár Íslands
    Bæjarráð Fjallabyggðar - 442. fundur - 26. apríl 2016 Gengið verður til forsetakosninga 25. júní n.k. og hefur Þjóðskrá Íslands þegar hafið ýmsan undirbúning vegna kosninganna.

    Lagðar fram til kynningar upplýsingar um kjördeildarkerfi.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .17 1604069 Málefni eldri borgara á Siglufirði
    Bæjarráð Fjallabyggðar - 442. fundur - 26. apríl 2016 Tekið fyrir erindi frá Félagi eldri borgara Siglufirði, dagsett 19. apríl 2016, í framhaldi af fundi stjórnar félagsins 29. febrúar s.l.

    Bæjarráð samþykkir að viðræðuhópur á vegum félagsmálanefndar taki aftur upp viðræður við félög eldri borgara í Fjallabyggð.
    Jafnframt er deildarstjóra félagsmáladeildar falið að taka málið áfram.

    Varðandi aðkomu bæjarfélagsins að námskeiðahaldi er vísað til gerðar fjárhagsáætlunar í tengslum við dagdvöl aldraðra.

    Varðandi aðstöðu undir púttvöll, þá óskar bæjarráð eftir umsögn bæjarstjóra og deildarstjóra tæknideildar.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .18 1604071 Til umsagnar - frá nefndasviði Alþingis, 728. mál
    Bæjarráð Fjallabyggðar - 442. fundur - 26. apríl 2016 Allsherjar- og menntamálanefnd Alþingis sendir til umsagnar frumvarp til laga um útlendinga, 728. mál.

    Lagt fram til kynningar.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .19 1604070 Til umsagnar - frá nefndasviði Alþingis, 638. mál
    Bæjarráð Fjallabyggðar - 442. fundur - 26. apríl 2016 Umhverfis- og samgöngunefnd Alþingis sendir til umsagnar tillögu til þingsályktunar um fjögurra ára samgönguáætlun 2015-2018, 638. mál.

    Bæjarráð samþykkir að fela bæjarstjóra að senda inn umsögn í samræmi við umræður á fundinum.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .20 1604072 Flokkun Eyjafjörður ehf. - aðalfundur 2016
    Bæjarráð Fjallabyggðar - 442. fundur - 26. apríl 2016 Fyrirhugaður aðalfundur Flokkunar Eyjafjörður ehf. fyrir árið 2016 er áætlaður 17. maí nk.

    Bæjarráð samþykkir að fulltrúi bæjarfélagsins verði Ríkharður Hólm Sigurðsson.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .21 1601011 Fundargerðir stjórnar Hornbrekku - 2016
    Bæjarráð Fjallabyggðar - 442. fundur - 26. apríl 2016 Eftirfarandi fundargerðir lagðar fram til kynningar.

    1. fundur stjórnar Hornbrekku 20. janúar 2016.
    3. fundur stjórnar Hornbrekku 13. apríl 2016.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.
  • .22 1601013 Fundargerðir nefnda og stjórna Fjallabyggðar - 2016
    Bæjarráð Fjallabyggðar - 442. fundur - 26. apríl 2016 Lagðar fram til kynningar eftirfarandi fundargerð:

    13. fundur Ungmennaráðs, 20. apríl 2016.     Bókun fundar Afgreiðsla 442. fundar bæjarráðs staðfest á 132. fundi bæjarstjórnar með 7 atkvæðum.