Bæjarráð Fjallabyggðar

Lögð fram bréf frá forstöðumönnum leikskóla, grunnskóla og slökkviliðsstjóra.

Lagt fram minnisblað bæjarstjóra og deildarstjóra tæknideildar með bæjarverkstjóra og aðstoðarmanni hans.

Einnig lögð fram tillaga deildarstjóra tæknideildar um vinnufyrirkomulag í þjónustumiðstöð sem og mannahald.

Ólafur Þór Ólafsson deildarstjóri stjórnsýslu og fjármála fór yfir þær ábendingar sem fram hafa komið úr greinargerð HLH um stjórnsýsluúttekt.

Bæjarráð felur forseta bæjarstjórnar og bæjarstjóra að draga saman tillögur bæjarráðs til umræðu og samþykktar fyrir næsta fund bæjarstjórnar þann 11. september nk.

Formaður félags eldri bæjarbúa Ólafsfirði sendir bæjarráði þakkir fyrir áherslur sem koma fram í bréfi frá bæjarráði dagsett 28. janúar 2013.

Innanríkisráðuneytið kannar hvort sveitarfélög hafi áhuga á að koma að samstarfi er varðar hælisleitendur.

Bæjarráð telur sér ekki fært að taka við slíku verkefni.

6. hafnafundur Hafnasambands Íslands verður haldinn í Grindavík 20. september.

Lagt fram til kynningar.

Farið var yfir þær umsóknir sem borist hafa í starf markaðs- og menningarfulltrúa.

Þær lagðar fram til kynningar.

Bæjarráð felur bæjarstjóra og deildarstjóra stjórnsýslu og fjármála að vinna úr umsóknum. Tillaga deildarstjóra stjórnsýslu og fjármála verður lögð fyrir bæjarráð og ákvörðun um ráðningu í starfið verður tekin þriðjudaginn 27. ágúst n.k.