Umsókn um leyfi til búfjárhalds

Lögð er fram umsókn um tímabundið sauðfjárhald í hesthúsum á Siglufirði.

Neðanritað fært til bókar:

Skipulags- og umhverfisnefnd samþykkir undanþágu við sauðfjárhald í hesthúsi nr. 9 á Siglufirði í vetur, sjá umsókn frá Haraldi Björnssyni Suðurgötu 28, Siglufirði.

Umsækjandi er í miklum vanda með sinn búfjárstofn ? nánast á götunni.

Forsendur nefndarinnar eru þessar;

1.    Bæjarstjórn samþykkti á fundi sínum 17. mars 2009 búfjárhald í Fjallabyggð.

·         Núverandi bæjarstjórn hefur staðfest ákvörðun fyrri bæjarstjórnar.

2.    Samræming á reglum um búfjárhald í Ólafsfirði og á Siglufirði er varðar búfjárhald var nauðsynlegt til að gæta að jafnræðisreglu stjórnsýslulaga.

3.    Væntanlegt skipulag á Siglufirði byggir á nábýli frístundabænda og hesthúsaeigenda og tekur tillit til áðurnefndra sjónarmiða.

·         Sjá skipulagsuppdrátt, greinargerð og umhverfisskýrslu fyrir Aðalskipulag Fjallabyggðar frá 28.09.2010.

·         Deiliskipulag svæðisins var samþykkt af skipulags- og umhverfisnefnd 25.10.2010

·         Deiliskipulagið var samþykkt af bæjarráði í umboði bæjarstjórnar og sett  27.10.2010.

Ætlun bæjarstjórnar var að ljúka skipulagsvinnunni fyrr til að mæta óskum  aðila um byggingu á húsnæði fyrir sauðfjárhald.

4.    Samþykktir um búfjárhald í Fjallabyggð er í staðfestingu hjá Sjávarútvegs- og landbúnaðarráðuneyti.

·         Hún var samþykkt af skipulags- og umhverfisnefnd 25.02.2010

·         Hún var samþykkt í bæjarstjórn 15.03.2010

·         Samþykktin var aftur tekinn til meðferðar í skipulags- og umhverfisnefnd 29.12.2010.

·         Samþykkt með áorðnum breytingum í bæjarráði 11.01.2011.

5.    Nefndin hefur rætt við eigendur húsnæðisins og er ofanrituð undanþága samþykkt af þeirra hálfu í ljósi aðstæðna.

6.    Nefndinni hafa ekki borist neinar skriflegar eða munnlegar kvartanir frá hesthúsaeigendum. 

7.    Búfénaðurinn verður á húsi til vorsins.

Nefndin gefur hinsvegar hesthúsaeigendum kost á að koma athugasemdum á framfæri til  nefndarinnar fyrir 01.02.2011.

Ætlunin er að leyfa undanþágu þessa til vorsins á grundvelli framkominna sjónarmiða.

Nefndin leggur hinsvegar ríka áherslu á að allar umsóknir um búfjárhald berist nefndinni fyrir 1. september ár hvert til að koma í veg fyrir árekstra er varðar búfjárhald í Fjallabyggð.

Samþykkt með 4 atkvæðum, Sigurður er á móti sauðfjárhaldi á svæðinu.