Félagsmálanefnd Fjallabyggðar

Bæjarráð Fjallabyggðar samþykkti á fundi sínum þann 22.07. 2020, að ganga til samninga við Janus Heilsueflingu um langtímaverkefni sem stuðlar að bættri heilsu eldri borgara í Fjallabyggð. Vegna ástandsins í þjóðfélaginu tengt Covid-19, hefur orðið töf á að verkefnið geti hafist. Að öllu óbreyttu er áformað að taka upp þráðinn þegar aðstæður leyfa á nýju ári. Lagt er til við bæjarráð að fram að þeim tíma verði heilsuefling eldri borgara efld með 50% ráðningu íþróttafræðings til að sinna líkamsrækt og hreyfingu eldri borgara.

Lögð fram tillaga að reglum Fjallabyggðar um úthlutun íþrótta- og tómstundastyrkja til lágtekjuheimila vegna Covid-19. Félagsmálanefnd samþykkir fyrir sitt leyti að viðmiðunarupphæð styrksins verði kr. 47.000.

Deildarstjóri gerði grein fyrir áherslum félagsþjónustunnar varðandi starfsemi einstakra rekstrareininga og þjónustuþátta m.t.t. Covid-19.

Lagt fram til kynningar.

Félagsmálaráðuneytið veitti Fjallabyggð styrk vegna sérstakra viðbótarverkefna í félagsstarfi fullorðinna fyrir sumarið 2020, kr. 668.800. Styrkurinn var nýttur til að koma á viðbótartímum í líkamsrækt, sundleikfimi, jóga og fyrirlestrum um fjölþætta heilsueflingu eldri borgara.

Lagt fram til kynningar.

Lagt fram til kynningar.

Lagt fram til kynningar.