Bæjarráð Fjallabyggðar

Lagt fram bréf frá Atvinnuvega- og Nýsköpunarráðuneyti dags. 11. september 2013. Þar kemur fram að ráðuneytið vill gefa bæjar- og sveitarstjórnum kost á að sækja um byggðakvóta fyrir fiskveiðiárið 2013/2014 á grundvelli 10. gr. laga nr. 116/2006, með síðari breytingum.  Umsóknarfrestur er til 30. september 2013.

Bæjarráð felur bæjarstjóra að sækja um byggðakvóta fyrir næsta fiskveiðiár.

Þann 3. september auglýsti Fjallabyggð umrædda bifreið til sölu. Tilboð bárust fyrir kl. 14.00 þann 11. september s.l.

Sex tilboð bárust í umrædda bifreið og er tilboði Ingvars B. Eðvarssonar frá Vopnafirði tekið kr. 501.000.-, en það var hæsta tilboð.

Bæjarráð felur bæjarstjóra að ganga frá sölu bifreiðarinnar.

Fjármálaráðstefna sveitarfélaga verður haldin dagana 3. og 4. október nk. í Reykjavík. 

Bæjarráð samþykkir að bæjarráðsfulltrúar sæki ráðstefnuna, ásamt bæjarstjóra og skrifstofu- og fjármálastjóra.

Haustþing almenningsbókasafna verður haldið 27. september í Mosfellsbæ.

Bæjarráð samþykkir að forstöðumaður bókasafnsins sæki fundinn.

Lagt fram bréf frá formanni stýrihóps um gerð Héðinsfjarðarganga ásamt aðkomuvegum um verklok.

Fram kemur í bréfinu að öllum frágangi sé lokið nema við "Kleifartipp" og að það sé skoðun stýrihópsins að sú framkvæmd eigi að færast yfir á Fjallabyggð.

Bæjarstjóri lagði fram minnisblað frá deildarstjóra tæknideildar er varðar málið.

Bæjarráð felur bæjarstjóra að svara bréfi formannsins með þeim rökum sem fram koma m.a. í umræddu bréfi deildarstjóra tæknideildar.

Bæjarráð leggur áherslu á að frágangur á umræddu svæði sé í samræmi við áður gert samkomulag og sé alfarið í verkahring Vegagerðar.

Vígsluathöfn fer fram þriðjudaginn 24. september n.k. í Tjarnarborg Ólafsfirði.

Umhverfisráðherra bíður ráðamönnum bæjarfélagsins upp á fund um önnur verkefni af þessu tilefni.

Tvær ábendingar hafa borist frá Innanríkisráðuneytinu er varðar innkaupareglur bæjarfélagsins, sem þarfnast lagfæringa.

Um er að ræða 5.mgr. 23. gr. reglnanna sem og að skoða þurfi 12.gr. þar sem vísað er í upplýsingalög.

Lögmaður bæjarfélagsins leggur fram breytingar á umræddum greinum og samþykkir bæjarráð framkomnar breytingar og vísar innkaupareglunum til endanlegrar afgreiðslu á næsta fundi bæjarstjórnar.

Fyrir fundinn liggja upplýsingar um fjölda nemenda sem kynnu að vilja nýta sér niðurgreiðslu á rútuferðum fyrir nemendur á framhaldsskólastigi.

Um er að ræða nemendur í MA, í VMA og í HÍA sem og í Myndlistarskólanum á Akureyri.

Bæjarráð leggur til að umræddir nemendur hafi kost á niðurgreiðslu, enda er fjármagn til staðar í áætlun ársins.

Fjármálastjóra er falið að útfæra niðurgreiðsluna í samræmi við reglur annarra bæjarfélaga.

Deildarstjóri tæknideildar óskar heimildar til að selja traktor frá árinu 1990, sem þarfnast endurnýjunar.

Bæjarráð samþykkir tillögu deildarstjóra.

Bæjarráð felur bæjarstjóra að setja upp tillögu að ramma fyrir fjárhagsáætlun fyrir árið 2014 sem byggir á síðustu þriggja ára áætlun og þar með óbreyttum forsendum í álagningu fasteignagjalda frá árinu 2013.

Bæjarráð telur einnig rétt að miða við forsendur Sambands ísl. sveitarfélaga. Miða skuli við 4% verðbólgu um 5% hækkun á launalið og 1% launa fari á sérstakan lið til að mæta launum vegna langtíma veikinda. Miða skal við fjárfestingaráætlun til þriggja ára með áorðnum breytingum.

Bæjarráð telur rétt að óska eftir viðræðum við Leyningsás ses um samning um rekstur á skíðasvæðinu, en fyrirliggjandi samningur rann ú 1. september.

Samþykkt og er bæjarstjóra falið að óska eftir fundi með formanni félagsins.

Egill S. Rögnvaldsson vék af fundi undir þessum dagskrárlið.

Lögð fram til kynningar.

Bæjarráð fagnar uppbyggingu á vegum Leyningsáss ses.

Fundargerð lögð fram til kynningar.

Lagt fram til kynningar launayfirlit fyrir janúar til ágúst 2013.
Niðurstaðan fyrir heildina er 568 m.kr. sem er um 95,9% af áætlun tímabilsins sem var 592 m.kr.
Þó eru deildir sem eru yfir áætlun tímabilsins samtals um 10 m.kr. á móti öðrum deildum sem eru undir áætlun, samtals um 34 m.kr.

Fyrirspurn á 92. fundi bæjarstjórnar um stöðu framkvæmda ársins.
Lagt fram til kynningar.

Bæjarráð leggur þunga áherslu á að framkvæmdir við vatnslögn í Brimnesdal hefjist hið fyrsta.

Bæjarráð samþykkir kaup á matarbökkum fyrir nemendur grunnskólans við Norðurgötu.