Félagsmálanefnd Fjallabyggðar - 70. fundur - 19. desember 2012

Lagður fram undirskriftarlisti vegna ráðningar starfsmanns við félagsstarf aldraðra í Skálarhlíð. Undir þessum lið gerði félagsmálastjóri grein fyrir starfsmannahaldi Skálarhlíðar. Félagsmálanefnd leggur áherslu á að eldri borgurum standi til boða aðstaða og aðstoð vegna félagsstarfs í Skálarhlíð.

Kynnt sameiginleg tillaga samtaka aðila vinnumarkaðarins, ríkis og Sambands íslenskra sveitarfélaga um átaksverkefni til stuðnings langtímaatvinnulausum. Meginmarkmið verkefnisins er að virkja atvinnuleitendur sem hafa fullnýtt eða munu að óbreyttu fullnýta rétt sinn innan atvinnuleysistryggingakerfisins til þátttöku að nýju á vinnumarkaði og koma í veg fyrir að langvarandi atvinnuleysi leiði til óvinnufærni.
Félagsmálanefnd felur félagsmálastjóra að taka saman greinargerð um verkefnið eins og það snýr að Fjallabyggð og leggja fyrir næsta fund nefndarinnar.