Bæjarráð Fjallabyggðar

Á 388. fundi bæjarráðs, 14. apríl 2015, var lagt fram yfirlit um framlög/styrki/rekstrar- og þjón.samninga vegna Knattspyrnufélags Fjallabyggðar á árinu 2014.

Bæjarráð samþykkti að óska eftir að fulltrúi KF kæmi á fund bæjarráðs.

Á fund bæjarráðs mætti Óskar Þórðarson framkvæmdastjóri Knattspyrnufélags Fjallabyggðar.

Bæjarráð leggur áherslu á að drög að samningum verði lögð fyrir næsta bæjarráðsfund til umfjöllunar.

Ein af beiðnum KF var að fá leigða íbúð fyrir þjálfara/leikmenn.
Bæjarráð vill taka fram að bæjarfélagið á einungis leiguíbúðir sem er ráðstafað á félagslegum grunni.
Engar íbúðir eru til ráðstöfunar að svo stöddu.

114. fundur bæjarstjórnar, 15. apríl 2015, samþykkti að vísa umfjöllun um gjaldskrá Grunnskóla Fjallabyggðar til bæjarráðs.

Bæjarráð samþykkir að fresta þessum dagskrárlið.

Niðurstaða verðkönnunar í malbiksyfirlagnir fyrir Fjallabyggð kynnt.

Þrír aðilar skiluðu einingaverðum, Colas, KM malbikun og Kraftfag.

Niðurstaða:
Colas
Nýlögn 5 cm Y11, 4900 kr/m2
Yfirlögn 4 cm Y11, 4000 kr/m2

KM Malbikun
Nýlögn 5 cm Y11, 4250 kr/m2
Yfirlögn 4 cm Y11, 3650 kr/m2

Kraftfag
Nýlögn 5 cm Y11, 3970 kr/m2
Yfirlögn Ólafsfirði 4 cm Y11, 3520 kr/m2
Yfirlögn Siglufirði 4 cm Y11, 3620 kr/m2

Bæjarstjóri fór yfir athugasemdir sem bárust frá KM Malbikun vegna verðkönnunar.

Bæjarráð samþykkir að fela deildarstjóra tæknideildar að ganga til samninga við Kraftfag á grundvelli verðkönnunar.

384. fundur bæjarráðs, 17. mars 2015, samþykkti að fela bæjarstjóra að ganga til viðræðna við kauptilboðsgjafa, Þröst Þórhallsson, í húsnæðið að Hlíðarveg 18-20 Siglufirði.

Bæjarstjóri upplýsti um stöðu mála.

Bæjarráð samþykkir að fela bæjarstjóra að gera bjóðanda gagntilboð á þeim forsendum sem fram komu á fundinum.

Á 388. fundi bæjarráðs var samþykkt að veita deildarstjóra stjórnsýslu og fjármála umboð til að ganga frá sölu á Ólafsvegi 30, íbúð 202 Ólafsfirði á þeim forsendum sem ræddar voru á fundinum.

Lagt fram staðfest kauptilboð að upphæð 6,0 millj.

Bæjarráð samþykkir tilboðið.

Lögð fram tvö kauptilboð í Ólafsveg 28, íbúð 203 Ólafsfirði.

Bæjarráð samþykkir að veita deildarstjóra stjórnsýslu og fjármála umboð til að ganga frá sölu á Ólafsvegi 28, íbúð 203 Ólafsfirði á þeim forsendum sem ræddar voru á fundinum.

Á fund bæjarráðs kom Olga Gísladóttir leikskólastjóri.

Farið var yfir starfsmannahald leikskólans og þær breytingar sem þarf að gera á fjárhagsáætlun 2015 vegna vanáætlunar.

114. fundur bæjarstjórnar samþykkti að vísa þessum dagskrárlið til bæjarráðs.

385. fundur bæjarráðs hafði samþykkt að leggja til við bæjarstjórn að stofnuð yrði afmælisnefnd, sem yrði skipuð fimm fulltrúum og fimm til vara.

Bæjarráð samþykkir að afmælisnefnd verði skipuð 7 fulltrúum og sjö til vara.

Bæjarstjóri verði formaður.
Aðrir í stjórn verði:
fulltrúi Siglfirðingafélags og Vildarvina
tveir frá meirihluta
tveir frá minnihluta og
markaðs- og menningarfulltrúi.

388. fundur bæjarráðs, 14. apríl 2015, vísaði tillögum markaðs- og menningarfulltrúa, Kristins J. Reimarssonar að umsóknum í styrktarsjóð EBÍ til umsagnar markaðs- og menningarnefndar.
15. fundur Markaðs- og menningarnefndar, 16. apríl 2015, lagði til við bæjarráð að sótt verði um styrk til að setja upp upplýsingaskilti við hafnir Fjallabyggðar þar sem vakin er athygli á lífríki hafnanna.

Bæjarráð samþykkir tillögu Markaðs- og menningarnefndar og felur markaðs- og menningarfulltrúa að senda inn umsókn til Styrktarsjóðs EBÍ.

Lagt fram til kynningar svar Minjastofnunar, dagsett 8. apríl 2015, við umsókn bæjarfélagsins um styrk úr húsafriðunarsjóði til lagfæringa á Kirkjuvegi 4, Ólafsfirði.

Ekki reyndist unnt að styrkja verkefnið.

Bæjarráð samþykkir að auglýsa húsið til sölu með þeirri kvöð að kaupanda verði gert að gera húsnæðið upp og bæjarfélagið veiti styrk að upphæð 3 milljónir til endurbóta, sem verða greiddar út samkvæmt framgöngu verksins.
Endurbótaframlag tengt sölu hússins verði tímabundið og miðist við að húsið verði selt fyrir 1. júní 2015.

Lögð fram kynning á ráðgjafafyrirtækinu Ráðrík ehf, sem sérhæfir sig í ráðgjöf fyrir sveitarstjórnir, stofnanir og fyrirtæki sem starfa á þeirra vegum.

Fundargerð frá 16. apríl 2015, lögð fram til kynningar.

Fundargerð frá 17. apríl 2015, lögð fram til kynningar.

Fundargerð frá 16. apríl 2015, lögð fram til kynningar.