Markaðs- og menningarnefnd Fjallabyggðar

Nefndarmenn undirrituðu drengskaparheit um þagnarskyldu.

93. fundur bæjarstjórnar samþykkti að vísa drögum að erindisbréfi markaðs- og menningarnefndar til umfjöllunar í bæjarráði og í framhaldi af því til markaðs- og menningarnefndar.

Á 317. fundi bæjarráðs var samþykkt að vísa drögum að erindisbréfi til umfjöllunar í markaðs- og menningarnefnd.

Erindisbréf yfirfarið og lagfært. Svo breytt samþykkt.

Á fund nefndarinnar kom forstöðumaður Tjarnarborgar Anna María Guðlaugsdóttir og fór yfir starfsemina.

Rætt um fyrirkomulag og viðburðarhald um jól og áramót, brennur, flugeldasýningar og jólatréstendrun.

Markaðs- og menningarnefnd leggur til að kveikt verði á jólatrjám í Fjallabyggð 30. nóvember á Siglufirði og 1. desember í Ólafsfirði.

Lagt fram erindi formanns Vildarvina Siglufjarðar og formanns Siglfirðingafélagsins þar sem sveitarfélagið er kvatt til þess að standa vel að 100 ára kaupstaðarafmæli Siglufjarðarkaupstaðar 20. maí 2018 og að skipuð verði afmælisnefnd til að vinna að undirbúningi.

296. fundur bæjarráðs samþykkti að vísa erindinu til umfjöllunar menningarnefndar, nú markaðs- og menningarnefndar.

Markaðs- og menningarnefnd þakkar ábendingu og tekur jákvætt í erindið.

Lagt fram yfirlit yfir umsóknir um menningarstyrki.

Farið var yfir úthlutaðan ramma fjárhagsáætlunar og tillögur forstöðumanna og deildarstjóra sem fram voru komnar.

Lagt fram til kynningar rekstraryfirlit janúar til ágúst 2013 vegna menningarmála og atvinnu- og ferðamála.

Lögð fram til kynningar fundargerð frá fundi forstöðumanns bóka- og hérðasskjalasafns Fjallabyggðar og skrifstofu- og fjármálastjóra 6. ágúst s.l.

Lagt fram til kynningar yfirlit starfsmanns náttúrugripasafnsins um starfsemi sumarsins.

Lögð fram til kynningar fundargerð frá fundi hagsmunaaðila tjaldsvæða sem haldinn var 19. okt .s.l. í Skagafirði.

Lögð fram til kynningar greinargerð rekstaraðila tjaldsvæðanna á Siglufirði.

Lögð fram til kynningar greinargerð rekstraraðila tjaldsvæðis og upplýsingarmiðstöðvar í Ólafsfirði.

Á 310. fundi bæjarráðs 3. september. s.l. var samþykkt að ráða Kristin J. Reimarsson í starf markaðs- og menningarfulltrúa Fjallabyggðar.  Kristinn mun hefja störf í desemberbyrjun og býður markaðs- og menningarnefnd hann velkominn til starfa.

Menningarráð Eyþings kynnti menningarstefnu á aðalfundi Eyþings í september s.l. þar sem framkominni stefnu var fagnað.
Menningarráð Eyþings leggur áherslu á að sveitarfélög horfi til hennar við vinnu í málaflokknum.