Bæjarráð Fjallabyggðar

Hlusta

708. fundur 09. september 2021 kl. 07:45 - 08:30 í fjarfundi

Nefndarmenn

Nanna Árnadóttir aðalmaður, I lista
Jón Valgeir Baldursson aðalmaður, H lista
S. Guðrún Hauksdóttir formaður, D lista

Starfsmenn

Guðrún Sif Guðbrandsdóttir deildarstjóri stjórnsýslu- og fjármála
Elías Pétursson bæjarstjóri

Fundargerð ritaði: Guðrún Sif Guðbrandsdóttir deildarstjóri stjórnsýslu- og fjármála

Formaður óskaði eftir að bæta 2 liðum á dagskrá fundarins.

1.Launayfirlit tímabils - 2021

Málsnúmer 2101006 Vakta málsnúmer

Lagt fram til kynningar yfirlit launakostnaðar fyrir tímabilið janúar til ágúst 2021.

Lagt fram

2.Merkingar á og við stofnanir sveitarfélagsins.

Málsnúmer 2109024 Vakta málsnúmer

Lagt er til að bæjarráð feli tæknideild að yfirfara merkingar á og við stofnanir sveitarfélagsins og skila bæjarráði minnisblaði með tillögum að úrbótum bæði hvað varðar bætta ásýnd sem og skýrleika merkinga. Einnig er lagt til að bæjarráð feli tæknideild að yfirfara merkingar s.s. gangbrautarmerkingar og leiðarvísanir sem eru á vegum Vegagerðarinnar og vinna sambærilegt minnisblað með staðgreindum ábendingum um úrbætur, það minnisblað skal lagt fyrir bæjarráð sem mun, ef þörf er talin á, senda það til Vegagerðarinnar.

Samþykkt

Bæjarráð samþykkir ofangreinda tillögu og felur deildarstjóra tæknideildar að vinna umrædd minnisblöð og leggja fyrir bæjarráð eigi síðar en um næstu mánaðarmót.

3.Leiðbeiningar um ritun fundargerða og notkun fjarfundarbúnaðar

Málsnúmer 2109005 Vakta málsnúmer

Lagt fram til kynningar bréf Samgöngu- og sveitarstjórnarráðuneytisins dags 1. september 2021. Efni bréfsins er að kynna breytingar á leiðbeiningum um ritun fundargerða og notkun fjarfundarbúnaðar.

Visað til afgreiðslu starfsmanns

Bæjarráð samþykkir að fela deildarstjóra stjórnsýslu og fjármála að kynna efni bréfsins fyrir kjörnum fulltrúum, nefndarfólki og starfsfólki sem kemur að ritun fundargerða, undirbúningi og frágangi funda.

4.Trúnaðarmál

Málsnúmer 2109025 Vakta málsnúmer

Visað til afgreiðslu starfsmanns

Niðurstaða bæjarráðs færð í trúnaðarbók.

5.Fréttabréf Samtaka sveitarfélaga og atvinnuþróunar á Norðurlandi eystra (SSNE) - 2021

Málsnúmer 2102020 Vakta málsnúmer

Lagt fram til kynningar fréttabréf SSNE 18 tbl. ágúst 2021

Lagt fram

6.Samþætting þjónustu í þágu farsældar barna

Málsnúmer 2101038 Vakta málsnúmer

Lagt fram bréf Sambands íslenskra sveitarfélaga dags. 30. ágúst 2021, efni bréfsins varðar innleiðingu laga um samþætta þjónustu í þágu barna. Í bréfinu kemur fram hvatning stjórnar sambandsins hvað varðar að hefja undirbúning innleiðingar laga um samþætta þjónustu í þágu farsældar barna og að slíkur undirbúningur geti falið í sér endurskoðun verkferla með aukinni áherslu á samhæfingu þvert á svið.

Vísað til umsagnar

Bæjarráð samþykkir að fela deildarstjóra félagsmáladeildar og deildarstjóra fræðslu-, frístunda- og menningardeildar að taka saman minnisblað er varðar þau atriði sem fram koma í framlögðu bréfi. Minnisblaðið skal innifela stöðumat og tillögur að aðgerðum sem ráðast þarf í til innleiðingar laga um samþætta þjónustu í þágu farsældar barna. Minnisblaðið skal leggja fyrir bæjarráð svo fljótt sem verða má en eigi síðar en um komandi mánaðarmót.

7.Aðalfundur og ársreikningur 2021.

Málsnúmer 2109004 Vakta málsnúmer

Lagt er fram fundarboð vegna aðalfundar Greiðrar leiðar ehf., fundurinn verður haldinn í fjarfundi 14. september nk. Einnig er lagður fram undirritaður ársreikningur vegna ársins 2020.

Visað til afgreiðslu starfsmanns

Bæjarráð samþykkir að fela bæjarstjóra að sitja fundinn f.h. sveitarfélagsins.

Fylgiskjöl: