Framkvæmdir á sundlaugarsvæði, Ólafsfirði

Að lokinni vettvangsferð fundaði skipulags- og byggingarfulltrúi með bæjarráði, þar sem farið var nánar yfir framkvæmdastöðu.
Skipulags- og byggingarfulltrúi mun leggja fyrir bæjarráð á næsta fundi, útreikninga vegna breytinga á framkvæmdinni.

Bæjarráð samþykkir stækkun lendingarlaugar á móti því að sleppa sporöskjulaug með bunusteini, að því gefnu að það hafi ekki aukakostnað í för með sér.

Undir þessum lið komu á fund bæjarráðs:

bæjarfulltrúarnir, Þorsteinn Ásgeirsson, Helga Jónsdóttir, Bjarkey Gunnarsdóttir, Guðmundur Skarphéðinsson, Egill Rögnvaldsson og Kristján Hauksson.
Skipulags- og byggingarfulltrúi Stefán Ragnar Hjálmarsson.

Skipulags- og byggingarfulltrúi fór yfir stöðu framkvæmda á sundlaugarsvæðinu í Ólafsfirði.

48. fundur bæjarstjórnar samþykkti eftirfarandi :

"Bæjarstjórn samþykkir að bæjarráði verði falið að fara yfir framkvæmdir við sundlaug Ólafsfjarðar með það fyrir augum að kanna hvort hægt sé að ljúka framkvæmdum nú í sumar m.a. með uppsetningu rennibrautar. Bæjarráð hraði athugun sinni og leggi fyrir bæjarstjórn tillögu á næsta fundi í maí."
Fyrir bæjarráði liggja upplýsingar skipulags- og byggingarfulltrúa um viðbótarkostnað vegna framkvæmda að upphæð 25,9 milljónir. Þar er rennibraut undanskilin.
Bæjarráð samþykkir með tveimur atkvæðum að vísa framkomnum viðbótarkostnaði til endurskoðunar fjárhagsáætlunar.

Jafnframt felur bæjarráð skipulags- og byggingarfulltrúa að koma með tillögu að niðurskurði á framkvæmdum á móti þessari upphæð.

Jóna Vilhelmína Héðinsdóttir sat hjá og óskar að eftirfarandi sé bókað.
"Í ljósi þess hvernig að verkinu hefur verið staðið þá get ég ekki fallist á þessa viðbót"

Mism. yfir á viðhaldslið gatna            3,32 millj.
Heildarbreyting                              25,9 millj.
Bæjarráð vísar framkominni tillögu til umfjöllunar í bæjarstjórn.