Skipulags- og umhverfisnefnd Fjallabyggðar

Erindi frá Mikael Mikaelssyni varðandi eignamörk milli Vermundarstaða og landspildu úr landi Vermundarstaða (Vermundarstaðir land 150941).

Tæknideild falið að tryggja að ekki sé gengið á þinglýsta eign Mikaels Mikaelssonar.

Aðaluppdrættir lagðir fyrir nefnd.

Nefndin samþykkir framlagða aðaluppdrætti.

Umræða um lóðamörk lóða að Kirkjuvegi og Strandgötu í Ólafsfirði. Kirkjuvegur 12 og 14. Strandgata 17 og 19.

Vegna misræmis í lóðarleigusamningum milli ofantaldra lóða samþykkir nefndin að breyta lóðarmörkum milli Kirkjuvegar 12-14 og Strandgötu 17-19. Tæknideild falið að kynna niðurstöðu fyrir lóðarhöfum.

Umsögn deildarstjóra tæknideildar vegna frágangs á bakka við Suðurgötu 28 lögð fram. Í henni kemur fram að samþykkt fyrir frágangi á bakka á kostnað Fjallabyggðar hafi verið byggð á röngum forsendum.

Umræða um umferðaröryggi í Fjallabyggð.

Nefndin leggur til við bæjarstjórn að hámarkshraði á þjóðvegi í þéttbýli í gegnum Ólafsfjörð verði minnkaður niður í 35km/klst.

Sótt er um að setja niður nýtt frístundahús á lóðinni í stað eldra húss sem hefur verið fjarlægt. Húsið var byggt á Akureyri og verður flutt fullbyggt á lóðina.

Erindi samþykkt.