Félagsmálanefnd Fjallabyggðar

Rætt um stöðu verkefnisins sem lýtur að sameiningu tveggja eins herbergja íbúða í Skálarhlíð í eina íbúð. Gert er ráð fyrir að framkvæmdir hefjist í byrjun júnímánðar.

Kynnt erindi frá Brussel-skrifstofu Sambands íslenskra sveitarfélaga. Boðið er upp á námskeið í Brussel, með það markmið að kynna félagsmálastefnu ESB og aðkomu sveitarstjórnarstigsins að henni. Evrópusambandið ber allan kostnað af þátttöku. Félagsmálastjóri mun sækja námskeiðið.

Ársreikningur íbúasjóðs Sambýlisins að Lindgötu 2 fyrir árið 2012 lagður fram til kynningar.

Afgreiðslu frestað.

Félagsþjónusta Fjallabyggðar stóð fyrir fræðslufundi um geðheilbrigði barna og unglinga 3. apríl síðast liðinn. Sálfræðingar frá Barna- og unglingageðdeild Landspítalans fjölluðu um um geðheilbrigði barna og unglinga. Fræðslufundurinn var tvískiptur, annars vegar fyrir starfsfólk Grunnskóla Fjallabyggðar og hins vegar fyrir foreldra og aðstandendur.
Aðsókn var einstaklega góð, 100% mæting frá starfsfólki skólans og auk þess mættu 30 manns á þann hluta sem ætlaður var foreldrum og aðstandendum.

Fundargerð þjónustuhóps SSNV frá 14.03.2013 lögð fram til kynningar.