Fræðslu- og frístundanefnd Fjallabyggðar

Undir þessum lið sat forstöðumaður íþróttamiðstöðvar og fór yfir möguleika á opnun sundlauga í Fjallabyggð um páska. Fyrirhugaðar eru framkvæmdir við endurnýjun búningsklefa sundlaugar í Ólafsfirði í apríl og maí.

Fræðslu- og frístundanefnd felur deildarstjóra fræðslu-, frístunda- og menningarmála að gera drög að samningi við Foreldrafélag grunnskólans um forvarnarstarf og leggja fyrir næsta fund nefndarinnar.

Fræðslu- og frístundanefnd yfirfór reglur um úthlutun styrkja til fræðslumála. Nefndin felur deildarstjóra fræðslu-, frístunda og menningarmála að uppfæra reglurnar, ásamt umsóknareyðublaði samkvæmt umræðu á fundinum og leggja fyrir næsta fund fræðslu- og frístundanefndar.

Fræðslu- og frístundanefnd fór yfir reglur um skólaakstur í Fjallabyggð m.t.t. nauðsynlegra breytinga þar sem núgildandi reglur eru síðan 2012. Afgreiðslu frestað til næsta fundar.