Skipulags- og umhverfisnefnd Fjallabyggðar

Við gerð fjárhagsáætlunar fyrir árið 2021 var gert ráð fyrir 10 milljónum til sérstakra umhverfisverkefna. Nefndarmenn fóru yfir tillögur að verkefnum sem hægt væri að vinna sumarið 2021.

Á fundi nefndarinnar þann 3. febrúar sl. var tæknideild falið að vinna að bættu umferðaröryggi á gatnamótum Hólavegar og Hlíðarvegar. Tillaga tæknideildar, sem fól í sér að banna innakstur við umrædd gatnamót, var kynnt íbúum og húseigendum Hólavegar 3-19. Tvær ábendingar bárust þar sem annars vegar var lagt til að gatan yrði einstefnugata til suðurs og hins vegar lagt til að innakstur yrði frekar bannaður við hinn enda götunnar, við gatnamót Hólavegar og Hlíðarvegar til norðurs þar sem sjónsvið ökumanns, þegar hann keyrir niður Hólaveg að syðri gatnamótunum, er verulega skert til beggja átta.

Lagt fram erindi Björns Jónssonar, dagsett 7. febrúar 2021 þar sem óskað er eftir leyfi til að setja bíslag við hurð á suðausturhluta stafnsins við Vesturtanga 6 og glugga á suðvesturhluta stafnsins í samræmi við meðfylgjandi teikningu. Einnig lagt fram samþykki húseigenda við Vesturtanga 2,4 og 6.

Lögð fram umsókn um byggingarleyfi dagsett 8. febrúar 2021 þar sem Sigurður Þorgils Guðmundsson sækir um leyfi til útlitsbreytinga á húsi sínu við Suðurgötu 28. Einnig lögð fram umsögn Minjastofnunar dags. 9. febrúar 2021 og teikning unnin af VSB Verkfræðistofu dagsett 25. janúar 2021.

Lagt fram erindi húseigenda við Vesturgötu 10 og 12 þar sem óskað er eftir leyfi fyrir hurðum á neðri hæðum, suðurhliðar hússins þar sem opnað verður úr stofu út í garð. Einnig lagt fram undirritað samþykki annarra eigenda í húsinu.

Lögð fram umsókn um byggingarleyfi dagsett 17. febrúar 2021. Byggingarfélagið Berg sækir um, fyrir hönd húseiganda að Hrannarbyggð 19, leyfi til útlitsbreytinga þar sem ætlunin er að klæða húsið að utan með lituðu, liggjandi stáli.

Lögð fram umsókn um byggingarleyfi dagsett 17. febrúar 2021. Byggingarfélagið Berg sækir um, fyrir hönd húseiganda að Hlíðarvegi 63, leyfi til útlitsbreytinga þar sem ætlunin er að klæða efri hæð hússins með lituðu bárujárni og neðri hæð með virok plötum.

Lögð fram umsókn um byggingarleyfi dagsett 1. mars 2021. Valþór Brynjarsson sækir um, fyrir hönd húseiganda að Grundargötu 5b, leyfi til útlitsbreytinga þar sem ætlunin er að breyta þakgerð með tilheyrandi hækkun á vegghæð sem snýr að Grundargötu, setja svalir og verönd að vestan með breytingu á gluggasetningu og setja opnanlegan glugga með handriði (svokallaðar franskar svalir) að austan. Einnig verða settir gluggar sem snúa til suðurs í portið bæði á efri og neðri hæð. Húsið verður svo steinað að utan í rauðum lit. Samhliða er óskað eftir því að lóðamörk verði færð á milli Grundargötu 5b og Lækjargötu 4c þar sem breyting svala kallar á stækkun lóðarinnar að Grunargötu 5b um 18fm.

Lagt fram erindi hestamannafélagsins Gnýfara dagsett 23. febrúar 2021. Í erindinu minnir stjórn félagsins á að samþykkt var að frágangur efnisnámunnar við Kleifarhorn yrði með þeim hætti að tilkostnaður við skeiðvöll, sem á að vera þar skv. deiliskipulagi, verði sem minnstur fyrir hestamannafélagið.

Lagt fram erindi dagsett 19. febrúar 2021 þar sem Rúnar Marteinsson f.h. F52 ehf. óskar eftir því að ljósastaur við norðausturhorn Suðurgötu 10 verði færður á lóðarmörk þar sem núverandi staðsetning hindrar notkun bílastæðis á lóðinni.

Lagt fram erindi Haralds Björnssonar dagsett 20. janúar 2021 þar sem hann óskar eftir aukningu á beitarhólfum fyrir sauðfé sitt þar sem núverandi hólf duga ekki miðað við þann fjárfjölda sem hann er með í fjárhúsi sínu.

Lagt fram erindi Sigurðar Ægissonar, dagsett 28. janúar 2021 þar sem spurt er hvernig málum sé háttað á Siglufirði varðandi eyðingu bjartmáfs, hvítmáfs, silfurmáfs og svartbaks.

Lagt fram erindi Sigurðar Ægissonar, dagsett 28. janúar 2021 þar sem óskað er eftir því að nefndin hlutist til um að lausaganga katta verði bönnuð í sveitarfélaginu á varp- og ungatímum fugla, frá 1. maí til 15. júlí.

Lögð fram til kynningar skýrsla Vegagerðarinnar, Siglufjörður - mat á öldufari við niðurbrot á Siglunesi.