Fræðslu- og frístundanefnd Fjallabyggðar

Lagðar fram athugasemdir frá ÚÍF um drög að reglum um úthlutun frítíma. Íþrótta- og tómstundafulltrúi mun vinna úr athugasemdunum.
Fræðslu- og frístundanefnd samþykkir að beina þeim tilmælum til aðildarfélaga ÚÍF, sem fengið hafa úthlutað frítímum í Íþróttamiðstöðinni fyrir barna- og unglingastarf, að innheimta á æfingagjaldi verði í nafni félaganna.
Gert er ráð fyrir að reglurnar verði lagðar fyrir næsta fund nefndarinnar.

Lagt fram til kynningar form um skráningu og uppgjör frístundakorta 2015.

Íþrótta- og tómstundafulltrúi gerði nefndinni grein fyrir athugasemdum sem borist hafa frá unglingum sem sækja félagsmiðstöðina Neon.
Félagsmiðstöðin sótti landsmót félagsmiðstöðva 13.-15. mars s.l. 45 unglinar tóku þátt og gekk ferðin vel í alla staði.

Unnið er að því að ganga frá skipan ungmennaráðs Fjallabyggðar og standa vonir til þess að ráðið verði starfhæft fyrir mánaðarmót.

Lögð fram umsókn um tímabundna námsvist grunnskólanema utan lögheimilissveitarfélags.
Samþykkt.

Lögð fram gjaldskrá Grunnskóla Fjallabyggðar fyrir árið 2015. Gjaldskráin hækkar um 1,4% milli ára.
Fræðslu- og frístundanefnd samþykkir gjaldskrána fyrir sitt leyti.

Lagt fram til kynningar yfirlit frá íþrótta-og tómstundafullrúa um aðsókn í frítíma íþróttamiðstöðvar. Frítímar eru samtals 32 á viku og fjöldi iðkenda samtals 289 í þessum tímum.

Lagt fram til kynningar.