Bæjarráð Fjallabyggðar

Lögð fram til kynningar athugasemd í kjölfar grenndarkynningar frá forsvarsmönnum Brimnes ehf., dags. 10.8.2017, vegna óverulegrar breytingar á deiliskipulagi á svæði við Hornbrekkubót í Ólafsfirði.

Deildarstjóri tæknideildar fór yfir málið. Málið verður á dagskrá skipulags- og umhverfisnefndar miðvikudaginn 23. ágúst n.k.

Gengið hefur verið frá lóðarleigusamningi við RARIK vegna spennistöðvar á Bæjarbryggju (Hafnarbryggju). RARIK greiðir útlagðan kostnað vegna byggingar spennistöðvarinnar.

Lagt fram til kynningar svar deildarstjóra fræðslu-, frístunda- og menningarmála við fyrirspurn Sigríðar Vigdísar Vigfúsdóttur varðandi fræðslustefnu Fjallabyggðar.

Í erindi frá dómsmálaráðuneytinu dags. 16. ágúst 2017 er tilkynnt að ráðuneytið hafi yfirfarið lögreglusamþykktina sem samþykkt var af bæjarstjórn Fjallabyggðar þann 7. september 2016. Gerð er ein athugasemd við samþykktina, þ.e. að í 31. gr. er rétt að vísa til laga um meðferð sakamála nr. 88/2008 í stað laga um meðferð opinberra mála.

Bæjarráð samþykkir breytingartillögu dómsmálaráðuneytisins og felur deildarstjóra stjórnsýslu og fjármála að uppfæra samþykktina og senda dómsmálaráðuneytinu samþykktina til staðfestingar og birtingar.

Aðalfundur Seyru ehf. verður haldinn föstudaginn 25. ágúst n.k. kl. 13:15 á skrifstofu SR-vélaverkstæðis, Vetrarbraut 14.

Bæjarráð samþykkir að Ríkharður Hólm Sigurðsson verði fulltrúi sveitarfélagsins.

Lögð fram til kynningar fundargerð frá 297. fundi stjórnar Eyþings sem haldinn var þann 14. ágúst sl..