Bæjarráð Fjallabyggðar - 252. fundur - 27. mars 2012

Fimmtudaginn 22. mars 2012, komst Hæstiréttur Íslands að þeirri niðurstöðu í máli Hjartar Þórs Haukssonar gegn Fjallabyggð, að Fjallabyggð bæri að innleysa fasteign Hjartar, sem er flugskýli við flugvöllinn í Ólafsfirði. Fjallabyggð var einnig gert að greiða eina milljón í málskostnað í héraði og fyrir Hæstarétti.

Skrifstofu- og fjármálastjóri kynnti bæjarráði næstu skref í málinu.

Fyrir bæjarráði liggur tilboð í Bylgjubyggð 49, Ólafsfirði.
Bæjarráð samþykkir að fela skrifstofu- og fjármálastjóra að gera tilboðsgjöfum gagntilboð og jafnframt heimild til að ljúka málinu ef um semst.

Lagt fram rekstraryfirlit fyrir tímabilið janúar til febrúar 2012, annars vegar fyrir A- og B-hluta sveitarfélagsins svo og málaflokkayfirlit.

Lögð fram tillaga deildarstjóra tæknideildar um tilflutning á fjármagni á fjárhagsáætlun 2012 til að mæta snjómoksturskostnaði.
Á áætlun 2012 voru 9 milljónir en búið er að moka fyrir 8,9 í lok febrúar.
Bæjarráð samþykkir lækkun á fjárhagslið 10-31-2941, fyllingarefni og ofaníburði, um 0,5 milljón, lækkun á fjárhagslið 10-31-2942, malbik, olíumöl og steypa, um 3 milljónir, á móti hækkun að upphæð 3,5 milljónir á fjárhagslið fyrir snjómokstur og hálkueyðingu.

Lagt fram til kynningar bréf frá Húsafriðunarnefnd dags. 14. mars 2012, þar sem fram kemur að ákveðið hefur verið að styrkja sveitarfélagið á árinu 2012, um 1,1 milljón til byggða- og húsakönnunar.