Bæjarráð Fjallabyggðar

Borist hefur bréf frá SÁÁ þar sem óskað er eftir stuðningi við átakið “Betra líf! - mannúð og réttlæti”.
Eftirfarandi bókun var samþykkt með tveimur atkvæðum.
"Bæjarráð Fjallabyggðar virðir og þakkar störf og ábendingar SÁÁ um aukið fjármagn til sveitarfélaga til að sinna málaflokknum, en getur ekki fellt sig við hugmyndir samtakanna um að binda hendur stjórnvalda, til ráðstöfunar á skattfé, með þeim hætti sem tillögur SÁÁ gera ráð fyrir."
Sólrún Júlíusdóttir óskar að bókað sé eftirfarandi:

"Undirrituð styður hugmynd samtakanna um að ráðstafað verði 10% af áfengisgjaldi, sem annars myndi renna til ríkisins, í þágu einstaklinga sem til sveitarfélagsins myndu leita vegna áfengis- og fíkniefnavanda".

Lagt fram bréf bæjarstjóra til forstöðumanna er varðar forsendur bæjarráðs og uppsetningu á fjárhagsramma fyrir árið 2013.

Lögð fram tvö tilboð í Ólafsveg 28, íbúð 104 Ólafsfirði. Annað er frá Guðrúnu Hlíf Lúðvíksdóttur og hitt er frá Sigrúnu Önnu Missen.
Bæjarráð samþykkir að ganga að tilboði Sigrúnar Önnu Missen.

Borist hefur tilboð frá Rósu Jónsdóttur í allt hlutafé í Finninum ehf. kt. 690793 -2459, auk handbærs fjár sem eftir stendur í félaginu við kaupin.

Bæjarráð samþykkir að fela bæjarstjóra að ganga til samninga við tilboðsgjafa á þeim forsendum sem ræddar voru í bæjarráði.

Bolli og beddi ehf. hefur fallið frá því að gera samning við Fjallabyggð um “bókakaffi” að Strandgötu í Ólafsfirði.
Jafnframt lýsir fyrirtækið áhuga á því að klára viðræður um rekstur upplýsingamiðstöðvar.      

Bæjarráð samþykkir að fela bæjarstjóra að ganga til viðræðna um rekstur upplýsingamiðstöðvar við Bolla og bedda ehf.

Bæjarráð samþykkir aðgangsheimildir fyrir skrifstofu - og fjármálastjóra að innlánsreikningum Fjallabyggðar í Arionbanka í Ólafsfirði.

Samkvæmt framlögðum drögum að skýrslu frá Siglingastofnun er áætlaður viðgerðarkostnaður Hafnarbryggju talinn vera frá 100 milljónum króna til 500 milljóna króna. Kostnaðurinn veltur á varanleika viðgerðarinnar.

Yfirstjórn bæjarfélagsins hefur rætt málið við þingmenn sem og Fjárlaganefnd Alþingis.

Bæjarráð felur bæjarstjóra að óska eftir fundi með stjórnvöldum og Siglingastofnun um málið. Brýnt er að niðurstaða liggi fyrir sem fyrst.

Lagðar fram ályktanir frá aðalfundi Eyþings sem haldinn var á Dalvík 5. og 6. október.

Lagðar fram upplýsingar um heildarkostnað við byggingarframkvæmdir við grunnskólann í Ólafsfirði.

Heildarkostnaður við byggingu skólans og breytingar á eldra húsnæði er um 260 m.kr. en upphafleg áætlun um framkvæmdir við skólann miðuðust við um 200 m.kr.
Ljóst er að framkvæmdir við eldra húsnæði skólans voru mun umfangsmeiri en allar áætlanir gerðu ráð fyrir. Í samþykktri fjárhagsáætlun fyrir árin 2011 - 2014, sjá minnisblað frá 25.06.2012, er búið að leiðrétta fjárhagsáætlun og byggingaráform í takt við tilboð sem gerð voru í 1., 2. og 3 verkhluta grunnskólans í Ólafsfirði.

Lagðar fram leiðbeinandi reglur um ferðaþjónustu fyrir fatlað fólk og er vísað í lög nr. 59/1992.

Bæjarráð vísar reglunum til félagsmálanefndar.

Lagðir fram minnispunktar frá 25. september er varðar mál sem varðar hagsmuni sveitarfélaga og er hvatt til þess að fulltrúar sveitarfélaga kynni sér fram komna minnispunkta.

Eftirtalin mál koma þar fram:
1. Skilyrt fjárhagsaðstoð.
2. Lengd tímabils atvinnuleysisbóta.
3. Málefni eldra fólks.
4. Innleiðing húsnæðisbótakerfis.
5. Talþjálfun grunnskólabarna.
6. Ósk um afnám laga um húsmæðraorlof.
7. Varasjóður húsnæðismála.
8. Önnur mál.

Fundargerð frá 9. október 2012, lögð fram til kynningar.