Bæjarráð Fjallabyggðar

Útboðsgögn í vátryggingar fyrir Fjallabyggð voru opnuð kl. 14:00 þann 26.11.2015.
Niðurstöður útboðs voru:

Sjóvá
9.041.166 kr.
TM
13.132.769 kr.
VÍS
9.045.695 kr.

Munurinn á Sjóvá og VÍS var 0,05%.
Öll félög buðu uppá forvarnaráætlun og vaxtalausar greiðslur.

Lagt fram minnisblað ráðgjafa Fjallabyggðar í útboðinu.

Bæjarráð samþykkir að taka tilboði Sjóvár.

Umfjöllun bæjarráðs er skráð sem trúnaðarmál.

Á 414. fundi bæjarráðs, 27. október 2015, var farið yfir stöðu mála varðandi snjóflóðaeftirlit.

Fyrr á þessu ári óskaði rekstraraðili skíðasvæðisins eftir breytingu á ákvæði samnings er varðaði snjóflóðaeftirlit.

Bæjarráð fól bæjarstjóra að taka málið upp í stjórn Leyningsáss.

Bæjarstjóri kynnti bæjarráði umsögn um stöðu mála.

Bæjarráð samþykkir tillögu bæjarstjóra að Fjallabyggð sjái um kostnaðinn við snjóflóðaeftirlitið á skíðasvæðinu í vetur.
Bæjarráð samþykkir að fela bæjarstjóra að leggja fram samning um snjóflóðaeftirlit á næsta fundi bæjarráðs.

Lagt fram svarbréf Rarik, dagsett 30. nóvember 2015, við erindi Fjallabyggðar m.a. um verð á heitu vatni á Siglufirði.

Einnig lögð fram umsögn bæjarstjóra.
Í umsögn kemur fram að:

a)Rarik tekur þátt í kostnaði vegna vinnu við breytingu á aðalskipulagi og umhverfisskýrslu vegna hitaveitu í Skarðsdal. Upphæð ríflega ein mkr.

b)Rarik veitir 20% afslátt á heitu vatni til notkunar í sundlaugum á Siglufirði.

c)Rarik hækkar ekki verð á heitu vatni til húshitunar á Siglufirði á næstu árum sem þýðir að raunlækkun verður á heitu vatni til íbúa Fjallabyggðar á Siglufirði, sem nemur verðbólgu á hverju ári.
Yfir 5 ára tímabil gæti þessi raunlækkun numið 12-18%.
Þessi niðurstaða er gleðiefni fyrir íbúa og fyrirtæki á Siglufirði.

Bæjarráð fagnar ákvörðun Rarik.

Lögð fram ósk eigenda að Kirkjuvegi 12 Ólafsfirði um niðurfellingu á kröfu frá bæjarfélaginu vegna breytingar á lóð þar sem í raun sé verið að færa lóðarleigusamninga í rétt horf.

Bæjarráð samþykkir erindið.

Lögð fram umsögn Sambands íslenskra sveitarfélaga um frumvarp til laga er tengist virðisaukaskatti af almenningssamgöngum, þ.m.t. skólaakstri.

Lögð fram til kynningar matsgerðs Verkís sem unnin var að beiðni Viðlagatryggingar Íslands, varðandi tjón á fráveitu Fjallabyggðar 28. ágúst 2015.

Einnig lögð fram athugasemd deildarstjóra tæknideildar við texta í matsgerð.

Í matsgerð kemur fram að kostnaðarmat vegna hreinsunar og fleiri verkþátta sé rúmlega 9 milljónir kr.

Bæjarráð samþykkir matsgerðina, en bendir á athugasemd deildarstjóra tæknideildar.

Lögð fram dagskrá aðalfundar Róta bs, sem verður haldinn í Tjarnarborg í Ólafsfirði, 16. desember 2015.
Einnig lagður fram ársreikningur Róta 2014.

Lögð fram áskorun á bæjarstjórn frá Sigrúnu Sigmundsdóttur, þar sem skorað er á bæjarstjórn að skoða betur með inntöku á leikskóla Fjallabyggðar, hvort að það sé ekki hægt að koma apríl og maí börnum 2015 inn fyrr heldur en í ágúst 2016.

Innskráning barna næsta vor er til skoðunar hjá fjölskyldudeild.

Sólrún Júlíusdóttir lagði fram fyrirspurn um niðurrif á Kirkjuvegi 4 Ólafsfirði.

Bæjarráð felur bæjarstjóra að svara fyrirspurn á næsta fundi.