Skipulags- og umhverfisnefnd Fjallabyggðar

Tekin fyrir umsókn um búfjárhald í flugskýli við Siglufjarðarflugvöll.

Umsækjandi uppfyllir ekki skilyrði 3. greinar samþykktar um búfjárhald í Fjallabyggð nr. 185/2011, hvað varðar aðstöðu, þ.e. að hún sé innan marka svæðis þar sem gert er ráð fyrir búfjárhaldi á skipulagi. Því getur nefndin ekki samþykkt umsóknina. Þar sem búfé er í húsinu nú þegar, þá heimilar nefndin umsækjanda að halda búfé í flugskýlinu til mánaðarmóta júní/júlí 2017.

Lagt fram erindi Neyðarlínunnar þar sem kannað er viðhorf Fjallabyggðar til þess að Neyðarlínan fái að setja upp aðstöðu fyrir fjarskipti á Múlakollu auk þess að plægður yrði raf- og ljósleiðara strengur milli fyrirhugaðrar aðstöðu og Ólafsfjarðar.

Nefndin tekur jákvætt í tillögur neyðarlínunar en áréttar að ekki liggur fyrir að svo stöddu hvort af gerð vegslóðar upp á Múlakollu verði.

Drög að deiliskiplulagstillögu fyrir atvinnulóðir norðan Hafnarbryggju,Þormóðseyri lögð fyrir nefndina.

Nefndin samþykkir að kynna drög að deiliskipulagstillögu fyrir atvinnulóðir norðan Hafnarbryggju og mun tillagan vera aðgengileg hjá tæknideild Fjallabyggðar.

Á fund nefndarinnar mættu hönnuðir frá Landslag ehf. og kynntu drög að deiliskipulagstillögu fyrir miðbæ Siglufjarðar.

Nefndin samþykkir að kynna drögin og munu þau vera aðgengileg hjá tæknideild Fjallabyggðar.

Lögð fram skipulagslýsing á breytingu á Aðalskipulagi Fjallabyggðar 2008 - 2028. Athafna- og hafnarsvæði á Þormóðseyri, Siglufirði. Einnig lagður fram uppdráttur um breytingu Aðalskipulagi Fjallabyggðar 2008-2028.

Nefndin samþykkir að auglýsa skipulagslýsinguna og breytinguna í framhaldi.

Á fund nefndarinnar mættu forsvarsmenn Arctic Freeride ehf. og kynntu hugmynd sýna að vegslóða upp á Múlakollu í Ólafsfirði.

Nefndin óskaði eftir frekari gögnum og upplýsingum frá umsækjendum.

Yfirlýsing um lóðarmarkabreytingu vegna stækkunar á lóð Menntaskólans á Tröllaskaga, Ægisgötu 13 lögð fyrir nefnd.

Erindi samþykkt.

Lagt fram erindi frá íbúa þar sem óskað er eftir að bátur inn á íbúarhúsalóð verði fjarlægður.

Með vísan til byggingarreglugerðar þá felur nefndin tæknideild að láta fjarlægja bátinn.

Umsókn um byggingarleyfi vegna breyttrar notkunar á húsnæði úr íbúðarhúsnæði í atvinnuhúsnæði.

Erindi samþykkt.

Lagt fram til kynningar.