Bæjarráð Fjallabyggðar

Fjallabyggð er boðið að vera áfram í samstarfi við ríkið um útboð á vegum Ríkiskaupa, sem fram fer fyrir árið 2014.

Lokafrestur til að skila inn staðfestingu á aðild að rammasamningnum er til föstudagsins 28. febrúar n.k.

Bæjarráð samþykkir og felur bæjarstjóra að skila inn staðfestingu á aðild Fjallabyggðar fyrir umræddan lokafrest.

Umsókn um endurnýjun á rekstrarleyfi fyrir Allann með áorðnum breytingum.

Bæjarráð gerir ekki athugasemdir við útgáfu leyfisins.

Skólaráð er lögbundin nefnd, en telst ekki til stjórnsýslunefndar þar sem hún er ekki bær til að taka stjórnvaldsákvarðanir. Upplýsingar liggja fyrir um að sveitarfélög eru almennt ekki að greiða foreldrum fyrir setu í skólaráði. Sveitarfélögum er það ekki skylt og kemur það fram í svari frá Sambandi ísl. sveitarfélaga.

Bæjarráð telur þar með ekki ástæðu til að taka upp greiðslur fyrir setu í skólaráði og er bæjarstjóra falið að koma þeirri ákvörðun til skólastjóra Grunnskóla Fjallabyggðar.

Samþykkt samhljóða.

Lagðar fram innheimtureglur fyrir Fjallabyggð.

Bæjarráð leggur til við bæjarstjórn að umræddar reglur verði samþykktar.

Samþykkt samhljóða.

Lagt fram minnisblað frá skrifstofu- og fjármálastjóra, dags. 19.02.2014.

Gerð var verðkönnun um kröfuinnheimtu fyrir bæjarfélagið og var skiladagur 14. febrúar 2014.

Þrír innheimtuaðilar tóku þátt í umræddri verðkönnun.

Bæjarráð leggur til að teknar verði upp viðræður við Inkasso/Inkasso Legal þar sem könnunin gefur til kynnað að kostnaður fyrir greiðendur og kröfuhafa er að meðaltali lægstur.

Bæjarráð telur rétt að miða slíkan samning við tvö ár.

Samþykkt samhljóða.

Í framhaldi af minnisblaði Landslaga frá 27. janúar 2014, sem tekið var fyrir á síðasta fundi bæjarráðs, lagði bæjarstjóri fram bréf sitt frá 5. febrúar til lögmanns bæjarfélagsins og bréf lögmannsins dags. 10.02.2014 til Pacta á Akureyri.

Bréfin lögð fram til kynningar.

Þjóðskalasafn Íslands hefur formlega óskað eftir staðfestingu á nafnabreytingu á héraðsskjalasafninu, sem varð í kjölfar sameiningar sveitarfélaganna árið 2006.

Nafnið verði Héraðsskjalasafn Fjallabyggðar og eru lagðar fram samþykktir fyrir safnið til samþykktar.

Bæjarráð leggur til við bæjarstjórn að samþykktirnar og breytingin á nafni safnsins verði samþykktar.

Samþykkt samhljóða.

Lagt fram bréf frá Önnu Maríu Guðlaugsdóttur er varðar hugmyndir um "sjávardýragarð" í Ólafsfirði. Málið hefur verið rætt í hafnarstjórn og markaðs- og menningarnefnd.

Hafnarstjórn hefur samþykkt framlag að upphæð kr. 250.000.- og samþykkir bæjarráð kr. 310.000.- til viðbótar, til að hrinda hugmyndinni í framkvæmd.

Samþykkt, Egill sat hjá.

Lagður fram tölvupóstur frá Einari Benediktssyni f.h. Olíuverslunar Íslands er varðar hugmyndir eða áform um að hanna fjölþætt útivistarsvæði og samhliða alhliða þjónustumiðstöð.

Olíuverslun Íslands hf. lýsir yfir áhuga á að koma að þessu spennandi verkefni og fá úthlutaðri lóð til slíkrar starfsemi.

Lagt fram til kynningar, enda er málið til frekari skoðunar, umræddar lóðir í skipulagsferli og síðan verður málið til frekari umræðu í bæjarstjórn Fjallabyggðar.

Lagt fram bréf frá Eignarhaldsfélaginu Brunabótafélagi Íslands dags. 4. febrúar sl.

Vakin er athygli á að umsóknarfrestur í styrktarsjóð rennur út í lok apríl.

Bæjarráð vísar málinu til frekari skoðunar hjá markaðs- og menningarfulltrúa.

Lagt fram bréf frá formanni smábátafélagsins Skalla, dags.10.02.2014, er varðar úthlutun Fiskistofu á byggðakvóta til útgerða í Fjallabyggð.

Fram koma einnig ábendingar í umræddu bréfi frá aðalfundi Landssambands smábátaeigenda frá því í október 2013.

Lagt fram til kynningar.
Bæjarráð leggur áherslu á að reglur bæjarstjórnar voru samþykktar með öllum greiddum atkvæðum fyrir yfirstandandi fiskveiðiár.

Lagt fram minnisblað frá skrifstofu- og fjármálastjóra, dags. 19.02.2014.  er varðar afskriftir viðskiptakrafna.

Í tengslum við uppgjör fyrir árið 2013 leggur hann fram tillöga að endanlegri afskrift viðskiptakrafna að upphæð kr. 9.611.217.-.

Í ársreikningum undanfarin ár hefur verið gerð varúðarfærsla til að mæta afskriftum krafna og er á niðurfæslureikningnum um 25 milljónir króna.

Ekki þarf því að gera rekstrarlegar breytingu í ársreikningi vegna þessarar niðurfærslu.

Bæjarráð samþykkir einnig að allar eignir sem færðar voru yfir í Leyningsás - sjálfseignarfélags, verði afskrifaðar úr bókum bæjarfélagsins.

Samþykkt samhljóða.

Bæjarráð leggur til við bæjarstjórn að umræddar afskriftir verði samþykktar.

Lagt fram minnisblað frá deildarstjóra tæknideildar er varðar endurnýtingu á affalsvatni á Ólafsfirði.

Fram komnum ábendingum er vísað til næstu fjárhagsáætlunargerðar til skoðunar.

Samþykkt samhljóða.

Lögð fram stefna (bótakrafa) v/ slóðagerðar á Siglufirði. Málið er til umfjöllunar og afgreiðslu hjá Ofanflóðasjóði í Umhverfisráðuneytinu.

Lögð fram til kynningar fundargerð frá 07.02.2014.

Lagðar fram upplýsingar um uppsetningu kjörskrár og skráningu kjördeilda.

Lagðar fram upplýsingar um framlög úr Jöfnunarsjóði sveitarfélaga til Fjallabyggðar á árinu 2013.

Lagðar fram upplýsingar er varðar staðgreiðsluuppgjör fyrir Fjallabyggð fyrir árið 2013.

Lagðar fram til kynningar.

Lögð fram stjórnsýsluskoðun fyrir árið 2013 sem unnin var af KPMG.

Lagðar fram til kynningar fundargerðir 250. fundar og 251. fundar stjórnar Eyþings.

Lögð fram til kynningar fundargerð 812. fundar stjórnar Sambands íslenskra sveitarfélaga.