Hafnarstjórn Fjallabyggðar

Lagt fram rekstraryfirlit fyrir fyrstu fjóra mánuði ársins 2022 miðað við stöðu í bókhaldi þann 14.06.2022.

Yfirhafnarvörður fór yfir stöðu framkvæmda á Fjallabyggðahöfnum á fundinum.

Lagt fram erindi, dags. 7. júní 2022, frá Anitu Elefsen, safnstjóra Síldarminjasafnsins þar sem vakin er athygli sveitarfélagsins á SeaTrade sýningunni og mikilvægi hennar fyrir markaðssetningu Siglufjarðarhafnar sem viðkomustað fyrir skemmtiferðaskip.

Lagt fram erindi, dagsett 1. júní 2022, þar sem Vegagerðin óskar eftir að bjóða út stálþilsrekstur í samræmi við framlögð hönnunargögn. Gert er ráð fyrir að bjóða út í júní 2022. Varðandi heildarkostnað framkvæmdanna er vísað í framlagt bréf Vegagerðarinnar til Fjallabyggðahafna frá því febrúar 2021.
Gert er ráð fyrir að vinna við rekstur hefjist 1. september 2022 og klárist fyrir áramót. Þekjan verður svo boðin út sumarið 2023.

Fundarmenn undirrituðu drengskaparheit um þagnarskyldu vegna setu í Hafnarstjórn Fjallabyggðar.

Lagt fram erindi Unnars S. Hjaltasonar dags, 7. júní 2022 þar sem óskað er eftir, f.h. Nesnúps ehf, leyfi fyrir að staðsetja landgöngupramma á landfyllingu við norð-austanverðan Leirutanga eða annars vegar við hafnarkant svo pramminn verði ekki fyrir skemmdum, t.a.m. vegna veðurs.

Þann 7. júní sl. vísaði skipulags- og umhverfisnefnd Fjallabyggðar erindinu til umsagnar hjá Hafnarstjórn.

Lögð fram fyrirspurn Birgittu Guðrúnar Ásgrímsdóttur og Alexanders Schepsky, dagsett 24. maí 2022, um Námuveg 2, Ólafsfirði. Húsið stendur í dag á Athafnasvæði (AT) en spyrjendur vilja kanna möguleika á að reka gistiheimili og veitingarekstur í hluta hússins sem kallar á breytta skilgreiningu svæðis í verslun og þjónustu (VÞ).

Formaður hafnarstjórnar kynnti dagskráliðinn fyrir nefndarfólki.