Bæjarráð Fjallabyggðar

Á 459. fundi bæjarráðs, 2. ágúst 2016 var samþykkt að heimila lokað útboð í tengslum við gerð útivistar og tjaldsvæði að Leirutanga í Siglufirði.

Tilboð í verkið "Leirutangi, útivistar og tjaldsvæði" voru opnuð kl. 11:00 í dag miðvikudaginn 17. ágúst 2016.
Eftirfarandi tilboð bárust:
Smári ehf kr. 31.716.900,-
Sölvi Sölvason kr. 29.980.000,-
Bás ehf kr. 27.453.000,-
Kostnaðaráætlun kr. 29.082.500,-

Bæjarráð samþykkir að taka tilboði lægstbjóðanda.

Á 459. fundi bæjarráðs, 2. ágúst 2016, var lögð fram kæra til Innanríkisráðuneytis, dagsett 22, júlí 2016, frá lögmönnum lóðarhafa að Tjarnargötu 16, Siglufirði, þar sem mótmælt er málsmeðferð Fjallabyggðar í málinu. Einnig var lagt fram erindi frá Innanríkisráðuneytinu, dagsett, 22. júlí 2016, þar sem óskað var eftir umsögn Fjallabyggðar vegna kærunnar.

Umsögn sem send hefur verið Innanríkisráðuneytinu, lögð fram til kynningar.

Í framhaldi af samþykkt 460. fundar bæjarráðs, 11. ágúst 2016, á samstarfssamningi Dalvíkurbyggðar og Fjallabyggðar um tónskóla, þarf að kjósa fimm manna skólanefnd sem samanstendur af þremur kjörnum fulltrúum sveitarfélagana, tveggja embættismanna og jafn margra varamanna. Skipan skólanefndar verður með þeim hætti að fyrsta starfsárið skipar Dalvíkurbyggð 2 fulltrúa og Fjallabyggð 3 fulltrúa og næsta starfsár skipar Dalvíkurbyggð 3 fulltrúa og Fjallabyggð 2 fulltrúa.

Bæjarráð samþykkir að fulltrúar Fjallabyggðar fyrsta starfsárið verði:
Kristinn J. Reimarsson, deildarstjóri fræðslu- frístunda- og menningarmála,
Ríkharður Hólm Sigurðsson bæjarfulltrúi og
Helga Helgadóttir bæjarfulltrúi

Til vara:
Gunnar I. Birgisson, bæjarstjóri
Hilmar Elefsen bæjarfulltrúi og
Sólrún Júlíusdóttir bæjarfulltrúi

Lögð fram beiðni frá Sýslumanninum á Norðurlandi eystra dagsett 11. ágúst 2016, er varðar umsögn um nýtt rekstrarleyfi til sölu gistinga að Brekkugötu 15, 625 Ólafsfirði.

Bæjarráð gerir ekki athugasemd við umsóknina.

Lögð fram beiðni frá Sýslumanninum á Norðurlandi eystra dagsett 12. ágúst 2016, er varðar umsögn um endurnýjun á rekstrarleyfi til sölu gistinga og veitinga í Gistihúsi Jóa, Strandgötu 2, 625 Ólafsfirði.

Bæjarráð gerir ekki athugasemd við umsóknina.

Lögð fram til kynningar ályktun Búnaðarþings 2016 um fjallskil. Jafnframt er leitað eftir upplýsingum um framkvæmd fjallskila hjá sveitarfélögum.

Bæjarráð felur deildarstjóra tæknideildar að taka saman þær upplýsingar sem leitað er eftir og svara Bændasamtökum Íslands.

Lögð fram til kynningar hvatning Velferðarvaktarinnar til sveitarstjórna, skólanefnda, skólaskrifstofa og skólastjóra, dagsett 9. ágúst 2016, um að leggja kostnaðarþátttöku foreldra vegna ritfangakaupa barna af eða halda henni í lágmarki.

Bæjarráð samþykkir að vísa málinu til umfjöllunar í fræðslu- og frístundanefnd.

Framtíðarsetur Íslands hefur tekið að sér að leiða sviðsmyndavinnu vegna undirbúnings gerðar stefnumótandi byggðaáætlunar til 2023. Verkið er unnið fyrir Atvinnu- og nýsköpunarráðuneytið og Byggðastofnun. Markmið verkefnisins er að greina tækifæri og ekki síður ógnanir til framtíðar um það hvernig best verði staðið að byggðaþróun á Íslandi á komandi árum.
Leitað er eftir skoðunum á helstu þáttum sem munu móta byggðamál og þróun búsetu á landinu til framtíðar.

Lagt fram til kynningar.

Lögð fram til kynningar fundargerð 28. fundar stjórnar Samtaka sjávarútvegssveitarfélaga frá 4. ágúst 2016.