Hafnarstjórn Fjallabyggðar

Ómar Geirsson og Einar Áki Valsson umsjónarmenn björgunarbátsins Sigurvins mættu á fund hafnarstjórnar.

Aðilar voru sammála um að flytja Sveinsbúð og Sigurvin á vesturkant í innri höfn. Forsvarsmenn Sigurvins munu leggja fram kostnaðaráætlun fyrir flutningnum.

Yfirhafnarvörður gerði grein fyrir stöðu sumar- og vetrarfríi hafnarstarfsmanna fyrir árið 2016.

Hafnarstjóra og yfirhafnarverði falið að vinna í málinu, sem fram kom á fundinum.

Lögð fram tilboð sem yfirhafnarverði var falið að fá vegna uppsetningu á hanafót á nýju flotbryggjuna í Ólafsfirði, rafmagni á gömlu flotbryggjurnar í Ólafsfirði og botnfestur við flotbryggjuna framan við Harbor House.

Yfirhafnarverði falið að vinna verkin á sem hagkvæmastan hátt og kostur er.

Samkvæmt upplýsingum frá Ramma hf þá þarf landtenging við nýjan togara að vera 250 Amper.

Lagt fram til kynningar.

Lögð fram til kynningar verndaráætlun hafnaraðstöðu fyrir Siglufjarðarhöfn.

Fjöldi landana og afli í höfnum Fjallabyggðar á tímabilinu 1. janúar 2016 til og með 29. febrúar 2016.

Siglufjörður 2292 tonn í 138 löndunum. Ólafsfjörður 105 tonn í 98 löndunum.

Samanburður við sama tímabil árið 2015.
Siglufjörður 2821 tonn í 135 löndunum. Ólafsfjörður 92 tonn í 57 löndunum.

Lögð fram til kynningar fundargerð fyrsta verkfundar vegna endurbyggingar á Bæjarbryggju.

Lagt fram til kynningar tilboð Hafblik í þjónustu vegna vigtunar á Ólafsfirði.

Lagt fram bréf hafnarstjóra til stjórnar Cruise Iceland vegna SeaTrade í Santa Cruz.

Skipulags- og umhverfisnefnd hefur móttekið umsókn um viðbyggingu við húseignina Gránugötu 13b, Siglufirði. Nefndin fól tæknideild að grenndarkynna tillöguna og er hún kynnt m.a. hafnarstjórn.

Hafnarstjórn gerir eftirfarandi athugasemd við umsóknina:
Lengd viðbyggingar til suðurs mun skerða útsýni frá hafnarvog til vesturs og leggur hafnarstjórn því til að húsið verði stytt þannig að suðurgafl hússins sé í línu við húsin sem eru austan og vestan við fyrirhugaða viðbyggingu. Einnig bendir hafnarstjórn á að mjög takmarkað athafnasvæði yrði við innkeyrsluhurð sem teiknuð er á suðurgafl sem myndi skapa hættu og óþægindi fyrir gangandi og akandi umferð, styður það því enn frekar við þá hugmynd að húsið yrði stytt sem því nemur.

Lögð fram tillaga yfirhafnarvarðar að auglýsingu fyrir grásleppuvertíð sem hefst 20. mars næstkomandi.

Lögð fram til kynningar fundargerð 382. fundar Hafnasambands Íslands.