Fræðslu- og frístundanefnd Fjallabyggðar

Undir þessum lið sat Kristín M. H. Karlsdóttir skólastjóri Leikskóla Fjallabyggðar.
Skólastjóri fór yfir ýmis mál tengdu daglegu starfi skólans og hvernig það lítur út fram að vori. Skólastarf fer vel af stað á nýju ári. Skólastjóri kynnti hugmynd að merki leikskólans en það er sett saman m.a. úr teikningum nemenda.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Árnína Björt Heimisdóttir fulltrúi kennara og Kristrún Líney Þórðardóttir fulltrúi foreldra ásamt Kristínu Brynhildi Davíðsdóttur sem heldur utan um erlend samstarfsverkefni skólans.

Kristín Brynhildur kynnti fyrir fundarmönnum þau tvö Nordplus junior verkefni sem grunnskólinn er þátttakandi í ásamt fleiri Norðurlöndum.

Annað verkefnið gengur út á kennaraheimsóknir grunnskóla í þremur Norðurlöndum, Ísland, Svíþjóð og Finnland. Viðfangsefnið er lesskilningur og skoða kennarar og starfsmenn kennsluaðferðir og nálganir til eflingar lesskilningi, hjá hinum skólunum. Því verkefni lýkur í febrúar 2024.

Hitt verkefnið gengur út á nemenda- og kennaraheimsóknir og eru skólar af öllum Norðurlöndum þátttakendur. Áherslan er haf, orka, auðlyndir og inngilding (MERI). Því verkefni lýkur vorið 2025.
Fræðslu- og frístundarnefnd þakkar Kristínu Brynhildi fyrir góða kynningu og það óeigingjarna starf sem hún hefur innt af hendi fyrir hönd Grunnskóla Fjallabyggðar. Verkefnin eru bæði mjög vel heppnuð og munu skila grunnskólanum innsýn og þróun í kennsluháttum.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Árnína Björt Heimisdóttir fulltrúi kennara og Kristrún Líney Þórðardóttir fulltrúi foreldra.
Skólastjóri kynnti fyrir fundarmönnum vinnu við innra mat grunnskólans ásamt umbóta- og starfsáætlunum gæðaráðs.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Árnína Björt Heimisdóttir fulltrúi kennara og Kristrún Líney Þórðardóttir fulltrúi foreldra.
Skólastjóri fór yfir árangur af reglum um símafrí í grunnskólanum. Fræðslu- og frístundanefnd styður við reglurnar og hvetur til áframhaldandi símafrís með þróun á annarri afþreyingu í frímínútum fyrir nemendur.

Fundadagatal nefnda 2024 lagt fram til kynningar. Fræðslu- og frístundanefnd samþykkir dagatalið fyrir sitt leyti.

Lagt fram erindi frá Samfés, samtökum félagsmiðstöðva þar sem hvatt er til umsagnar um áform um frumvarp til laga um æskulýðs- og frístundastarf inn á samráðsgátt.
Fræðslu- og frístundanefnd felur frístundafulltrúa og deildarstjóra fræðslu-, frístunda- og menningarmála að skoða áformin og veita umsögn ef tilefni er til.

Fræðslu- og frístundanefnd vísar tillögu að úthlutun fræðslustyrkja fyrir árið 2024 til afgreiðslu bæjarstjórnar. Auglýst var eftir umsóknum um styrki til fræðslumála sl. haust og unnið úr umsóknum á desemberfundi nefndarinnar. Umsækjendur eiga von á svarbréfi í lok janúarmánaðar.