Hafnarstjórn Fjallabyggðar

Farið yfir gjaldskrá fyrir árið 2014.

Yfirhafnarvörður gerir tillögu að breytingu á gjaldskrá í samræmi við ákvörðun bæjarráðs og munu gjaldskrár hækka um 4%.

Nokkur umræða var um að setja gjald á hvern farþega við komur skipa til Siglufjarðar. Hafnarstjórn ákvað að hafa óbreytta gjaldskrá er þetta varðar.

Sorpgjöld komu einnig til umræðu og var nokkur umræða um að hækka gjald á skipum yfir 100 tonn um 2 þúsund krónur þ.e. úr fjögur þúsund í sex þúsund á mánuði.

Þessi tillaga var samþykkt.
Samþykkt samljóða.

Ákveðið var á síðasta fundi að fara yfir tillögur að framkvæmdum og lagfæringum á hafnarsvæðum Fjallabyggðahafna á næsta fjárhagsári.

Fram hafa komið ábendingar um neðanritað, en fundarmenn leggja mikla áherslu á að ráðast þarf í miklar lagfæringar á aðal löndunarhöfn bæjarfélagsins þ.e. hafnarbryggju á Siglufirði.

Er varðar framkvæmdir á Siglufirði komu fram ábendingar um neðanritað;

1. Lagfæringar á þekju og umhverfi suðurhafnar á Siglufirði - áætlaður kostnaður 3.5 m.kr.

2. Kaup á flotbryggju við smábátahöfn á Siglufirði - áætlaður kostnaður 10.0 m.kr.

3. Kaup á nýjum löndunarkrana á Siglufirði - áætlaður kostnaður um 7.0 m.kr.  Ákvörðun frestað sjá lið 4.

4. Hafnarstjórn óskar eftir kostnaðarmati á timburbryggju frá Hafnarbryggju og að togarabryggju, en um er að ræða umþað bil 65 m.

Er varðar framkvæmdir í Ólafsfirði komu ábendingar um neðanritað;

1. Lagfæringar á þekju, götu og umhverfi í Ólafsfirði - áætlaður kostnaður um 3.0 m.kr.

2. Kaup á flotbryggju í Ólafsfirði - áætlaður kostnaður á 20 metra bryggju um 10 m.kr.  Ákvörðun frestað.

3. Viðgerðir við og endurbyggja garð í Ólafsfirði og er áætlaður hluti hafnarsjóðs um 3.0 m.kr.- framlag frá ríkinu er tryggt, en það er kr. 9.0 m.kr.

Ofanritað samþykkt einróma.

Lagt fram til kynningar.

Aníta gerði grein fyrir sínum störfum fyrir hafnarstjórn á árinu 2013.
Fram kom m.a. að hún hefur sótt ráðstefnu í Reykjavík og einnig hefur hún sótt kynningu og ráðstefnu til Hamborgar.
Fram kom hjá Anítu að hingað munu sex skip koma til Siglufjarðar á næsta ári og er það tvöföldun á skipakomum til bæjarfélagsins.

Hafnarstjórn leggur áherslu á að fjármagn verði tryggt til að sinna þessari kynningu á næsta fjárhagsári. Lagt er til að kr. 500.000.- verði varið til verkefnisins.

Ólafur Kárason lagði fram neðanritaða tillögu.
"Lagt er til að bæjarráð endurskoði hugmyndir sínar um fækkun um einn starfsmann við Fjallabyggðahafnir.
Ástæðan er fyrst og fremst sú að Fjallabyggðahafnir eru í mikilli sókn og tekjur hafa aukist ár frá ári"
Tillagan var samþykkt með fjórum atkvæðum en Steingrímur Óli sat hjá.